Ore i mexü̃ ga Cuáü̃ ümatüxü̃ 13:17 - Tupanaarü Ore

¹⁷ Rü ngẽxguma nüxü̃ pecua̱xgu i chorü ore rü penaxü̱xgu i ngẽma pemaxã nüxü̃ chixuxü̃, rü aixcüma tá petaãẽgü.

Ore i mexü̃ ga Cuáü̃ ümatüxü̃ 13:17 Referans Kwoze

Ore i mexü̃ ga Luca ümatüxü̃ 11:28

Natürü ga Ngechuchu rü ñanagürü: —Yexeraãcü tataãxẽgü ya yíxema nüxü̃ ĩnüexe i Tupanaarü ore rü naga ĩnüexe —ñanagürü.

Popera ga Chantiágu ümatüxü̃ 4:17

Yíxema nüxü̃ cuáxe nax mexü̃ taxüxü̃, natürü tama naxǘxe, rü pecadu taxü.

Popera ga Chantiágu ümatüxü̃ 1:25

Natürü yíxema mea nawa ngúxe rü naga ĩnüxe i ngẽma ore i aixcüma ixĩxü̃ i pecaduwa tüxü̃ ínguxuchixẽẽxü̃, rü ngẽxguma tayangu̱xẽẽgu i ngẽma ore nüxü̃ ixuxü̃, rü Tupana tá tüxü̃ narüngü̃xẽxẽ.

Echequié 36:27

Rü pewa tá chanamaxẽxẽ ya Chauãxẽ ya Üünecü nax ngẽmaãcü mea peyanguxẽẽxü̃ca̱x i chorü mugü.

Ínachoxü̃xü̃chiga 40:16

Rü nüma ga Moiché rü nanaxü ga guxü̃ma ga yema Tupana namaxã nüxü̃ ixuxü̃ãcü.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:14

Rü tataãẽgü ya guxãma ya yíxema ya mexẽẽgüxe i tümaarü maxü̃ ñoma tügü tiyauxgüchiruxü̃rüxü̃ nax Tupanape̱xewa timexü̃ca̱x nax yima ĩanearü ĩã̱xwa tichocuxü̃ca̱x rü nüxü̃ tangõ̱xnetagüxü̃ca̱x i ngẽma norü o i ngẽma nai i maxẽẽruxü̃.

Wiyaegü 19:11

Rü ngẽma curü mugü rü choxü̃ nüxü̃ nacua̱xẽxẽ naxü̃pa nax chixexü̃gu changuxü̃. Rü yíxema naga ĩnüexe i ngẽma curü mugü rü tá tanayauxgü i tümaarü ãmare.

Gálatas 5:6

Rü ngẽmaca̱x i ñu̱xma nax Ngechuchu ya Cristuarü duü̃xü̃gü ixĩgüxü̃, rü taxuwama name ega woo íiwíecha̱xmüpe̱xechiraü̃gu rüe̱xna tama, erü tama ngẽma nixĩ i Tupanape̱xewa tüxü̃ mexẽẽxü̃. Rü ngẽma Tupana naxwa̱xexü̃ i ñu̱xma nixĩ nax aixcüma yaxõgüxü̃ rü ngẽmaãcü yigü nax ingechaü̃güxü̃.

Ore i mexü̃ ga Matéu ümatüxü̃ 12:50

Erü guxãma ya texé ya naxǘxe i Chaunatü ya daxũgucüarü ngúchaü̃, rü yíxema tixĩ ya chauenexẽ rü chaueya̱x rü chaué —ñanagürü ga Ngechuchu.

Naanearü ügüchiga 6:22

Rü nüma ga Noé rü nayanguxẽxẽ ga guxü̃ma ga yema Tupana namaxã nüxü̃ ixuxü̃.

Ore i mexü̃ ga Cuáü̃ ümatüxü̃ 15:14

Pema rü chomücügü pixĩgü i ngẽxguma chauga pexĩnüegu.

Ucu̱xẽgüchiga 29:18

Wüxi ya ĩane i ngextá duü̃xü̃gü tama Tupanaga ínaxĩnüexü̃wa, rü taxuxü̃ma mea inixũ. Natürü ngextá Tupanaga íxĩnüexü̃wa rü mexü̃gu ínamaxẽ i duü̃xü̃gü.

Yeremía 11:6

Rü yexguma ga Cori ya Tupana rü choxü̃ ñanagürü: —¡Yudáanearü ĩanegüwa, rü Yerucharéü̃arü namagüwa duü̃xü̃gümaxã nüxü̃ yarüxu i ñaa ore i ñaxü̃: “Inaxĩnüe nax ta̱xacüchiga yixĩxü̃ i tüxü̃ namuxü̃ i ñaa uneta, rü ñu̱xũchi naga naxĩnüe!

Romanos 2:13

Erü tama Tupanape̱xewa nime i ngẽma duü̃xü̃gü i nüxü̃ ĩnüemarexü̃ natürü tama nagu maxẽxü̃ i norü mugü. Natürü ngẽma duü̃xü̃gü i Tupanaarü mugüga ĩnüexü̃ nixĩ i aixcüma Tupanape̱xewa imexü̃.