Ore i mexü̃ ga Cuáü̃ ümatüxü̃ 13:16 - Tupanaarü Ore

¹⁶ Rü aixcüma pemaxã nüxü̃ chixu rü taxuxü̃ma i wüxi i coriarü duü̃xü̃ rü norü coriétüwa nügü nangẽxmaxẽxẽ. Rü taxuxü̃ma i ãẽ̱xgacüarü orearü ngeruxü̃ i norü ãẽ̱xgacü i namuxü̃étüwa nügü nangẽxmaxẽxẽ.

Ore i mexü̃ ga Cuáü̃ ümatüxü̃ 13:16 Referans Kwoze

Ore i mexü̃ ga Luca ümatüxü̃ 6:40

Rü taxuxü̃ma i ngúexü̃ rü norü ngúexẽẽruü̃xü̃ narüyexera. Natürü ngẽxguma mea nangu̱xgu rü tá naxrüxü̃ nixĩ ya norü ngúexẽẽruxü̃.

Ore i mexü̃ ga Cuáü̃ ümatüxü̃ 15:20

¡Nüxna pecua̱xãchie ga pemaxã ñachagu: “Taxuxü̃ma i wüxi i coriarü duü̃xü̃ rü norü coriétüwa nügü nangẽxmaxẽxẽ”, ñachagu! Rü yema nax chauxchi nax naxaiexü̃, rü pexchi rü tá ta naxaie. Rü yexguma chi chauga naxĩnüegu rü ñu̱xma rü chi ta pega naxĩnüe.

Ore i mexü̃ ga Cuáü̃ ümatüxü̃ 3:5

Rü Ngechuchu nanangãxü̃ rü ñanagürü: —Rü aixcüma cumaxã nüxü̃ chixu rü yíxema tama nüxü̃ rüxoxe i tümaarü pecadu rü íbaie rü tama Tupanaãxẽ i Üünexü̃wa nayaxúxe i maxü̃ i ngexwaca̱xü̃xü̃, rü taxucürüwama Tupana ãẽ̱xgacü ixĩxü̃wa tixücu.

Ore i mexü̃ ga Cuáü̃ ümatüxü̃ 3:3

Rü Ngechuchu nanangãxü̃ rü ñanagürü nüxü̃: —Aixcüma cumaxã nüxü̃ chixu, rü yíxema tama wenaxarü buxe rü taxucürüwama Tupana ãẽ̱xgacü ixĩxü̃wa tangu —ñanagürü.

2 Corintios 8:23

Rü pemaxã nüxü̃ chixu rü nüma ya Títo rü chomücü ya wüxiwa chomaxã pexca̱x puracücü nixĩ. Rü ngẽma taxre i togü i taenexẽgü rü yatügü i ngẽma yaxõgüxü̃tücumügü ngéma mugüxü̃ nixĩ. Rü nümagü rü aixcüma Cristuxü̃ nangechaxü̃gü.

Filipenses 2:25

Rü ngẽxgumarüxü̃ ta cha̱u̱xca̱x name nixĩ i ngéma petanüwa chanamuxü̃ i taenexẽ i Epaporudítu. Rü nüma nixĩ ga pematama cha̱u̱xca̱x núma penamuxü̃ nax choxü̃ nangü̃xẽẽxü̃ca̱x. Rü nüma rü chomücü nixĩ i Tupanaarü puracüwa, rü poraãcü choxü̃ narüngü̃xẽxẽ i ta̱xacü choxü̃́ taxuxü̃wa.