Ore i mexü̃ ga Cuáü̃ ümatüxü̃ 12:19 - Tupanaarü Ore

¹⁹ Natürü ga yema Parichéugü rü nügümaxã ñanagürügü: —Marü nüxü̃ pedauxü̃ i ñu̱xma nax taxucürüwama ta̱xacü namaxã ixüxü̃. ¡Rü dücax, guxü̃ma i duü̃xü̃gü rü nawe narüxĩ! —ñanagürügü.

Ore i mexü̃ ga Cuáü̃ ümatüxü̃ 12:19 Referans Kwoze

Ngechuchuarü ngúexü̃gü ga yamugüxü̃arü puracüchiga 17:6

Natürü yexguma tama yexma nüxü̃ yangaugügu, rü Yachóü̃xü̃ niyauxgü, rü ñuxre ga yaxõgüxü̃xü̃ rü ta ínayauxü̃. Rü nayagáuxü̃tanü, rü guma ĩanearü ãẽ̱xgacügüpe̱xewa nanagagü. Rü tagaãcü ñanagürügü: —Ngẽma Pauru rü Chíra i guxü̃ i naanewa duü̃xü̃güxü̃ chixexẽẽgüxü̃, rü núma rü ta nangugü.

Wiyaegü 22:27

Rü Pa Guxãma i Pema i Ñoma i Naanewa Maxẽxex ¡rü nüxna pecua̱xãchie ya Cori ya Tupana rü naxca̱x pexĩ! ¡Rü nape̱xegu pecaxã́pü̱xügü rü nüxü̃ picua̱xüü̃gü!

Nüxíraxü̃xü̃ ga popera ga Cuáü̃ ümatüxü̃ 2:2

Rü nüma ga Ngechuchu ya Cristu nixĩ ga nügü inaxãxü̃ rü nayuxü̃ nax naxütanüãxü̃ca̱x ga tórü pecadugü. Rü tama tórü pecadugüxicatama naxütanü, natürü guxü̃ma i duü̃xü̃güarü pecadugü rü ta naxütanü.

Ore i mexü̃ ga Cuáü̃ ümatüxü̃ 17:21

Rü cuxna chaca nax guxü̃ma i ngẽma choxna cumugüxü̃ rü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃. Rü ngẽxgumarüxü̃ ta cuxna chaca nax nümagü rü wüxitama tamaxã yaxĩgüxü̃ nax ngẽmaãcü i ñoma i naanecüã̱x i duü̃xü̃gü yaxõgüxü̃ca̱x nax cuma núma choxü̃ cumuxü̃.

Ore i mexü̃ ga Cuáü̃ ümatüxü̃ 3:26

Rü Cuáü̃maxã nüxü̃ nayarüxugüe, rü ñanagürügü: —Pa Ngúexẽẽruxü̃, gumá yatü ga tomaxã nüxü̃ quixucü rü cumaxã yexmacü ga natü ga Yudáü̃arü tocutüwa, rü yimá rü ñu̱xma rü duü̃xü̃güxü̃ ínabaiü̃ẽxẽ, rü guxü̃ma i duü̃xü̃gü rü nawe narüxĩ —ñanagürügü.

Ichaía 27:6

Rü tá ínangu i ngunexü̃ i Acóbutanüxü̃ rü ñoma nanetügü i muxchúma̱xãxü̃rüxü̃ tá nixĩ nax Iraétanüxü̃ wena ínadagüxü̃ rü yamuxü̃. Rü ngẽmaãcü i norü o rü ñoma i naane tá namaxã nanapa.

Ore i mexü̃ ga Matéu ümatüxü̃ 21:15

Natürü ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃, rü nüxü̃ nadaugü ga yema mexü̃gü ga Tupanaarü poramaxã naxüxü̃ ga Ngechuchu. Rü buxü̃güxü̃ naxĩnüe nax Tupanapata ga taxü̃newa ñagüxü̃: —¡Namaxü̃ ya daa Ngechuchu ya Dabítaxa! —ñagüxü̃. Rü yemaca̱x ga yema chacherdótegüarü ãẽ̱xgacügü rü ngúexẽẽruü̃gü rü nanue.

Wiyaegü 49:1

¡Dücax, Pa Guxü̃ma i Duü̃xü̃gü i Ñoma i Naanewa Maxẽxü̃x, rü mea iperüxĩnüe i ñaa ore!

Ore i mexü̃ ga Cuáü̃ ümatüxü̃ 12:18

Rü yemaca̱x nixĩ ga duü̃xü̃gü ga Ngechuchuxü̃ yatüxãchitanüxü̃ nax nayauxgüãxü̃ca̱x, yerü nüxü̃ nacuáchigagü ga yema taxü̃ ga mexü̃ ga Tupanaarü poramaxã naxüxü̃.

Ore i mexü̃ ga Cuáü̃ ümatüxü̃ 12:20

Rü yema duü̃xü̃gü ga petaca̱x Yerucharéü̃wa ĩxü̃ nax yéma Tupanaxü̃ nax yanacua̱xüü̃güxü̃ca̱x, rü natanüwa nayexma ga ñuxre ga Griégugü.