Ore i mexü̃ ga Cuáü̃ ümatüxü̃ 12:42 - Tupanaarü Ore

⁴² Natürü muxü̃ma ga yema Yudíugü rü Ngechuchuaxü̃́ nayaxõgü, rü woo ga ñuxre ga ãẽ̱xgacügü rü ta nayaxõgü, natürü tama nügü nixugüchaü̃ ga duü̃xü̃güpe̱xewa, yerü Parichéugüxü̃ namuü̃e nax tama ngutaque̱xepataü̃wa ínawoxü̃xü̃ca̱x.

Ore i mexü̃ ga Cuáü̃ ümatüxü̃ 12:42 Referans Kwoze

Ichaía 51:7

¡Choxü̃́ iperüxĩnüe i pema nax nüxü̃ pecuáxü̃ i ngẽma nacüma i aixcüma iwéxü̃ rü naga pexĩnüexü̃ i chorü mugü! ¡Rü taxṹ i pemuü̃exü̃ rü perümaãchitanüxü̃ i ngẽxguma ta̱xacü pemaxã yaxugüegu i duü̃xü̃gü! Erü nümagü rü tá nayue rü ñoma naxchiru i naweane ngõ̱xgüxü̃rüxü̃ tá nixĩgü. Rü õ̱xmigü rü tá nanangõ̱xgü ñoma wüxi i naxchiru i carnéruta̱xanaxca̱x nangõ̱xgüxü̃rüxü̃. Natürü chaucüma rü taguma inarüxo rü chorü pora i namaxã íchapoxü̃ i chorü duü̃xü̃gü rü guxü̃guma nangẽxmaecha —ñanagürü ga Tupana.

Ore i mexü̃ ga Cuáü̃ ümatüxü̃ 9:22

Rü yema ñatarügügü ga nanatü rü naé, yerü tamuü̃e. Yerü ga Yudíugü rü marü nügümaxã nanamexẽxẽgü nax tüxü̃ ínata̱xüchigüxü̃ca̱x ga ngutaque̱xepataü̃wa ga texé ga Ngechuchuaxü̃́ yaxṍxe nax Cristu yixĩxü̃.

Ore i mexü̃ ga Cuáü̃ ümatüxü̃ 7:13

Natürü taxuxü̃ma ga duü̃xü̃gü rü mea togüpe̱xewa Ngechuchuxü̃ nicua̱xüü̃güchaü̃, yerü yema Yudíugüarü ãẽ̱xgacügüxü̃ namuü̃e.

Ucu̱xẽgüchiga 29:25

Ngẽxguma duü̃xü̃güxü̃ cumuü̃gu rü cugünatama guxchaxü̃ cuxã. Natürü texé ya Tupanaga ĩnüxe, rü nüma ya Tupana tüxna nadau.

Ore i mexü̃ ga Matéu ümatüxü̃ 10:32

Rü guxãma ya texé ya duü̃xü̃güpe̱xewa tügü ixuxe nax chorü duü̃xü̃ tixĩxü̃, rü choma rü tá ta Chaunatü ya daxũgucüpe̱xewa tüxü̃ chixu nax chorü duü̃xü̃ tixĩxü̃ i tümax.

Nüxíraxü̃xü̃ ga popera ga Cuáü̃ ümatüxü̃ 4:15

Rü yíxema yaxṍxe rü nüxü̃ ixuchigaxe nax Tupana Nane yixĩxü̃ ya Ngechuchu, rü aixcüma Tupanaarü duü̃xü̃ tixĩ, rü Tupana rü tümawa namaxü̃.

Nüxíraxü̃xü̃ ga popera ga Cuáü̃ ümatüxü̃ 4:2

Rü name nixĩ i penangugü i norü ore nax nüxü̃ pecuáxü̃ nax texé tixĩxü̃ ya yíxema aixcüma Tupanaãxẽ tümawa ngẽxmaxe. Rü guxü̃ma i orearü uruü̃gü i nüxü̃ ixugüxü̃ nax duü̃xü̃rüxü̃ ñoma ga naanewa nanguxü̃ ya Ngechuchu ya Cristu, rü ngẽma nixĩ i aixcüma Tupanaãxẽ nawa idexaxü̃.

Romanos 10:10

Erü ngẽxguma Ngechuchuaxü̃́ yaxõgügu nixĩ nax Tupanape̱xewa imexü̃. Rü taa̱xmaxã nüxü̃ tixu nax tórü Cori yixĩxü̃ ya Ngechuchu, nax ngẽmaãcü nayaxuxü̃ca̱x i maxü̃ i taguma gúxü̃.

Ngechuchuarü ngúexü̃gü ga yamugüxü̃arü puracüchiga 5:41

Rü yema ãẽ̱xgacügüna ínixĩ ga yema ngúexü̃gü. Rü nataãẽgü yerü woetama Tupana nanaxwa̱xe nax yemaacü Ngechuchuca̱x ngúxü̃ yangegüxü̃.

Ore i mexü̃ ga Cuáü̃ ümatüxü̃ 19:38

Rü nayexma ga wüxi ga yatü ga Arimatéacüã̱x ga Yúchegu ãégacü. Rü nüma rü ta Ngechuchuaxü̃́ nayaxõ, natürü cúãcü nayaxõ yerü natanüxü̃ ga Yudíugüarü ãẽ̱xgacügüxü̃ namuü̃. Rü gumá nixĩ ga Pirátuna yacacü nax naya̱u̱xãxü̃ca̱x ga Ngechuchuxü̃ne. Rü Pirátu rü: —Ngü̃ —ñanagürü. Rü yexguma ga Yúche rü yéma naxũ ga curuchawa íyapotaxü̃wa, rü curuchawa nayayaxu ga naxü̃ne ga Ngechuchu.

Ore i mexü̃ ga Cuáü̃ ümatüxü̃ 16:2

Rü ngutaque̱xepataü̃güwa tá pexü̃ ínawoxü̃. Rü tá nawa nangu nax texé pexü̃ daixü̃ rü tá nagu tarüxĩnü nax ngẽmaãcü mexü̃ Tupanaca̱x taxüxü̃.

Ore i mexü̃ ga Cuáü̃ ümatüxü̃ 12:11

Yerü Lácharogagu nixĩ ga muxü̃ma ga Yudíugü ga Ngechuchuaxü̃́ yaxõgüãxü̃ rü yema chacherdótegüna naxĩgüxü̃.

Ore i mexü̃ ga Cuáü̃ ümatüxü̃ 11:45

Rü yema Yudíugü ga Maríawe rüxĩxü̃ rü nüxü̃ nadaugü ga yema Ngechuchu üxü̃, rü muxü̃ma nüxü̃́ nayaxõgü ga yexguma nüxü̃ nadaugügu ga yema naxüxü̃.

Ore i mexü̃ ga Cuáü̃ ümatüxü̃ 9:34

Rü yexguma ga yema Yudíugüarü ãẽ̱xgacügü, rü ñanagürügü nüxü̃: —Cuma nax pecadugu cubuxü̃, ¿rü ñuxãcü cunaxwa̱xe nax toxü̃ cungúexẽẽchaü̃xü̃? —ñanagürügü. Rü ñu̱xũchi ínanata̱xüchigü ga ngutaque̱xepataü̃wa.

Ore i mexü̃ ga Cuáü̃ ümatüxü̃ 3:2

Rü gumá Nicodému rü Ngechuchuxü̃tagu nanaxũane ga chütacü. Rü ñanagürü nüxü̃: —Pa Ngúexẽxẽruxü̃, toma nüxü̃ tacua̱x nax aixcüma Tupana núma cuxü̃ muxü̃ nax toxü̃ cungúexẽẽxü̃ca̱x. Erü taxucürüwa texé cuxrüxü̃ tanaxü i ngẽma taxü̃ i mexü̃gü i Tupanaarü poramaxã üxü̃, ega tama Tupana tümaxü̃tawa ngẽxmagu —ñanagürü.

Ore i mexü̃ ga Luca ümatüxü̃ 12:8

Rü pemaxã nüxü̃ chixu rü guxãma ya texé i ñoma i naanewa duü̃xü̃güpe̱xewa tügü ixuxe nax chorü duü̃xü̃ tixĩxü̃, rü Tupana Nane nax duü̃xü̃xü̃ ixĩcü, rü Tupanaarü orearü ngeruü̃gü i daxũcüã̱xpe̱xewa rü tá tüxü̃ nixu nax norü duü̃xü̃ tixĩxü̃ i tümax.

Ore i mexü̃ ga Luca ümatüxü̃ 6:22

¡Rü petaãxẽgü i pemax i ngẽxguma duü̃xü̃gü pexchi aiegu, rü pexü̃ ínawoxü̃gu, rü chixexü̃ pemaxã yaxugüegu, rü Tupana Nane ya duü̃xü̃xü̃ ixĩcügagu chixri pechiga yadexagügu!

Ichaía 66:5

Rü ñanagürü: —¡Dücax, pema nax Tupanaga pexĩnüexü̃, rü iperüxĩnüe i norü ore! Rü nümaxü̃ i pemücügü i pexchi aiexü̃ rü pewe ingẽxü̃tanüxü̃ naxca̱x nax chorü duü̃xü̃gü pixĩgüxü̃, rü choxü̃ nacugüeãcüma rü ñanagürügü: “Ẽcü Tupana toxü̃ nawé i norü pora erü nüxü̃ tadaugüchaü̃ nax petaãẽgüxü̃”, ñanagürügü. Natürü ngẽma pemücügü i ngẽmaãcü idexagüxü̃ rü Tupana tá nanaxãneexẽxẽ.

Ichaía 57:11

¿Rü ta̱xacügü nixĩ i ngẽma perü tupananetagü i nüxü̃ pemuü̃exü̃ rü nüxü̃ picua̱xüü̃güxü̃, rü ngẽmaca̱x choxü̃ iperüngümaexü̃chixü̃ rü tama chauga pexĩnüexü̃? ¿Ẽ̱xna pema rü tama choxü̃ pemuü̃e erü muxü̃ i ngunexü̃ chachianemare rü taxu ñachagürü?

Yeremía 38:19

Rü nüma ga ãẽ̱xgacü ga Chedequía nanangãxü̃ rü ñanagürü: —Choma rü nüxü̃ chamuü̃ i ngẽma Yudíugü i Babiróniaanecüã̱xtanüwa choü̃xü̃, erü ngẽxguma naxme̱xgu changuxgu rü tá choxü̃ nacua̱i̱xgü rü ngẽmaãcü ngúxü̃ tá choxü̃ ningexẽẽgü —ñanagürü.

Ore i mexü̃ ga Luca ümatüxü̃ 23:13

Rü yexguma ga Pirátu rü nanangutaque̱xexẽxẽ ga yema chacherdótegüarü ãẽ̱xgacügü, rü yema Yudíugüarü ãẽ̱xgacügü, rü guxü̃ma ga duü̃xü̃gü ga yéma yexmagüxü̃.

Ore i mexü̃ ga Cuáü̃ ümatüxü̃ 7:31

Natürü muxü̃ma ga duü̃xü̃gü rü nüxü̃́ nayaxõgü. Rü ñanagürügü: —¿Ngẽxguma ínanguxgu ya Cristu rü ta̱xacürü cua̱xruxü̃ i daa yatü üxü̃arü yexera tá naxü? —ñanagürügü.