Ore i mexü̃ ga Cuáü̃ ümatüxü̃ 14:1 - Tupanaarü Ore

¹ Rü Ngechuchu rü ñanagürü: —¡Taxṹ i penaxĩ̱xãchiãẽgüxü̃ i pemax! ¡Tupanaaxü̃́ peyaxõgü rü choxü̃́ rü ta peyaxõgü!

Ore i mexü̃ ga Cuáü̃ ümatüxü̃ 14:1 Referans Kwoze

Ichaía 26:3

Rü cumax, Pa Corix, rü tüxü̃ curüngü̃xmügüxẽxẽ ya yíxema mexü̃ i tümacüma tüxü̃́ ngẽxmaxe rü cuxna rüyoü̃xẽ.

Ore i mexü̃ ga Cuáü̃ ümatüxü̃ 12:44

Rü tagaãcü ñanagürü ga Ngechuchu: —Texé ya choxü̃́ yaxṍxe rü tama choxü̃́xicatama tayaxõ. Natürü Chaunatü ya núma choxü̃ mucüaxü̃́ rü ta tayaxõ.

Ore i mexü̃ ga Cuáü̃ ümatüxü̃ 6:40

Rü Chaunatü ya Tupanaarü ngúchaü̃ nixĩ nax guxãma ya texé ya Nanexü̃ daugüxe rü nüxü̃́ yaxõgüxe tüxü̃́ nangẽxmaxü̃ i maxü̃ i taguma gúxü̃. Erü choma tá nixĩ i tüxü̃ ícharüdagüxẽẽxü̃ i naanearü gu̱xgu —ñanagürü.

Wiyaegü 43:5

¿Rü ñu̱xma rü ta̱xacüca̱x tá nüxü̃ charüxoxü̃? ¿Rü ta̱xacüca̱x tá ichaxoégaãẽxü̃? Erü choma rü marü Tupanaaxü̃́ chayaxõ rü yimáxü̃ tá nixĩ i chicua̱xüxü̃xü̃. Rü nüma nixĩ i chorü Tupana i chorü maxẽẽruxü̃ yixĩxü̃.

Nüxíraxü̃xü̃ ga popera ga Pedru ümatüxü̃ 1:21

Rü ñu̱xma rü Cristugagu nixĩ i nüxü̃́ peyaxõgüxü̃ ya Tupana ga yuwa Cristuxü̃ írüdaxẽẽcü rü daxũwa nagacü. Rü ngẽmaca̱x nixĩ i ñu̱xma i Tupanaaxü̃́ peyaxõgüxü̃ rü ípenangu̱xẽẽgüxü̃ nax daxũwa pexü̃ nagagüxü̃ca̱x.

Ore i mexü̃ ga Cuáü̃ ümatüxü̃ 13:19

Natürü naxü̃pa nax nangupetüxü̃ i ngẽma, rü pemaxã nüxü̃ chixu nax ngẽxguma nangupetügu peyaxõgüxü̃ca̱x nax choma rü Cristu chixĩxü̃.

Efesios 1:15

Rü ngẽmaca̱x, ñu̱xma nax nüxü̃ chacuáxü̃ nax aixcüma tórü Cori ya Ngechuchuaxü̃́ peyaxõgüxü̃ rü nax aixcüma nüxü̃ pengechaü̃güxü̃ i guxü̃ma i ngẽma togü i Tupanaarü ixĩgüxü̃, rü ngẽmaca̱x taguma nüxü̃ charüchau nax Tupanana pexca̱x moxẽ chaxãxü̃ rü pexna chacua̱xãchixü̃ i chorü yumüxẽwa.

Ore i mexü̃ ga Cuáü̃ ümatüxü̃ 12:27

Rü Ngechuchu ñanagürü: —Rü ñu̱xma rü poraãcü changechaü̃ rü chanaxĩ̱xãchiãxẽ. ¿Rü ta̱xacüxü̃ tá Chaunatümaxã chixuxü̃? Taxucürüwa namaxã nüxü̃ chixu nax choxü̃ ínanguxuchixẽẽxü̃ca̱x nax tama chayuxü̃ca̱x, erü woetama ngẽmaca̱x núma chaxũ —ñanagürü.

2 Corintios 2:7

Rü ngẽmaca̱x i ñu̱xma rü chanaxwa̱xe i nüxü̃́ nüxü̃ iperüngüma i ngẽma chixexü̃ i naxüxü̃ rü nüxü̃ perüngü̃xẽxẽ nax ngẽma taxü̃ i norü ngechaü̃ rü tama yexeraxü̃ i chixexü̃wa nagaãxü̃ca̱x.

Ore i mexü̃ ga Cuáü̃ ümatüxü̃ 11:33

Rü yexguma Ngechuchu ngĩxü̃ da̱u̱xgu ga nax naxaxuxü̃ rü nax naxauxexü̃ ga yema Yudíugü ga ngĩwe rüxĩxü̃, rü poraãcü ngechaü̃ nüxü̃́ nangu̱x.

Yeremía 8:18

Rü ngẽma ngúxü̃ i chingexü̃ rü nangearü üxüxü̃ã̱x, rü yima chorü maxü̃ne rü natura.

Ore i mexü̃ ga Cuáü̃ ümatüxü̃ 16:3

Rü ngẽmaãcü tá pemaxã namaxẽ i duü̃xü̃gü, erü taguma nüxü̃ nacua̱xgü ya Chaunatü, rü taguma choxü̃ nacua̱xgü.

Wiyaegü 77:10

Rü ngẽma yexera choxü̃́ ngúxü̃ nixĩ i ngẽxguma nagu charüxĩnügu nax nüma ya Tupana ya Guxãétüwa Ngẽxmacü rü marü tama noxrirüü̃ãcü tamaxã yixĩxü̃.

Ore i mexü̃ ga Cuáü̃ ümatüxü̃ 16:6

Rü ñu̱xma rü poraãcü pengechaü̃güama erü pemaxã nüxü̃ chixu i ngẽma ore.

Ore i mexü̃ ga Cuáü̃ ümatüxü̃ 16:24

Ñu̱xmarüta i pema rü taxuxü̃ca̱xma chauégagu ípecagü. ¡Naxca̱x ípeca rü tá penayaxu i ngẽma naxca̱x ípecaxü̃! Rü ngẽmaãcü tá aixcüma petaãẽgü.