Ore i mexü̃ ga Cuáü̃ ümatüxü̃ 12:6 - Tupanaarü Ore

⁶ Natürü ga Yúda rü tama aixcüma nagu narüxĩnü ga yema ngearü diẽruã̱xgüxü̃. Natürü yema ñanagürü yerü nüma rü wüxi ga ngĩ́ta̱xaxü̃ nixĩ. Rü naxme̱xwa nayexma ga yema choca ga diẽru nagu naxǘgüxü̃ ga Ngechuchu rü norü ngúexü̃gü. Rü Yúda rü ñuxguacü rü noxrüxü̃tama ngĩxne nangĩ̱xĩxü̃.

Ore i mexü̃ ga Cuáü̃ ümatüxü̃ 12:6 Referans Kwoze

Ore i mexü̃ ga Cuáü̃ ümatüxü̃ 13:29

Rü nüma ga Yúda rü diẽruchiü̃arü dauruxü̃ nixĩ. Rü yemaca̱x ñuxre ga nümagü rü nagu narüxĩnüe nax Ngechuchu rü taxewa namuaxü̃ nax ta̱xacüca̱x yataxexü̃ca̱x naxca̱x ga peta, rüe̱xna duü̃xü̃gü ga ngearü diẽruã́xü̃na ngĩxü̃ nax naxãxü̃ca̱x ga diẽru.

Popera ga Chantiágu ümatüxü̃ 2:6

Natürü pema rü penaxãnexẽxẽ rü nüxü̃ pexo i ngẽma ngearü diẽruã̱xgüxü̃. ¿Taux ẽ̱xna ngẽma diẽruã̱xgüxü̃ yixĩxü̃ i chixri pemaxã icua̱xgüxü̃ rü ãẽ̱xgacügüpe̱xewa pexü̃ itúxü̃ rü íyaxuaxü̃güxü̃?

Popera ga Chantiágu ümatüxü̃ 2:2

Rü ngẽxguma chi perü ngutaque̱xegu naxücu̱xgu i wüxi i yatü i úirumaxã ãneraã́xü̃ rü mexchiruxü̃, rü pema rü mea penayauxgü rü ñaperügügü nüxü̃, “¡Nua mexü̃ i nachicawa rüto!” ñaperügügü. Rü ngẽxgumarüxü̃ ta chi ngẽxma naxücu̱xgu i wüxi i yatü i ngearü diẽruã́xü̃ rü wexachiruxü̃ rü ñaperügügü nüxü̃, “¡Cuma rü ngẽxmatama nachi!” rüe̱xna “¡Ngéma ñatüanewa rütomare!” ñaperügügü nüxü̃.

1 Tesalonicenses 5:22

¡Rü nüxna pixĩgachi i naguxü̃raü̃xü̃ i chixexü̃gü!

Gálatas 2:10

Rü yema namaxã toxü̃ naxucu̱xẽgüxü̃ nixĩ nax nüxü̃ tarüngü̃xẽẽgüxü̃ca̱x ga yema yaxõgüxü̃ ga ngearü diẽruã̱xgüxü̃. Rü yexicatama nixĩ ga toxna nüxü̃ nacua̱xãchixẽẽxü̃. Rü choma rü woetama ngẽma nixĩ i guxü̃guma marü chaxüxü̃.

Ore i mexü̃ ga Cuáü̃ ümatüxü̃ 10:13

Rü ngẽma yatü rü niña, erü norü diẽruca̱xicatama ngéma napuracü. Rü tama aixcüma carnérugügu narüxĩnü.

Ore i mexü̃ ga Matéu ümatüxü̃ 21:13

Rü ñanagürü nüxü̃ ga yema duü̃xü̃gü: —Tupanaarü ore i ümatüxü̃wa rü ñanagürü: “Chopata rü yumüxẽpataxü̃ nixĩ”. Natürü pema rü ngĩ́ta̱xaxgüxü̃pataxü̃ peyaxĩxẽxẽ —ñanagürü.

Echequié 33:31

Rü ngẽmaãcü i chorü duü̃xü̃gü rü cuxca̱x naxĩ, rü cupe̱xewa nayarütogü guxü̃gurüxü̃ nax yanaxĩnüexü̃ca̱x i ngẽma ore i nüxü̃ quixuxü̃. Natürü woo nüxü̃ naxĩnüegu i ngẽma ore natürü tama aixcüma nagu namaxẽ. Rü naã̱xmaxã choxü̃ nicua̱xüü̃gü, natürü norü maxü̃wa rü yexeraãcü diẽruguama narüxĩnüe.

Ucu̱xẽgüchiga 29:7

Yíxema mexü̃gu rüxĩnüxe, rü tümaétüwa nidexa ya yíxema tama muarü diẽruã̱xgüxe. Natürü ngẽma duü̃xü̃ i chixexü̃gu rüxĩnüxü̃, rü nüxü̃́ tanataxuraxü̃mare ya yíxema tama muarü diẽruã̱xgüxe.

Wiyaegü 14:1

Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana. Rü guxü̃ma i ngẽma duü̃xü̃gü rü chixexü̃gu narüxĩnüe rü nanaxügü i ngẽma Tupanape̱xewa chixexü̃chixü̃. Rü bai i wüxi i mexü̃ üxü̃.

Ore i mexü̃ ga Luca ümatüxü̃ 8:3

Rü yéma iyexma ta ga Cuána ga Cúchu naxma̱x. Rü Cúchu nixĩ ga ãẽ̱xgacü ga Eródearü ngü̃xẽẽruxü̃. Rü yéma iyexmagü ta ga Chuchána rü mucüma ga náigü ga ngecügü ga ngĩrü diẽrumaxã Ngechuchuxü̃ rüngü̃xẽẽgücü.