Ore i mexü̃ ga Cuáü̃ ümatüxü̃ 14:12 - Tupanaarü Ore

¹² Aixcüma pemaxã nüxü̃ chixu rü yíxema choxü̃́ yaxṍxe rü tá tanaxü i ngẽma choma chaxüxü̃. Rü ngẽma chaxüxü̃arü yexera tá taxü, erü choma rü tá Chaunatüxü̃tawa chaxũ.

Ore i mexü̃ ga Cuáü̃ ümatüxü̃ 14:12 Referans Kwoze

Ore i mexü̃ ga Matéu ümatüxü̃ 21:21

Rü Ngechuchu nanangãxü̃ rü ñanagürü: —Pemaxã nüxü̃ chixu rü ngẽxguma chi aixcüma peyaxõgügu rü tama ngẽma igunecümaxã chaxüxü̃xica chi pexü, natürü ngẽmaarü yexeraxü̃ chi pexü. Rü ngẽxguma chi daa ma̱xpǘnexü̃ ñapegügu: ¡Ixũgachi i nua rü márwa cugü yatáe!, ñapegügu nüxü̃, rü pega chi naxĩnü.

Ore i mexü̃ ga Márcu ümatüxü̃ 16:17

Rü ñaa tá nixĩ i cua̱xruü̃gü i nawa nüxü̃ icuáxü̃ i ngẽma yaxõgüxü̃. Rü chauégagu tá ínanawoxü̃ i ngo̱xogü. Rü ngexwaca̱xü̃xü̃ i nagagüwa tá nidexagü.

Ngechuchuarü ngúexü̃gü ga yamugüxü̃arü puracüchiga 16:18

Rü yemaacü iyixĩ ga muxü̃ma ga ngunexü̃gu. Rü düxwa nüxü̃́ nawa̱xtümüxü̃ ga Pauru, rü ngĩxca̱x nadauegu, rü ñanagürü nüxü̃ ga yema ngo̱xo ga ngĩwa yexmaxü̃: —Ngechuchu ya Cristuégagu cuxü̃ chamu, nax ngĩwa ícuxũxũxü̃ca̱x —ñanagürü. Rü yexgumatama ngĩwa ínaxũxũ ga yema ngo̱xo.

Ngechuchuarü ngúexü̃gü ga yamugüxü̃arü puracüchiga 9:34

Rü Pedru ñanagürü nüxü̃: —Pa Eneãx, Ngechuchu ya Cristu cuxü̃ narümexẽxẽ. ¡Inachi rü namexẽxẽ i cuxchapenüxü̃! —ñanagürü. Rü yexgumatama inachi.

Ngechuchuarü ngúexü̃gü ga yamugüxü̃arü puracüchiga 19:12

Rü a̱i̱xrücü ga norü dechugü ga Pauru rü naxchirugü rü duü̃xü̃gü rü yema ida̱xaweexü̃xü̃tawa nanangegü. Rü yexguma yema ida̱xaweexü̃ nüxü̃ ingógügügu ga yema naxchiru rü ẽ̱xna dechu, rü naxca̱x nitaanegü. Rü yema duü̃xü̃gü ga ngo̱xoã̱xgüxü̃ rü ta naxca̱x nitaanegü.

Ngechuchuarü ngúexü̃gü ga yamugüxü̃arü puracüchiga 9:40

Rü Pedru rü düxétüwa nanamugü ga guxü̃ma ga yema duü̃xü̃gü. Rü inacaxã́pü̱xü, rü nayumüxẽ. Rü ñu̱xũchi ngĩxca̱x nadauegu ga yema yuxcü, rü ñanagürü: —Pa Tabitáx, ¡Írüda! —ñanagürü. Rü yexguma ga ngĩma rü iyadauuchixetü. Rü yexguma Pedruxü̃ nada̱u̱xgu, rü íirüto.

Ngechuchuarü ngúexü̃gü ga yamugüxü̃arü puracüchiga 8:7

Rü muxẽma ga duü̃xẽgü ga ngo̱xogü tümawa yexmaxẽ rü tümaca̱x nitaanegü. Rü yema ngo̱xogü rü tagaãcü aita naxüeãcüma tümawa ínachoxü̃. Rü yexgumarüxü̃ ta rü muxẽma ga nawãĩxãchigüxe rü chixeparagüxe rü tümaca̱x nitaanegü.

Ngechuchuarü ngúexü̃gü ga yamugüxü̃arü puracüchiga 5:15

Rü nüma ga duü̃xü̃gü rü ĩanearü namagügu nayamugüxü̃ ga ida̱xaweexü̃ norü pechicaxü̃gümaxã rü norü caruü̃gümaxã nax yexguma Pedru yéma üpetügu, rü naxchipetamare nüxna nguxü̃ca̱x.

Ngechuchuarü ngúexü̃gü ga yamugüxü̃arü puracüchiga 2:41

Rü yema duü̃xü̃gü ga naga ĩnüexü̃ ga yema ore ga Pedru namaxã nüxü̃ ixuxü̃, rü ínabaiü̃. Rü yema ngunexü̃gu rü poraãcü nayexera ga nax yamuxü̃ ga yema yaxõgüxü̃. Rü 3,000 ga duü̃xü̃gü nixĩ ga Ngechuchuaxü̃́ yaxõgüxü̃ ga yexguma.

Ngechuchuarü ngúexü̃gü ga yamugüxü̃arü puracüchiga 4:4

Natürü muxü̃ma ga yema duü̃xü̃gü ga nüxü̃ ĩnüexü̃ ga yema Tupanaarü ore rü nayaxõgü. Rü wixguxüchi 5,000 wa nangu ga yatüxü̃xica ixugügu.

Ore i mexü̃ ga Cuáü̃ ümatüxü̃ 16:7

Natürü aixcüma pemaxã nüxü̃ chixu rü pexca̱x narümemae nixĩ nax Chaunatüca̱x chataeguxü̃. Rü ngẽxguma chi tama Chaunatüxü̃tawa chaxũxgu rü taxũchima núma naxũ ya Naãxẽ ya Üünecü ya perü ngü̃xẽẽruxü̃. Natürü ngẽxguma ngéma chaxũxgu rü choma tá núma chanamu.

Ngechuchuarü ngúexü̃gü ga yamugüxü̃arü puracüchiga 2:33

Rü Tupana rü daxũguxü̃ ga naanewa nanaga nax norü tügünecüwawa yanatoxü̃ca̱x. Rü Tanatü ya Tupana rü marü nüxna nanamu ga Naãxẽ ya Üünecü ga nũxcüma nüxü̃ yaxuxü̃ rü tá nua nax namuaxü̃. Rü ñu̱xma ya yimá Ngechuchu rü núma totanüwa nanamu i ngẽma Naãxẽ ya Üünecü. Rü ngẽma Naãxẽ nua üxü̃ nixĩ i ñu̱xma nüxü̃ pedauxü̃ rü nüxü̃ pexĩnüexü̃.

Ore i mexü̃ ga Cuáü̃ ümatüxü̃ 7:39

Rü yexguma yema ñaxgu ga Ngechuchu rü nüxü̃ nixu nax guxü̃ma ga yema nüxü̃́ yaxõgüxü̃ rü tá nayauxgüãxü̃ i Naãxẽ ya Üünexü̃. Natürü tama yexgumatama nanayauxgü, yerü tauta wenaxarü daxũguxü̃ ga naaneca̱x nataegu ga Ngechuchu nax guxü̃arü ãẽ̱xgacü yixĩxü̃ca̱x.

Ore i mexü̃ ga Cuáü̃ ümatüxü̃ 7:33

Rü yexguma ga Ngechuchu rü ñanagürü nüxü̃: —Paxaãchi tátama nixĩ i petanüwa changexmaxü̃, rü ñu̱xũchi tá chataegu naxü̃tawa ya yimá núma choxü̃ mucü.

Ngechuchuarü ngúexü̃gü ga yamugüxü̃arü puracüchiga 6:7

Rü yema Tupanaarü ore rü yexeraãcü tóxnamana ninguchigü. Rü poraãcü nimuetanü ga yema yaxõgüxü̃ ga Yerucharéü̃wa. Rü woo muxü̃ ga chacherdótegü rü ta nayaxõgü.

Ngechuchuarü ngúexü̃gü ga yamugüxü̃arü puracüchiga 4:16

Rü ñanagürügü: —¿Ta̱xacü tá namaxã ixüexü̃ i ñaa yatügü? Erü guxü̃ma i Yerucharéü̃cüã̱x i duü̃xü̃gü rü nüxü̃ nacua̱xgü i ngẽma mexü̃ i taxü̃ i naxügüxü̃, rü taxuacüma itayacu̱x.

Ore i mexü̃ ga Cuáü̃ ümatüxü̃ 14:28

Marü pemaxã nüxü̃ chixu nax pexna tá íchixũxü̃ rü wena táxarü pexca̱x chataeguxü̃ nax pemaxã changexmaxü̃ca̱x. Rü choxü̃ pexĩnüe ga yexguma yema ñachagu. Rü ngẽxguma aixcüma choxü̃ pengechaü̃gu rü tá petaãẽgü i ngẽxguma nüxü̃ pecua̱xgu nax Chaunatüca̱x chataeguxü̃, erü Chaunatü rü chorü yexera nixĩ.

Ngechuchuarü ngúexü̃gü ga yamugüxü̃arü puracüchiga 10:46

Rü nüxü̃ naxĩnüe nax to ga nagawachigü yadexagüxü̃ rü Tupanaxü̃ yacua̱xüü̃güxü̃.

Ngechuchuarü ngúexü̃gü ga yamugüxü̃arü puracüchiga 4:33

Rü yema ngúexü̃gü ga Ngechuchu imugüxü̃ nax Tupanaarü puracü naxügüxü̃ca̱x, rü Tupanaarü poramaxã nüxü̃ nixugüe nax wena namaxü̃xü̃ ga Cori ga Ngechuchu. Rü Tupana rü poraãcü nüxü̃ narüngü̃xẽxẽ ga guxü̃ma ga yema yaxõgüxü̃.

Ore i mexü̃ ga Márcu ümatüxü̃ 11:13

Rü yáxü̃gu nüxü̃ nadau ga wüxi ga nanetü ga igunecü ga ãátüxü̃. Rü nüma ga Ngechuchu rü naxca̱x nixũ nax íyadauãxü̃ca̱x rü aixcüma nayexma̱x ga norü o. Natürü yexguma naxü̃tawa nanguxgu, rü taxuxü̃ma ga norü o inayangau, rü naatüxü̃xicatama, yerü taxũta norü owa nangu.

Ore i mexü̃ ga Cuáü̃ ümatüxü̃ 4:37

Rü aixcüma nixĩ i ngẽma ore i ñaxü̃: “Wüxíe tixĩ ya namaxã toexe i Tupanaarü ore rü toguxe tixĩ ya yíxema Tupanaca̱x duü̃xü̃güxü̃ dexe”, ñaxü̃.

Ore i mexü̃ ga Cuáü̃ ümatüxü̃ 5:20

Nüma ya Nanatü ya Tupana rü Nanexü̃ nangechaü̃, rü ngẽmaca̱x nüxü̃ nüxü̃ nadauxẽxẽ i guxü̃ma i ta̱xacü i nüma naxüxü̃. Rü ngẽma ñu̱xma nüxü̃ nüxü̃ nadauxẽẽxü̃arü yexera tá yixcüra nüxü̃ nüxü̃ nadauxẽxẽ. Rü ngẽxguma ngẽmaxü̃ pedaugügu, rü tá namaxã peba̱i̱xãchie.