Ore i mexü̃ ga Cuáü̃ ümatüxü̃ 12:16 - Tupanaarü Ore

¹⁶ Rü noxri ga norü ngúexü̃gü rü tama nüxü̃ nacua̱xgü ga Ngechuchuchiga nax yixĩxü̃ ga yema ore. Natürü nawena ga yexguma marü Ngechuchu daxũwa ũxgu, rü yexguma nixĩ ga nüxna nacua̱xãchiexü̃ ga guxü̃ma ga yema Ngechuchuxü̃ ngupetüxü̃, rü yema Tupanaarü ore ümatüxü̃ãcü nüxü̃ nax nangupetüxü̃.

Ore i mexü̃ ga Cuáü̃ ümatüxü̃ 12:16 Referans Kwoze

Ore i mexü̃ ga Cuáü̃ ümatüxü̃ 2:22

Rü yemaca̱x ga norü ngúexü̃gü, rü yexguma Ngechuchu yuwa írüdaxgu, rü nüxna nacua̱xãchie ga yema ore ga Ngechuchu nüxü̃ ixuxü̃. Rü aixcüma nayaxõgü ga yema ore ga nüxü̃ yaxuxü̃ rü yema Tupanaarü ore ga nũxcümaü̃güxü̃ ga orearü uruü̃gü Ngechuchuchiga ümatügüxü̃.

Ore i mexü̃ ga Cuáü̃ ümatüxü̃ 14:26

Natürü Chaunatü rü tá chauégagu núma nanamu i Naãxẽ ya Üünexü̃ nax pexü̃ nangü̃xẽẽxü̃ca̱x. Rü nüma i Naãxẽ ya Üünexü̃ tá pexü̃ nangúexẽxẽ i guxü̃ma, rü tá nüxna pexü̃ nacua̱xãchixẽxẽ i guxü̃ma i ore ga pemaxã nüxü̃ chixuxü̃.

Ore i mexü̃ ga Cuáü̃ ümatüxü̃ 7:39

Rü yexguma yema ñaxgu ga Ngechuchu rü nüxü̃ nixu nax guxü̃ma ga yema nüxü̃́ yaxõgüxü̃ rü tá nayauxgüãxü̃ i Naãxẽ ya Üünexü̃. Natürü tama yexgumatama nanayauxgü, yerü tauta wenaxarü daxũguxü̃ ga naaneca̱x nataegu ga Ngechuchu nax guxü̃arü ãẽ̱xgacü yixĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 2:36

Rü ñanagürü ga Pedru: —Name nixĩ i guxãma i pema i Iraétanüxü̃ nax nüxü̃ pecua̱xgüxü̃ rü gumá Ngechuchu ga curuchawa peyapotacü, rü Tupana rü marü perü Cori ya Cristuxü̃ nayaxĩxẽxẽ —ñanagürü ga Pedru.

Ore i mexü̃ ga Cuáü̃ ümatüxü̃ 12:23

Rü yexguma ga Ngechuchu rü ñanagürü nüxü̃: —Marü nawa nangu nax nayuxü̃ ya Tupana Nane ya duü̃xü̃xü̃ ixĩcü nax wenaxarü Nanatüxü̃tawa naxũxü̃ca̱x.

Popera ga Yudíugü ga yaxõgüxü̃ca̱x ümatüxü̃ 12:2

¡Rü ngĩxã Ngechuchuxü̃ tarüdaunü rü nagu taxĩ i nacüma! Yerü nüma nixĩ ga tüxü̃́ natauxchaxẽẽãxü̃ nax yaxõgüxü̃ca̱x. Rü nüma rü tama nügü nachu̱xu nax curuchawa ngúxü̃ yangexü̃, rü tama nagu narüxĩnü ga yema ãne nax yangexü̃, yerü nüxü̃ nacua̱x nax yemawena rü tá nataãẽxü̃. Rü ñu̱xma rü Tupanaarü tochicaxü̃arü tügünecüwawa narüto.

Popera ga Yudíugü ga yaxõgüxü̃ca̱x ümatüxü̃ 8:1

Rü ngẽma pemaxã nüxü̃ tixuxchaü̃xü̃ i ñu̱xma nixĩ nax Tupanape̱xewa tüxü̃́ nangẽxmaxü̃ ya tórü ngü̃xẽẽruxü̃ ya chacherdóte ya Guxü̃étüwa Ngẽxmacü. Rü nüma rü daxũguxü̃ i naanewa i Tupanaarü tochicaxü̃arü tügünecüwawa narüto.

Ngechuchuarü ngúexü̃gü ga yamugüxü̃arü puracüchiga 3:13

Tórü o̱xigü ga Abraáü̃ rü Ichaá rü Acóbu rü togü ga tórü o̱xigü rü nüxü̃́ nayaxõgü ga Tupana. Rü yimátama Tupana nixĩ ya ñu̱xma Ngechuchuxü̃ tachigaxẽẽcü, nax guxü̃arü yexera yixĩxü̃ca̱x. Rü gumátama Ngechuchu ya Tupanaarü ngü̃xẽẽruxü̃ ixĩcü nixĩ ga pema ãẽ̱xgacü ga Pirátuxü̃tawa penagagücü. Rü yexguma nüxü̃ yangéxchaü̃gu ga Pirátu, rü pema rü tama penaxwa̱xegü nax yange̱xãxü̃.

Ngechuchuarü ngúexü̃gü ga yamugüxü̃arü puracüchiga 2:33

Rü Tupana rü daxũguxü̃ ga naanewa nanaga nax norü tügünecüwawa yanatoxü̃ca̱x. Rü Tanatü ya Tupana rü marü nüxna nanamu ga Naãxẽ ya Üünecü ga nũxcüma nüxü̃ yaxuxü̃ rü tá nua nax namuaxü̃. Rü ñu̱xma ya yimá Ngechuchu rü núma totanüwa nanamu i ngẽma Naãxẽ ya Üünecü. Rü ngẽma Naãxẽ nua üxü̃ nixĩ i ñu̱xma nüxü̃ pedauxü̃ rü nüxü̃ pexĩnüexü̃.

Ore i mexü̃ ga Cuáü̃ ümatüxü̃ 16:4

Rü pemaxã nüxü̃ chixu i ñaa ore i ñu̱xmax, nax nüxna pecua̱xãchiexü̃ca̱x i ngẽxguma tá ngẽmaãcü pexü̃ nangupetügu. Noxri rü tama pemaxã nüxü̃ chixu i ñaa ore, yerü petanüwa chayexma.

Ore i mexü̃ ga Luca ümatüxü̃ 24:45

Rü yemaacü namaxã nanango̱xẽxẽ ga Tupanaarü ore ga ümatüxü̃.

Ore i mexü̃ ga Luca ümatüxü̃ 24:25

Rü yexguma ga Ngechuchu rü ñanagürü nüxü̃: —Pema rü petaieru nax nüxü̃ pecuáxü̃ rü peyaxõgüxü̃ i ngẽma ore ga nũxcümaü̃güxü̃ ga Tupanaarü orearü uruü̃gü nüxü̃ ixugüexü̃.

Ore i mexü̃ ga Luca ümatüxü̃ 18:34

Natürü yema norü ngúexü̃gü rü tama nüxü̃ nacua̱xgüéga nax ta̱xacüchiga yixĩxü̃ ga yema ore ga namaxã nüxü̃ yaxuxü̃. Yerü poraãcü nüxü̃́ naguxcha nax nüxü̃ nacua̱xgüxü̃.

Ore i mexü̃ ga Luca ümatüxü̃ 9:45

Natürü ga norü ngúexü̃gü rü tama nüxü̃ nacua̱xgüéga ga yema namaxã nüxü̃ yaxuxü̃ yerü Tupana rü tama naxca̱x nanango̱xẽxẽ ga yema ore nax mea nüxü̃ nacua̱xgüxü̃ca̱x. Rü naétü namuü̃e nax Ngechuchuna nacagüexü̃ nax mea namaxã nango̱xẽẽãxü̃ca̱x ga yema namaxã nüxü̃ yaxuxü̃.

Ore i mexü̃ ga Cuáü̃ ümatüxü̃ 17:5

Rü ñu̱xma Pa Chaunatüx, rü chanaxwa̱xe i cugüxü̃tawa choxü̃ cungexmaxẽxẽ nax choxü̃́ nangẽxmaxü̃ca̱x ga yematama pora ga cumaxã choxü̃́ yexmaxü̃ ga noxri tauta naane uxgu.

Ore i mexü̃ ga Márcu ümatüxü̃ 16:19

Rü nüma ga Cori ga Ngechuchu rü yexguma norü ngúexü̃gümaxã yadexaxguwena, rü Tupana rü daxũguxü̃ ga naanewa nanaga. Rü Tupanaarü tügünecüwawa nayarüto.

Ore i mexü̃ ga Márcu ümatüxü̃ 9:32

Natürü nüma ga yema ngúexü̃gü rü tama nüxü̃ nacua̱xgü ga ta̱xacüchiga nax yixĩxü̃ ga yema ore, rü namuü̃e ga nüxna nax nacagüexü̃.