Ore i mexü̃ ga Cuáü̃ ümatüxü̃ 13:5 - Tupanaarü Ore

⁵ Rü ñu̱xũchi ya̱u̱xme̱xü̃páxü̃gu dexá ta naba, rü nayayauxgücutü ga norü ngúexü̃gü Rü gumá tuaya ga namaxã nügü yagoyecümaxã ínanapigücutü.

Ore i mexü̃ ga Cuáü̃ ümatüxü̃ 13:5 Referans Kwoze

Ore i mexü̃ ga Luca ümatüxü̃ 7:44

Rü yexguma ga Ngechuchu rü ngĩxü̃ nadawenü ga yema ngecü, rü ñanagürü Chimóü̃xü̃: —¿Ngĩxü̃ cudauxü̃ i ñaa ngecü? Rü cupatagu chaxücu i chomax, Pa Chimóü̃, natürü tama dexá choxna ta cuxã chorü yauxcutüruxü̃. Natürü ñaa ngecü rü ngĩxgüxü̃xetümaxã choxü̃ iyawaicutüxẽxẽ, rü ngĩyaemaxã choxü̃ íipicutü.

Wiyaegü 51:2

¡Rü choxü̃́ nüxü̃ irüngüma i guxü̃ma i chorü chixexü̃gü! ¡Rü choxü̃́ ínapi i chorü pecadugü!

Naanearü ügüchiga 19:2

Rü ñanagürü nüxü̃: —Pa Corigüx, rü choma nax perü duü̃xü̃ chixĩxü̃ rü pexna chaxu nax chauchiü̃gu pepegüxü̃. Rü ngéma tá pegü piyauxgücutügü, rü marü name i moxü̃ pa̱xmama ipexĩãchi —ñanagürü. Natürü nümagü rü nanangãxü̃ rü ñanagürügü: —Tamoxẽxü̃chi, rü nuxã ĩã̱xtügumare tá tapegü —ñanagürügü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 5:10

Rü tanaxwa̱xe i duü̃xü̃gü ngĩxü̃ nacua̱xgü nax wüxi i mexü̃ üxcü nax yixĩxü̃, rü mea ngĩxãcüxü̃ yaexẽẽcü iyixĩ, rü mea ngĩpatawa duü̃xü̃güxü̃ yaxucü iyixĩ, rü yaxõgüxü̃arü ngü̃xẽẽruxü̃ iyixĩ, rü da̱xaweexü̃arü ngü̃xẽẽruxü̃ iyixĩ. Rü ngẽmaãcü tanaxwa̱xe i guxü̃raxü̃xü̃ i mexü̃arü üruxü̃ iyixĩ.

Naanearü ügüchiga 18:4

Rü ngẽxguma cuxü̃́ namexgu rü tá íxraxü̃ i dexáca̱x íchaca nax pegü piyauxgücutügüxü̃ca̱x. ¡Rü nua castañapechitagu paxaãchi perüngü̃gü!

Yema Cuáü̃ nüxü̃ dauxü̃ i yixcüra tá ngupetüxü̃chiga 7:14

Rü choma chanangãxü̃, rü ñacharügü: “Pa Corix, cuma nixĩ i nüxü̃ cucuáxü̃ nax texégü tixĩgüxü̃”, ñacharügü. Rü yexguma ga nüma rü ñanagürü: “Yíxemagü tixĩgü ga nawa ngupetütanüxe ga yema ngúxü̃ ga taxü̃ rü marü tügü iyauxgüchiruxe nawa ga nagü ya yimá Carnéruxacü. Rü ngẽmaca̱x nixĩ i ticómüchiruxü̃.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Efesios 5:26

Rü yemaacü nanaxü ga Cristu nax nügüxü̃́ tüxü̃ yaxüünexẽẽxü̃ca̱x i guxãma i yixema nax yaxõgüxü̃. Rü norü oremaxã rü ngẽma dexá i nawa íibaiü̃xü̃maxã tüxü̃ nimexẽẽgü nax nape̱xewa imexü̃ca̱x.

1 Corintios 6:11

Rü yexgumarüü̃tama pixĩgü ga ñuxre ga pema ga ü̃pax. Natürü i ñu̱xma ya Tupana rü marü pexü̃́ ínanapi i perü chixexü̃ nax noxrüxicatama pixĩgüxü̃ca̱x. Rü ñu̱xma rü nape̱xewa pime yerü Naãxẽ ya Üünexü̃ rü tórü Cori ya Ngechuchu ya Cristuégagu marü perü pecaduna pexü̃ ínanguxü̃xẽxẽ.

Ngechuchuarü ngúexü̃gü ga yamugüxü̃arü puracüchiga 22:16

¡Rü ñu̱xma rü marü taxuxü̃ma i ta̱xacü ícunangu̱xẽxẽ! ¡Rü írüda rü ínabaie! ¡Rü Cori ya Ngechuchuégagu naxca̱x ínaca nax cuxü̃́ nüxü̃ nangü̃maxü̃ca̱x i curü pecadugü!” ñanagürü choxü̃.

Norü taxre ga popera ga ãẽ̱xgacügüchiga 3:11

Rü nüma ga Yochapáx rü ínaca rü ñanagürü: —¿Ẽ̱xna nataxuma i Cori ya Tupanaarü orearü uruxü̃ i nua nax ngẽmaxü̃ imuxü̃ca̱x nax Cori ya Tupanana naca̱xaxü̃ca̱x? —ñanagürü. Rü wüxi ga Iraéanearü ãẽ̱xgacüarü churaragüeru rü ñanagürü: —Nua nangẽxma ya Erichéu ya Chapáx nane ga Eríaarü ngü̃xẽẽruxü̃ ixĩcü —ñanagürü.

1 Chamué 25:41

Rü yexguma ngĩma ga Abigái rü waixü̃mügu iyangücuchi rü ngĩgürügü: —Choma rü wüxi i naxü̃taxü̃mare chixĩ nüxü̃́ ya Dabí, rü íchamemare nax chayayauxcutügüxü̃ca̱x i norü duü̃xü̃gü ega nüma choxü̃ naxüxẽẽãgu —ngĩgürügü.

Lebítanüxü̃arü puracüchiga 14:8

Rü yíxema marü tümaca̱x yataanexe, rü name nax tügü tayauxchiruxü̃ rü tügü mea taxaiyaxü̃, rü guxü̃wama tügü tidüxü̃ nax ngẽmaãcü tamexü̃ca̱x. Rü ngẽmawena tá nixĩ i duü̃xü̃gü íxãpataxü̃wa taxũxü̃. Natürü 7 i ngunexü̃ tá nixĩ i tümapataarü düxétüwa tangexmaxü̃.

Nüxíraxü̃xü̃ ga popera ga Cuáü̃ ümatüxü̃ 5:6

Rü nüxü̃ tacua̱x nax aixcüma Tupana Nane yixĩxü̃ ya Ngechuchu. Yerü yexguma ñoma ga naanewa nayexmagu rü dexáwa ínabaiegu, rü nümatama ga Tupana nüxü̃ nixu nax Nane yixĩxü̃. Rü yexguma curuchagu nayu̱xgu rü nagü inabaãgu ga Ngechuchu, rü Tupana rü wenaxarü inanawe̱x nax aixcüma Nane nax yixĩxü̃. Rü yexgumarüxü̃ ta ga Naãxẽ ya Üünexü̃ i taguma idoraxü̃, rü tüxü̃ nüxü̃ nacua̱xẽxẽ nax aixcüma Tupana Nane nax yixĩxü̃.

Nüxíraxü̃xü̃ ga popera ga Cuáü̃ ümatüxü̃ 1:7

Natürü ngẽxguma chi Tupanarüxü̃ ngóonexü̃wa imaxẽgu, rü yigütanüxü̃ tixĩgü, rü Tupana Nane ya Ngechuchu rü nagümaxã tüxü̃́ inayanaxoxẽxẽ i guxü̃ma i pecadugü.

Ore i mexü̃ ga Cuáü̃ ümatüxü̃ 19:34

Natürü wüxi ga churara rü Ngechuchuxü̃ nacanapacütüxü̃. Rü yexgumatama ínayaxüchi ga nagü rü dexá.

Ore i mexü̃ ga Luca ümatüxü̃ 7:38

Rü naxauxãcüma Ngechuchucutüxü̃tawa iyarütoxõchi. Rü ngĩxgüxü̃xetümaxã iyawaicutüxẽxẽ. Rü ngĩyaemaxã ínapicutü, rü inachúxcutü. Rü ñu̱xũchi yema pumaramaxã inachacutü.

Chacaría 13:1

Nüma ya Cori ya Tupana rü ñanagürü ta: —Ngẽma ngunexü̃gu rü tá ningẽnaxü̃ i wüxi i dexáarü chuchuxü̃ nax ngẽmawa Dabítaagü rü Yerucharéü̃cüã̱xgü nügü iyauxgüxü̃ca̱x i norü pecadugü rü norü ãũãchixü̃gü.

Echequié 36:25

Rü dexá i mechiüxü̃wa tá pexü̃ chixaiyagü. Rü guxü̃ma i perü chixexü̃wa tá pexü̃ chingematagüxẽxẽ. Rü ngẽma nax tupananetagümaxã petupanaã̱xgüxü̃ rü tá nüxna pexü̃ chixĩgachixẽxẽ nax ngẽmaãcü aixcüma pimexü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:5

Rü ngẽxgumarüxü̃ ta chanaxwa̱xe nax pexü̃ nangü̃xẽẽxü̃ rü pexü̃ nataãẽxẽẽxü̃ ya Ngechuchu ya Cristu ga meama nüxü̃ ixucü ga Tupanachiga ga ñoma ga naanewa. Rü nüma nixĩ ga nüxíra yuwa ínadaxü̃. Rü nüma nixĩ i namaxã inacuáxü̃ i guxü̃ma i ñoma i naanewa ngẽxmagüxü̃ i nachixü̃anegüarü ãẽ̱xgacügü. Rü nüma rü tüxü̃ nangechaü̃, rü nagümaxã tüxü̃́ inayanaxoxẽxẽ i tórü pecadugü.

Ichaía 1:16

¡Rü pegü pemexẽxẽarü maxü̃ã̱xgü nax pimexü̃ca̱x! ¡Rü nüxna pixĩgachi i ngẽma chixexü̃ i chope̱xewa nagu pemaxẽxü̃! ¡Rü nüxü̃ perüxoe nax chixexü̃ pexüexü̃!

Ínachoxü̃xü̃chiga 29:4

Rü ñu̱xũchi chopataarü ĩã̱xpe̱xewa tá cunaga ya Aróü̃xü̃ wüxigu nanegümaxã. ¡Rü namu nax naxaiyagüxü̃ca̱x!

Ore i mexü̃ ga Cuáü̃ ümatüxü̃ 13:10

Natürü Ngechuchu nanangãxü̃ rü ñanagürü nüxü̃: —Texé ya ngexwaca aiyaxe rü tanaxwa̱xe i tümacutüxicatama tayaxu, erü guxü̃wama tangemata. Rü pema rü marü pingematagü, natürü tama guxãma aixcüma tingemata —ñanagürü.

Ore i mexü̃ ga Cuáü̃ ümatüxü̃ 13:8

Natürü ga Pedru rü ñanagürü: —Choma rü taxũtáma chanaxwa̱xe nax choxü̃ cuyauxcutüxü̃ —ñanagürü. Rü Ngechuchu nanangãxü̃ rü ñanagürü nüxü̃: —Ngẽxguma tama cuxü̃ chayauxcutügu, rü taxũtáma choxrü quixĩ —ñanagürü.

Naanearü ügüchiga 43:24

Rü ñu̱xũchi Yúchepatawa nanagagü ga guxü̃ma ga yema naenexẽgü. Rü dexá nüxna tanaxã nax yayauxgücutüxü̃ca̱x. Rü norü búrugü rü ta nayaxüwemügü.

Ãẽ̱xgacügü ga guxchaxü̃güarü mexẽxẽruü̃gü 19:21

Rü yemaca̱x nüma ga o̱xi rü napatawa nanagagü. Rü yexguma nügü íyayauxcutügüyane rü ínachibüeyane rü naxaxegüyane, rü nüma ga o̱xi rü yoxni yema norü búrugüxü̃ nachibüexẽxẽ.

Ore i mexü̃ ga Cuáü̃ ümatüxü̃ 13:6

Rü yexguma Chimóü̃ ga Pedruxü̃ nayauxcutüchaü̃gu rü ñanagürü ga Pedru: —Pa Corix, ¿ñuxãcü tá i cuma i choxü̃ cuyauxcutüxü̃? —ñanagürü.