Ore i mexü̃ ga Cuáü̃ ümatüxü̃ 13:2 - Tupanaarü Ore

^2-4 Natürü ga Chataná rü marü Yúda ga Chimóü̃ ga Icharióte nanena nangu nax bexma Ngechuchuxü̃ ínaxuaxü̃xü̃ca̱x. Rü Ngechuchu rü marü nüxü̃ nacua̱x ga Nanatüxü̃tawa nax ne naxũxü̃ rü wena táxarü Nanatüca̱x nax nataeguxü̃. Rü nüxü̃ nacua̱x ga Nanatü rü naxme̱xgu nax naxüaxü̃ ga guxü̃ma ga pora. Rü yemaca̱x ga yema chütaxü̃gu ga yexguma mechawa ínachibüeyane, rü inachi ga Ngechuchu. Rü ínacuxuchi ga norü gáuxü̃chiru, rü wüxi ga tuayamaxã nügü nigoye.

Ore i mexü̃ ga Cuáü̃ ümatüxü̃ 13:2 Referans Kwoze

Ngechuchuarü ngúexü̃gü ga yamugüxü̃arü puracüchiga 5:3

Rü yexguma ga Pedru rü ñanagürü nüxü̃: —Pa Ananíax, ¿tü̱xcüü̃ ngo̱xo i Chatanága cuxĩnü rü Tupanaãxẽ i Üünecümaxã quidora, rü cugüxü̃́ ngĩxne cuyaxu i ñuxre i ngẽma curü naanetanü?

Yema Cuáü̃ nüxü̃ dauxü̃ i yixcüra tá ngupetüxü̃chiga 17:17

Rü nüma ga Tupana rü yema 10 ga ãẽ̱xgacügüãẽwa nanagu̱xẽxẽ nax naxügüã̱xü̃ca̱x ga yema nanaxwa̱xexü̃ ga Tupana. Rü ngẽmaca̱x i ngẽma ãẽ̱xgacügü, rü tá wüxigu nagu narüxĩnüe nax ngẽma ngo̱xoxü̃ naporaxẽẽgüxü̃ nax norü ãẽ̱xgacü yixĩxü̃ca̱x. Rü ngẽmaãcü tá nixĩ ñu̱xmatáta Tupana yanguxẽxẽ i ngẽma norü orewa nüxü̃ yaxuxü̃.

Efesios 2:3

Rü guxãma ga yixema rü yemaacü chixexü̃gu tamaxẽ ga ü̃pa. Rü tóxrütama ngúchaü̃ ga chixexü̃we tarüxĩ, rü nagu taxĩ ga yema taxü̃ne naxwa̱xexü̃ rü yema taãxẽ nagu rüxĩnüxü̃. Rü yemagagu tüxna nangu i ngẽma poxcu ya Tupana norü numaxã mexẽẽxü̃ naxca̱x i guxü̃ma i ngẽma tama naga ĩnüexü̃.

2 Corintios 8:16

Natürü Tupanana moxẽ chaxã, erü nüma rü Títoxü̃ nagu narüxĩnüxẽxẽ i ngẽmatama oegaãxẽ i choma pexca̱x choxü̃́ ngẽxmaxü̃.

Ore i mexü̃ ga Luca ümatüxü̃ 22:31

Rü Pedruxü̃ ñanagürü ta ga Cori ga Ngechuchu: —Pa Chimóü̃x, Pa Chimóü̃x, Chataná rü Tupanana naca nax ñoma triguxü̃ idüagüxü̃rüxü̃ pemaxã yixĩxü̃ca̱x.

Ore i mexü̃ ga Luca ümatüxü̃ 22:3

Rü yexguma ga Chataná rü Yúda ga Ichariótegu nangaxi. Rü nüma ga Yúda rü yema 12 ga Ngechuchuarü ngúexü̃tanüxü̃chire̱x nixĩ.

Édra 7:27

Rü yexguma ga Édra rü nayumüxẽ rü ñanagürü: —Pa Torü O̱xigüarü Tupanax, rü cuma rü cumecümaxü̃chi. Rü ngẽmaca̱x ãẽ̱xgacüãẽwa ícunanguxẽxẽ nax yima cupata ya taxü̃ne ya Yerucharéü̃wa ngẽxmane wena namexẽẽgüãxü̃ca̱x i curü duü̃xü̃gü.

Ore i mexü̃ ga Matéu ümatüxü̃ 10:4

Rü to nixĩ ga Chimóü̃ ga Poraãẽxü̃. Rü to nixĩ ga Yúda ga Icharióte ga bexma Ngechuchuxü̃ íxuaxü̃xü̃.

Ore i mexü̃ ga Cuáü̃ ümatüxü̃ 13:11

Rü Ngechuchu nüxü̃ nacua̱x nax texé tá bexma ínaxuaxü̃xü̃, rü yemaca̱x ñanagürü nüxü̃: —Natürü tama guxãma aixcüma tingemata —ñaxü̃.