Ore i mexü̃ ga Cuáü̃ ümatüxü̃ 15:1 - Tupanaarü Ore

¹ Rü ñanagürü ga Ngechuchu: —Choma nixĩ i ngẽma úbane i aixcüma ixĩxü̃. Rü Chaunatü nixĩ ya nüxna daucü i ngẽma úba.

Ore i mexü̃ ga Cuáü̃ ümatüxü̃ 15:1 Referans Kwoze

Yeremía 2:21

Choma rü ñoma úbachire ya mexẽchínerüxü̃ pexü̃ ichato nax úba i baxcaxü̃ rü mexẽchixü̃rüxü̃ pixĩgüxü̃ca̱x. Natürü i pema rü ñoma úbachicürüxü̃ pegü pixĩgüxẽxẽ, rü ngẽmaca̱x i ñu̱xma rü marü tama pexü̃ chacua̱x.

1 Corintios 3:9

Rü toma rü wüxigu Tupanaaxü̃́ tapuracüe. Rü ngẽmaãcü nixĩ i perü maxü̃wa napuracüxü̃ ya Tupana nax nüma nanaxwa̱xexü̃ãcüma noxrü pixĩgüxü̃ca̱x.

Ichaía 60:21

Rü guxü̃ma i ngẽma Yerucharéü̃wa maxẽxü̃ rü duü̃xü̃gü i aixcüma mexü̃gu rüxĩnüexü̃ tá nixĩgü. Rü guxü̃gutáma nachixü̃anearü yora tá nixĩgü. Rü ngẽma duü̃xü̃gü rü ñoma wüxi i nanetü i chomatama ichatoxü̃rüxü̃ tá nixĩgü rü ngẽmatanüwa tá nango̱x i chorü pora.

Ichaía 4:2

Natürü wüxi i ngunexü̃gu rü ngẽma íyaxügüxü̃tanüwa rü Cori ya Tupana tá nanango̱xẽxẽ ya yimá maxẽxẽẽruxü̃ i ñoma wüxi i nanetü i nachimewa rüxüxü̃rüxü̃. Rü nüma rü ngü̃xẽẽruxü̃ ya poraxüchicü tá nixĩ naxca̱x i ngẽma duü̃xü̃gü i Iraéanewa íyaxügüxü̃. Rü ñu̱xũchi ngẽma íyaxügüxü̃arü nanetügü i naanewa ngẽxmagüxü̃ rü meama tá nixo, rü nümagü i duü̃xü̃gü rü tá poraãcü namaxã nataãẽgü.

Ore i mexü̃ ga Cuáü̃ ümatüxü̃ 6:55

Erü chaxune rü õnaxü̃chi nixĩ rü chaugü rü axexü̃xü̃chi nixĩ.

Yeremía 12:10

Rü muxü̃ma i ãẽ̱xgacügü i uanügü ixĩgüxü̃ rü nanachixexẽẽgü i chorü úbanecü, rü nagu napugüe i chauane. Rü nanangeãcuanexẽẽgü ga yema naane ga yexera chanaxwa̱xexü̃.

Nüxíraxü̃xü̃ ga popera ga Cuáü̃ ümatüxü̃ 2:8

Natürü ñaa Tupanaarü mu i pexca̱x chaxümatüxü̃ rü nangexwacaxü̃. Rü ñaa mu i aixcüma ixĩxü̃ rü Cristuwa nangẽxma rü ngẽxgumarüxü̃ ta pewa nangẽxma. Rü yema ẽanexü̃ ga noxri nawa peyexmagüxü̃ rü narüxochigü rü ñu̱xma rü ngẽma ngóonexü̃ i aixcüma ixĩxü̃wa pengẽxmagü.

Ore i mexü̃ ga Márcu ümatüxü̃ 12:1

Rü Ngechuchu rü inanaxügü ga ore ga cua̱xruü̃gügu ixuxü̃maxã nax nangúexẽẽtaexü̃. Rü ñanagürü nüxü̃: —Nayexma ga wüxi ga yatü ga norü naanegu úbanecü ücü. Rü ínanapoxegu, rü nanaxü ga wüxi ga úbaarü yauxtüxü̃ruxü̃, rü wüxi ga dauxü̃taechica nax yemawa nax dauxü̃taegüxü̃ca̱x. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü to ga nachixü̃anewa naxũ.

Ore i mexü̃ ga Matéu ümatüxü̃ 21:33

Rü ñanagürü ta ga Ngechuchu: —Chanaxwa̱xe i iperüxĩnüe i ñaa to i ore i cua̱xruxü̃ i tá pemaxã nüxü̃ chixuxü̃. Rü nayexma ga wüxi ga yatü ga nüxü̃́ nayexmacü ga wüxi ga norü naane. Rü yexma nanato ga muxü̃ma ga ori̱x ga úba. Rü ñu̱xũchi ínanapoxegu, rü nanaxü ga wüxi ga úbaarü yauxtüü̃chica rü wüxi ga dauxü̃taechica. Rü ñu̱xũchi ñuxre ga puracütanüxü̃na nanaxã nax nümagü namaxã inacua̱xgüxü̃ca̱x. Rü ñu̱xũchi ga yema naanearü yora rü wüxi ga to ga nachixü̃ane ga yáxü̃guxü̃wa naxũ.

Ochéa 10:1

Rü Ochéa rü ñanagürü: —Ngẽma Iraéanecüã̱xgü rü ñoma úba i muarü oṍxü̃rüxü̃ nixĩgü. Natürü yexguma Tupana yexera nüxü̃ rüngü̃xẽẽgu ga yema Iraéanecüã̱xgü, rü yexera norü tupananetagüca̱x ãmarearü guruxü̃ naxügü. Rü yexguma yexera namexgu ga nachixü̃ane rü yexera nanamexẽẽgü ga guma nutagü ga namaxã natupanaã̱xgücü.

Ore i mexü̃ ga Cuáü̃ ümatüxü̃ 6:32

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü tama nixĩ ga Moiché yixĩxü̃ ga nüxna naxãxü̃ ga yema paũ ga daxũcüã̱x, natürü Chaunatü ga Tupana nixĩ ga nüxna naxãcü. Rü nüma nixĩ i ñu̱xma i pexna naxããxü̃ i ngẽma paũ i aixcüma ixĩxü̃ i daxũwa ne ũxü̃.

Ore i mexü̃ ga Luca ümatüxü̃ 13:6

Rü nüma ga Ngechuchu rü nüxü̃ nixu ga wüxi ga ore ga igugü ixuxü̃, rü ñanagürü: —Rü wüxi ga yatü nüxü̃́ nayexma ga wüxi ga úbanecü. Rü yexma nanato ga wüxi ga igu. Rü nüma ga gumá yatü rü ínayadauuxü̃ ga yema igu rü naxõõ̱x, natürü taxuxü̃ma ga norü oxü̃ inayangau.

Ore i mexü̃ ga Matéu ümatüxü̃ 20:1

Rü ngẽma Tupana ãẽ̱xgacü ixĩxü̃wa rü nanangẽxgumaraxü̃ ga wüxi ga úbanecüarü yora ga pa̱xmama puracütanüxü̃ca̱x yadaucü nax norü úbanecüwa napuracüexü̃ca̱x.

Charumóü̃arü wiyae 7:12

Rü ngẽxguma yangunegu, rü úbanecüwa tá taxĩ nax íyadaugüxü̃ca̱x rü aixcüma marü naxügü i ngẽma úbagü, rü marü yaboxgüchacugü, rü marü yaxãchacu i boxragü. Rü ngéma tá nixĩ i cuxna chanaxãxü̃ i chorü ngechaü̃.

Chacaría 3:8

¡Rü dücax, Pa Yochuéx, rü mea rüxĩnü i cuma nax chacherdótegüarü ãẽ̱xgacü quixĩxü̃! Rü ngẽxgumarüxü̃ ta i cumücügü rü name nax mea inaxĩnüexü̃, erü pema rü wüxi i cua̱xruxü̃ pixĩgü nachiga ya yíxema tá nua chanaxũxẽxẽcü. Erü paxa tá nua petanüwa chanamu i wüxi i choxrü duü̃xü̃ i Dabítaxa i perü ãẽ̱xgacü tá ixĩcü.

Ore i mexü̃ ga Cuáü̃ ümatüxü̃ 1:9

Rü ñoma ga naanewa nangu ya Tupana Nane ya omü ixĩcü ya guxü̃ma i duü̃xü̃güca̱x nangóonexẽẽcü.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

Echequié 19:10

Pa Iraétanüxü̃x, tachixü̃ane rü ñoma wüxi i úbane i natücutüwa rüxüxü̃rüxü̃ nixĩ. Rü nabaca rü nataeta erü taguma nüxü̃́ nataxu i dexá.

Ore i mexü̃ ga Matéu ümatüxü̃ 15:13

Natürü nüma ga Ngechuchu rü nanangãxü̃ rü ñanagürü nüxü̃: —Guxü̃ma i ngẽma nanetü i tama Chaunatü ya dauxü̃gucü itoxü̃ rü tá nanabe̱x.

Ore i mexü̃ ga Cuáü̃ ümatüxü̃ 15:2

Rü ngẽma úbachacüxü i tama choxü̃́ oxü̃, rü norü yora rü nayadae. Natürü ngẽma nachacüxü i oxü̃, rü mea nanamexẽẽtanü nax yexeraãcü poraãcü naxoxü̃ca̱x.

Romanos 11:17

Tupana nüxü̃ naxo ga yema Yudíugü ga tama yaxõgüchaü̃xü̃. Rü ñoma wüxi i oribuchacüxü i idaexü̃rüxü̃ nixĩ ga yema Yudíugüxü̃ naxoxü̃. Natürü nachicüü Tupana pexü̃ nade woo tama Yudíugü nax pixĩgüxü̃. Rü wüxi i naixnecücüã̱x i oribuchacüxü rü oribu ítoxü̃wa yarüñaxcuchixü̃rüxü̃ pixĩgü. Rü ñu̱xma i pema rü ta pexü̃́ nangẽxma i pechica natanüwa i ngẽma duü̃xü̃gü i Tupanaarü ixĩgüxü̃. Erü Tupana rü pexü̃ narüngü̃xẽxẽ nax penayaxuxü̃ca̱x i maxü̃ i taguma gúxü̃.