Ore i mexü̃ ga Cuáü̃ ümatüxü̃ 13:25 - Tupanaarü Ore

²⁵ Rü yexguma ga nüma rü yexeraãcü Ngechuchuna nangaicama rü nüxna naca, rü ñanagürü: —Pa Corix, ¿texé tá tixĩ ya yíxema? —ñanagürü.

Ore i mexü̃ ga Cuáü̃ ümatüxü̃ 13:25 Referans Kwoze

Ore i mexü̃ ga Cuáü̃ ümatüxü̃ 21:20

Rü yexguma nügüweama nada̱u̱xgu ga Pedru rü nüxü̃ nadau nax naweama ne naxũxü̃ ga yema ngúexü̃ ga Ngechuchu poraãcü nüxü̃ ngechaü̃xü̃. Rü nüma nixĩ ga chibüwa Ngechuchucüwawa natoxü̃ rü nüxna naca̱xaxü̃ rü ñaxü̃: “Pa Corix, ¿texé tá tixĩ ya yíxema bexma cuxü̃ íxuaxü̃xẽ?” ñaxü̃.

Ester 7:5

Rü yexguma ga nüma ga Achuéru rü ngĩxna naca rü ñanagürü: —¿Texé tixĩ ya yíxema tügü írüporaxe nax ngẽma chixexü̃ cumaxã taxüxü̃? —ñanagürü.

Ore i mexü̃ ga Cuáü̃ ümatüxü̃ 13:24

Rü Chimóü̃ ga Pedru rü bexma nüxü̃ naxuneta ga yema Ngechuchucüwawa rütoxü̃ nax Ngechuchuna naca̱xaxü̃ca̱x nax texé tixĩxü̃ ya yíxema.