Ore i mexü̃ ga Cuáü̃ ümatüxü̃ 11:9 - Tupanaarü Ore

⁹ Rü Ngechuchu rü norü ngúexü̃gümaxã nüxü̃ nixu rü ñanagürü nüxü̃: —¿Taux ẽ̱xna i wüxi i ngunexü̃ rü 12 i ora nüxü̃́ ngẽxmaxü̃? Ngẽxguma texé ngunecü ixũxgu rü tama ta̱xacümaxã itayarüña, erü tümaca̱x nangóone.

Ore i mexü̃ ga Cuáü̃ ümatüxü̃ 11:9 Referans Kwoze

Ore i mexü̃ ga Cuáü̃ ümatüxü̃ 9:4

Rü ñoma rü ta nangune rü name nixĩ nax naxüxü̃ i norü puracü ya yimá núma choxü̃ mucü. Erü paxa tá nachüta rü ngẽxguma rü taxucürüwama texé tapuracü.

Ore i mexü̃ ga Cuáü̃ ümatüxü̃ 12:35

Rü yexguma ga Ngechuchu rü ñanagürü nüxü̃: —Choma rü paxaãchica̱xicatama petanüwa changexma nax ñoma wüxi i omürüxü̃ pexü̃ chabáxixü̃ca̱x. Rü ñoma rü ta petanüwa changexmaxü̃ rü name nixĩ nax choxü̃́ peyaxõgüxü̃ naxü̃pa nax ẽanexü̃wa pengẽxmagüxü̃. Erü yíxema ẽanexü̃wa ngẽxmaxe rü tama nüxü̃ tacua̱x nax ngextá taxuxü̃.

Yeremía 31:9

Rü nümagü rü tá inaxĩãchi, rü tá niyumü̃xẽtanü rü nixauxetanü. Rü ngẽmaãcü tá ínangugü. Rü choma rü natügü íngexmaxü̃gu tá chayagagü nagu i wüxi i nama i mexü̃ i ngexta nataxuma i ãũcümaxü̃. Erü choma rü nanatü chixĩ i ngẽma Iraétanüxü̃. Rü Efraíü̃tanüxü̃ rü chaune ya yacüxü̃ nixĩ.

Ucu̱xẽgüchiga 3:23

Ngẽxguma mea naga cuxĩnügu i ngẽma ucu̱xẽgü rü taxuca̱xtama cumuü̃, rü tagutáma ta̱xacügu quipucutü.

Ore i mexü̃ ga Cuáü̃ ümatüxü̃ 11:10

Natürü ngẽxguma wüxíe chütacü ixũxgu rü ngẽmáacü ta̱xacümaxã itayarüña, erü tümaca̱x naxẽane —ñanagürü.

Nüxíraxü̃xü̃ ga popera ga Cuáü̃ ümatüxü̃ 2:10

Yíxema tümaenexẽxü̃ ngechaü̃xe rü ngóonexü̃wa tangexma, rü nataxuma i ta̱xacü i chixexü̃gu tüxü̃ ngu̱xẽẽxü̃.