Ore i mexü̃ ga Cuáü̃ ümatüxü̃ 12:34 - Tupanaarü Ore

³⁴ Rü yema duü̃xü̃gü nanangãxü̃gü, rü ñanagürügü: —Ngẽma mugü i ümatüxü̃wa nüxü̃ tadaugü nax guxü̃gutáma namaxechaxü̃ ya Cristu. ¿Rü ñuxãcü i cuma rü ñacurügü: “Tupana Nane ya duü̃xü̃xü̃ ixĩcü rü curuchawa tá nipota”, ñacurügü? ¿Rü texé tixĩ ya yíxema Tupana Nane ya duü̃xü̃xü̃ ixĩxẽ? —ñanagürügü.

Ore i mexü̃ ga Cuáü̃ ümatüxü̃ 12:34 Referans Kwoze

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Danié 7:14

Rü nüma ga guma Ãẽ̱xgacü rü namaxã nataãxẽ rü pora nüxna naxã nax ñoma i naanemaxã inacuáxü̃ca̱x. Rü guxü̃ma i ñoma i naanecüã̱x i duü̃xü̃gü i to i nagawa idexagüchigüxü̃ rü tá nüxü̃ nicua̱xü̃gü. Rü nüma rü guxü̃guma Ãẽ̱xgacü nixĩ rü tagutáma inayacua̱x nax Ãẽ̱xgacü yixĩxü̃.

Wiyaegü 110:4

Rü nüma ya Tupana rü cuxü̃ naxuneta nax Melquichedéxrüxü̃ guxü̃guma chacherdóte quixĩxü̃. Rü nüma rü taxũtáma inayanaxoxẽxẽ i ngẽma nüxü̃ yaxuxü̃.

Danié 7:27

Rü nüma ya Tupana ya Guxãétüwa Ngẽxmacü rü tá norü duü̃xü̃güna nanaxã i pora nax guxü̃ma i ñoma i naanemaxã inacua̱xgüxü̃ca̱x. Rü ñoma i naanecüã̱x i duü̃xü̃gü rü norü ãẽ̱xgacügü rü tá nüxü̃ nicua̱xüü̃gü. Rü guxü̃ma i duü̃xü̃gü i ñoma i naanewa maxẽxü̃ rü guxü̃gutáma Tupanaarü duü̃xü̃güme̱xẽwa tá nangẽxmagü rü tá naga naxĩnüxẽ”, ñanagürü.

Danié 2:44

Rü ngẽma ãẽ̱xgacügü rü ñoma i naanemaxã icua̱xgüguyane rü nüma ya Tupana ya daxũwa ngẽxmacü rü tá nayamucuchi i wüxi i ãẽ̱xgacü i tagutáma texé iyanaxoxẽẽcü rü tagutáma to i nachixü̃ane nüxü̃ rüyexeracü. Rü nüma rü tá inayanaxoxẽxẽ i guxü̃táma i ngẽma togü i ãẽ̱xgacügüarü ĩnü rü ngẽmaãcü i nüma rü guxü̃gutáma ãẽ̱xgacü nixĩ.

2 Chamué 7:13

Rü nüma tá nixĩ i wüxi ya chopata ya taxü̃ne naxüxü̃. Rü choma rü guxü̃gutáma nüxü̃ charüngü̃xẽẽxü̃ nax duü̃xü̃gümaxã inacuáxü̃ca̱x.

Romanos 5:18

Rü yema Adáü̃arü pecadu rü poxcuwa nanagagü ga guxü̃ma ga duü̃xü̃gü. Natürü yema mexü̃ ga Ngechuchu ya Cristu üxü̃ rü pecaduwa ínananguxü̃xẽxẽ i guxü̃ma i duü̃xü̃gü i yaxõgüxü̃, rü nüxna nanaxã i maxü̃ i taguma gúxü̃.

Miquéa 4:7

Rü ngẽma Iraétanüxü̃gü i to i nachixü̃anewa woeguxü̃ rü ngẽma Yerucharéü̃wa yaxǘgüxü̃maxã tá wena ichanachixẽxẽ i wüxi i nachixü̃ane i poraxü̃. Rü choma ya Tupana rü yima ma̱xpǘne ya Chióü̃wa guxü̃gutáma namaxã ichacua̱x i ngẽma chorü duü̃xü̃gü.

Wiyaegü 72:7

Rü ngẽxguma nüma ãẽ̱xgacü yixĩxgu rü chanaxwa̱xe nax guxü̃ma mea ixũxü̃ rü nax nataxuxü̃ma i nu ñu̱xmata iyanaxo ya tauemacü.

Romanos 3:19

Rü nüxü̃ tacua̱x rü guxü̃ma i ngẽma Tupanaarü mugü nüxü̃ ixuxü̃ rü guxü̃ma i duü̃xü̃güca̱x nixĩ erü guxü̃ma rü Tupanaarü mugütüxü̃wa nangẽxmagü. Rü ngẽmaca̱x taxucürüwa texé tügüétüwa tachogü i ngẽxguma Tupana tüxü̃ icagügu i tümaarü pecaduchiga.

Ore i mexü̃ ga Cuáü̃ ümatüxü̃ 15:25

Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.

Ore i mexü̃ ga Cuáü̃ ümatüxü̃ 12:32

Rü ngẽxguma curuchawa chipotagu rü chaugüxü̃tawa tá chanagagü i guxü̃ma i duü̃xü̃gü —ñanagürü ga Ngechuchu.

Ore i mexü̃ ga Cuáü̃ ümatüxü̃ 10:34

Rü nüma ga Ngechuchu rü ñanagürü nüxü̃: —Perü mugüpanewa rü naxümatü i Tupanaarü ore i ñaxü̃: “Choma rü nüxü̃ chixu nax tupanagü pixĩgüxü̃”, ñaxü̃.

Ichaía 53:8

Rü ma̱xwa nanagagü woo taxuxü̃ma ga chixexü̃ naxü, rü tataxuma ga texé ga naétüwa idexáxe. Rü taxúema texé ítanapoxü̃, rü tama ñoma i naanewa maxẽxü̃ ga duü̃xü̃güaxü̃́ nangechaxü̃tümüxü̃. Rü chautanüxü̃arü chixexü̃gagu nayama̱xgü.

Ore i mexü̃ ga Matéu ümatüxü̃ 21:10

Rü yexguma Ngechuchu Yerucharéü̃gu naxücu̱xgu, rü guxü̃ma ga yema ĩanecüã̱x rü nanaxĩ̱xãchiãẽgü, rü ñanagürügü: —¿Texé nixĩ ya daa? —ñanagürügü.

Ore i mexü̃ ga Matéu ümatüxü̃ 16:13

Rü yexguma Checharéa ga Pirípuanewa nanguxgu ga Ngechuchu, rü norü ngúexü̃güna naca, rü ñanagürü: —¿Ñuxũ ñaxü̃ i duü̃xü̃gü i nachiga nax texé yixĩxü̃ ya Tupana Nane ya duü̃xü̃xü̃ ixĩcü? —ñanagürü.

Ore i mexü̃ ga Matéu ümatüxü̃ 8:20

Ngechuchu nanangãxü̃ rü ñanagürü: —Ngowagü rü nüxü̃́ nangẽxma i naxmaü̃gü, rü werigü rü nüxü̃́ nangẽxma i naxchiãü̃gü. Natürü yimá Tupana Nane ya duü̃xü̃xü̃ ixĩcü, rü nataxuma i ta̱xacü i nagu yacuxeruxü̃ —ñanagürü.

Ore i mexü̃ ga Cuáü̃ ümatüxü̃ 8:28

Rü yemaca̱x ga Ngechuchu rü ñanagürü nüxü̃: —Ngẽxguma curuchawa peyapotagügu ya Tupana Nane ya duü̃xü̃xü̃ ixĩcü, rü tá nüxü̃ picua̱xãchitanü nax Cristu chixĩxü̃. Rü tá nüxü̃ pecua̱x nax taxuxü̃ma chauechamatama chaxüxü̃. Rü ngẽma Chaunatü choxü̃ ngu̱xẽẽxü̃xicatama nixĩ i nüxü̃ chixuxü̃.

Popera ga Yudíugü ga yaxõgüxü̃ca̱x ümatüxü̃ 7:24

Natürü Ngechuchu rü guxü̃guma namaxü̃ rü ngẽmaca̱x marü taxuca̱xma texé ya togue tingucuchi nax tórü chacherdóte tixĩxü̃ca̱x.