Ore i mexü̃ ga Cuáü̃ ümatüxü̃ 13:18 - Tupanaarü Ore

¹⁸ Rü tama guxãma i pechiga nixĩ i chidexaxü̃. Erü choma rü tüxü̃ chacua̱x rü texégü tixĩ ya yíxema tüxü̃ chidexechixe. Natürü tá ningu i ngẽma Tupanaarü ore i ümatüxü̃ i ñaxü̃: “Yíxema chomaxã chibüxe rü chomaxã tarüxuanü”, ñaxü̃.

Ore i mexü̃ ga Cuáü̃ ümatüxü̃ 13:18 Referans Kwoze

Wiyaegü 41:9

Rü woo ga yema rümemaexü̃ ga chomücü ga nüxü̃́ chayaxõxü̃ rü wüxiwa chomaxã chibüchiréxü̃, rü ñu̱xma rü chomaxã narüxuanü.

Ore i mexü̃ ga Matéu ümatüxü̃ 26:23

Rü nüma ga Ngechuchu nanangãxü̃ rü ñanagürü: —Ngẽma yimátama poratuwa wüxigu chomaxã yawaixẽẽxü̃ i norü paũ, rü ngẽma tá nixĩ i chauechita choxü̃ íyaxuaxü̃xü̃.

Ore i mexü̃ ga Cuáü̃ ümatüxü̃ 17:12

Rü yexguma ñoma ga naanewa natanüwa chayexmagu, rü curü pora ga choxna cuxãxü̃maxã nüxna chadau rü íchanapoxü̃. Rü taxuxü̃ma inarütaxu. Rü yema woetama marü irütaxuxü̃xicatama inarütaxu nax yanguxü̃ca̱x i curü ore i ümatüxü̃.

Ore i mexü̃ ga Márcu ümatüxü̃ 14:20

Rü nüma ga Ngechuchu nanangãxü̃ rü ñanagürü nüxü̃: —Wüxi i pema i 12 tanüwa i daatama poratuwa norü paũ iwaixẽẽxü̃ tá nixĩ i choxü̃ íyaxuaxü̃xü̃.

Ore i mexü̃ ga Cuáü̃ ümatüxü̃ 13:26

Rü Ngechuchu nanangãxü̃, rü ñanagürü: —Wüxi i paũarü bücuxü̃ tá íchacúe, rü yíxema tüxna chanaxãxẽ, rü yíxema tá tixĩ —ñanagürü. Rü yexguma ínanacúe ga wüxi ga paũarü bücuxü̃ rü Yúda ga Icharióte ga Chimóü̃ nanena nanaxã.

Ore i mexü̃ ga Cuáü̃ ümatüxü̃ 6:70

Rü Ngechuchu nüxü̃ nangãxü̃, rü ñanagürü: —¿Taux ẽ̱xna choma yixĩxü̃ ga pexü̃ chidexechixü̃ ga pemax ga 12? Natürü petanüwa nangẽxma i wüxi i Chatanáarü duü̃xü̃ ixĩxü̃ —ñanagürü.

Ore i mexü̃ ga Cuáü̃ ümatüxü̃ 15:19

Rü ngẽxguma chi ñoma i naanecüã̱x i duü̃xü̃gürüxü̃ pixĩgügu, rü ñoma i naanecüã̱x i duü̃xü̃gü rü chi pexü̃ nangechaü̃gü ngẽma natanüxü̃xü̃ nax nangechaü̃güxü̃rüxü̃. Natürü choma nixĩ ga pexca̱x chadauxü̃ natanüwa ga ñoma ga naanecüã̱x ga duü̃xü̃gü. Rü ngẽmaca̱x nixĩ i pexchi naxaiexü̃, erü marü tama naxrüxü̃ pixĩgü.

Popera ga Yudíugü ga yaxõgüxü̃ca̱x ümatüxü̃ 4:13

Rü nataxutama i ta̱xacü ya Tupana üxü̃ i tá na̱xcha̱xwa nügü icúxü̃, erü nape̱xewa rü guxü̃ma nango̱x. Rü guxü̃xü̃ma nadau rü guxü̃xü̃ma nacua̱x ya yimá tá namaxã nüxü̃ ixucü i tórü maxü̃chiga.

Ore i mexü̃ ga Cuáü̃ ümatüxü̃ 15:16

Pema rü tama pexíra cha̱u̱xca̱x pedaugü, natürü chaxíra nixĩ ga pexca̱x chadauxü̃ rü pexü̃ chamuxü̃ nax ngéma pexĩxü̃ca̱x rü nüxü̃ pixuxü̃ca̱x i chorü ore nax chauxü̃tawa penagagüxü̃ca̱x i muxü̃ma i duü̃xü̃gü, rü nümagü rü guxü̃guma choxü̃́ yaxõgüãxü̃ca̱x. Rü ñu̱xũchi Chaunatü ya Tupana tá pexna nanaxã i guxü̃ma i ta̱xacü i chauégagu nüxna naxca̱x pecaxü̃.

Ore i mexü̃ ga Matéu ümatüxü̃ 10:36

Rü ngẽmaãcü wüxi ya ĩwa, rü nügütanüxü̃maxã tátama naxuanüã̱xgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 2:23

Rü ngẽmawa guxü̃ma i ngẽma yaxõgüxü̃ tá nüxü̃ nacua̱xgü nax aixcüma nüxü̃ chacuáxü̃ i norü maxü̃ rü ngẽma naãxẽwa nagu naxĩnüexü̃. Rü wüxichigü i pemax rü tá pexü̃́ chanaxütanü ngẽxgumarüxü̃ nax ñuxãcü cha̱u̱xca̱x pemaxẽxü̃.

Ore i mexü̃ ga Cuáü̃ ümatüxü̃ 21:17

Rü norü tomaepü̱xcüna Pedruna naca, rü ñanagürü: —Pa Chimóü̃ Pa Cuáü̃ Nanex, ¿aixcümaxü̃chi yixĩxü̃ i choxü̃ cungechaü̃xü̃? —ñanagürü. Rü yexguma ga Pedru rü nangechaü̃, yerü norü tomaepü̱xcüna Ngechuchu nüxna naca rü aixcüma nüxü̃ nangechaü̃. Rü ñanagürü ga Pedru: —Pa Corix, cuma nüxü̃ cucua̱x i guxü̃ma. Rü cuma nüxü̃ cucua̱x nax aixcümaxü̃chi cuxü̃ changechaü̃xü̃ —ñanagürü. Rü Ngechuchu ñanagürü nüxü̃: —Ẽcü, ¡nüxna nadau i chorü duü̃xü̃gü i ñoma carnérugürüxü̃ ixĩgüxü̃!

2 Corintios 4:5

Rü toma rü tama tochigaxü̃tama nixĩ i tixugüxü̃. Natürü nüxü̃ tixu nax Ngechuchu ya Cristu rü tórü Cori yixĩxü̃, rü toma rü Ngechuchugagu perü ngü̃xẽẽruü̃gümare tixĩgüxü̃.

Yeremía 41:2

Rü yexguma ínachibüeyane rü nüma ga Ismaé ga Netanía nane rü ngürüãchi wüxigu namücügümaxã inachigü rü taramaxã nayama̱xgü ga Guedaría ga Aicáü̃ nane ga Chapáü̃taxa ga Babiróniaanearü ãẽ̱xgacü nüxü̃ unetacü nax Yudáanearü ãẽ̱xgacü yixĩxü̃ca̱x.

Ore i mexü̃ ga Matéu ümatüxü̃ 26:21

Rü yexguma ínachibüeyane, rü Ngechuchu rü ñanagürü nüxü̃: —Aixcüma pemaxã nüxü̃ chixu rü wüxíe i petanüwa tá tixĩ ya bexma chauechita choxü̃ íyaxuaxü̃xe —ñanagürü.

Ore i mexü̃ ga Márcu ümatüxü̃ 14:17

Rü yexguma marü nachütachaü̃gu, rü ínangu ga Ngechuchu namaxã ga yema 12 ga norü ngúexü̃gü.

Ore i mexü̃ ga Márcu ümatüxü̃ 14:18

Rü yexguma mechawa ínachibüeyane, rü Ngechuchu rü ñanagürü: —Aixcüma pemaxã nüxü̃ chixu rü wüxíe ya petanüwa i ñu̱xma chomaxã nua chibüxe tá tixĩ ya bexma choxü̃ íyaxuaxü̃xe —ñanagürü.

Ore i mexü̃ ga Luca ümatüxü̃ 22:21

Natürü ngẽma yatü i chauechita ãẽ̱xgacügüna choxü̃ muxchaü̃xü̃, rü nua mechawa tamaxã narüto i ñu̱xmax.

Ore i mexü̃ ga Cuáü̃ ümatüxü̃ 13:21

Rü yexguma yema ñaxguwena ga Ngechuchu rü poraãcü ngechaü̃ nüxü̃́ nangu̱x, rü meama nananango̱xẽxẽ, rü ñanagürü: —Aixcüma pemaxã nüxü̃ chixu rü wüxíe i petanüwa tá nixĩ i bexma choxü̃ íxuaxü̃xü̃ —ñanagürü.

Ore i mexü̃ ga Cuáü̃ ümatüxü̃ 13:22

Rü yexguma ga norü ngúexü̃gü rü wüxichigü nügüna nadaugü, rü tama nüxü̃ nacua̱xgü nax texéchiga yema ñaxü̃.

Ore i mexü̃ ga Cuáü̃ ümatüxü̃ 15:25

Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.

Ore i mexü̃ ga Cuáü̃ ümatüxü̃ 18:32

Rü yemaacü ningu ga yema ore ga Ngechuchu ü̃paacü nüxü̃ ixuxü̃ nax ñuxãcü tá nayuxü̃.

Ore i mexü̃ ga Cuáü̃ ümatüxü̃ 19:24

Rü yemaca̱x ga yema churaragü rü nügümaxã ñanagürügü: —¡Taxũtáma nagu tagáugüe! Rü narümemae naxca̱x ngĩxü̃ tañanagügü i wüxi i diẽru nax ngẽmawa nüxü̃ icua̱xgüxü̃ca̱x nax texéarü tá yixĩxü̃ —ñanagürügü. Rü yemaacü ningu ga Tupanaarü ore ga ümatüxü̃ ga ñaxü̃: “Nügümaxã nayatoye i chauxchiru, rü naxca̱x ngĩxü̃ tanañanagügü i wüxi i diẽru”, ñaxü̃. Rü aixcüma yemaacü nixĩ ga naxügüãxü̃ ga churaragü.

Ore i mexü̃ ga Cuáü̃ ümatüxü̃ 19:36

Rü yema nangupetü nax yanguxü̃ca̱x i Tupanaarü ore i ümatüxü̃ i ñaxü̃: “Rü taxunetáma ya naxchina̱xã nipoyegü”, ñaxü̃.

Ngechuchuarü ngúexü̃gü ga yamugüxü̃arü puracüchiga 1:16

—Pa Chomücügüx, marü ningu ga yema Tupanaãxẽ ya Üünecü nũxcüma Dabíxü̃ muxü̃ nax naxümatüaxü̃ca̱x nachiga ga Yúda ga namaarü cua̱xruxü̃ ixĩxü̃ naxca̱x ga yema duü̃xü̃gü ga Ngechuchuxü̃ iyauxgüxü̃.