Ore i mexü̃ ga Cuáü̃ ümatüxü̃ 11:53 - Tupanaarü Ore

⁵³ Rü yema ngunexü̃gucürüwa nixĩ ga inaxügüeãxü̃ ga yema Yudíugüarü ãẽ̱xgacügü nax nagu naxĩnüexü̃ ga ñuxãcü tá nax Ngechuchuxü̃ yama̱xgüxü̃.

Ore i mexü̃ ga Cuáü̃ ümatüxü̃ 11:53 Referans Kwoze

Ngechuchuarü ngúexü̃gü ga yamugüxü̃arü puracüchiga 9:23

Rü marü muxü̃ma ga ngunexü̃gü ngupetüguwena rü yema Yudíugü rü wüxigu nügümaxã nagu narüxĩnüe nax Chauruxü̃ yama̱xgüxü̃ca̱x.

Ngechuchuarü ngúexü̃gü ga yamugüxü̃arü puracüchiga 5:33

Rü yexguma yemaxü̃ naxĩnüegu ga yema ãẽ̱xgacügü, rü poraãcüxüchima nanue, rü nanadaixchaü̃.

Ore i mexü̃ ga Cuáü̃ ümatüxü̃ 12:10

Rü yexguma ga chacherdótegüarü ãẽ̱xgacügü rü nügümaxã nanamexẽẽgü ga Lácharoxü̃ rü ta nax yama̱xgüxü̃ca̱x.

Ore i mexü̃ ga Cuáü̃ ümatüxü̃ 11:47

Rü yexguma ga yema Parichéugü rü chacherdótegüarü ãẽ̱xgacügü rü nangutaque̱xegü namaxã ga guxü̃ma ga yema yatügü ga ãẽ̱xgacügütücumüwa ügüxü̃. Rü ñanagürügü: —¿Ta̱xacü tá taxüe? Erü ñaa yatü i Ngechuchu rü nanaxü i muxü̃ma i mexü̃ i cua̱xruü̃gü.

Ore i mexü̃ ga Márcu ümatüxü̃ 14:1

Rü taxre ga ngunexü̃ nataxu nax nawa nanguxü̃ ga Yudíugüarü peta ga Üpetüchiga ga nagu nangõ̱xgüãxü̃ ga paũ ga ngearü pu̱xẽẽruü̃ã́xü̃. Rü nümagü ga chacherdótegüarü ãẽ̱xgacügü rü ngúexẽẽruü̃gü ga mugüwa ngu̱xẽẽtaegüxü̃ rü naxca̱x nadaugü nax ñuxãcü bexma duü̃xü̃güechita Ngechuchuxü̃ yayauxgüxü̃ nax yama̱xgüãxü̃ca̱x.

Ore i mexü̃ ga Márcu ümatüxü̃ 3:6

Natürü nüma ga Parichéugü rü ínachoxü̃ rü Eródetanüxü̃maxã inanaxügüe nax naxca̱x nadaugüxü̃ nax ñuxãcü tá Ngechuchuxü̃ yama̱xgüxü̃.

Ore i mexü̃ ga Matéu ümatüxü̃ 26:59

Rü yema chacherdótegüarü ãẽ̱xgacügü rü guxü̃ma ga Yudíugüarü ãẽ̱xgacügü rü naxca̱x nadaugü ga wüxi ga ore ga doramare ixĩxü̃ nax yemamaxã Ngechuchuxü̃ ínaxuaxü̃güxü̃ca̱x nax yama̱xgüãxü̃ca̱x.

Ore i mexü̃ ga Matéu ümatüxü̃ 22:46

Rü taxumaama nanangãxü̃güéga ga yema Parichéugü, rü bai ga wüxi ga oremaxã. Rü yemawena rü guxü̃ma namuü̃e nax Ngechuchuna nacagüexü̃.

Ore i mexü̃ ga Matéu ümatüxü̃ 16:21

Rü yemawena inanaxügü nax norü ngúexü̃gümaxã nüxü̃ yaxuxü̃ ga yema tá nüxü̃ üpetüxü̃. Rü ñanagürü: —Choma rü Yerucharéü̃wa tá chaxũ. Rü ngéma poraãcü ngúxü̃ tá choxü̃ ningexẽẽgü i Yudíugüarü ãẽ̱xgacügü rü chacherdótegüarü ãẽ̱xgacügü rü ngẽma ngúexẽẽruü̃gü i mugüwa ngu̱xẽẽtaegüxü̃, rü tá choxü̃ nima̱xgü. Natürü ngẽma tomaepü̱x i ngunexü̃gu rü wena táxarü ícharüda —ñanagürü.

Yeremía 38:15

Rü nüma ga Yeremía rü nanangãxü̃ rü ñanagürü: —Pa Ãẽ̱xgacüx, ngẽxguma chi aixcüma ixĩxü̃ i oremaxã cuxü̃ changãxü̃gu, rü cuma rü chi cunamu nax choxü̃ yama̱xgüxü̃ca̱x. Rü ngẽxguma chi wüxi i ucu̱xẽ cuxna chaxãxgu rü taxũchima chauga cuxĩnü —ñanagürü.

Yeremía 38:4

Rü yexguma yemaxü̃ naxĩnüegu ga yema ãẽ̱xgacüarü ngü̃xẽẽruü̃gü, rü ñanagürügü ãẽ̱xgacüxü̃: —Pa Ãẽ̱xgacüx, name nixĩ i tayama̱x i ñaa yatü erü ngẽma dexa i nüxü̃ yaxuxü̃maxã nananuexẽxẽ i tórü churaragü i nua tórü ĩanewa yaxǘgüxü̃ rü nananuexẽxẽ i guxü̃ma i duü̃xü̃gü. Rü ñaa yatü rü tama daa ĩanearü mexü̃ca̱x nadau, natürü norü chixexü̃ca̱x nixĩ i nadauxü̃ —ñanagürügü.

Wiyaegü 113:2

Rü name i ñu̱xma rü guxü̃guma mea nachiga idexagüxü̃.

Wiyaegü 71:10

Rü ngẽma chorü uanügü i choxü̃ ima̱xgüchaü̃xü̃ rü chauchiga nidexagü rü wüxigu nügümaxã nagu narüxĩnüe nax ñuxãcü tá choxü̃ yama̱xgüxü̃.

Wiyaegü 31:13

Rü duü̃xü̃gü rü chixexü̃maxã bexma choxü̃ nixugüechamare. Rü guxü̃wama nangẽxma i ãũcümaxü̃ rü poraãcü chamuü̃. Rü duü̃xü̃gü rü wüxigu nagu narüxĩnüe nax ñuxãcü choxü̃ yama̱xgüchaü̃xü̃.

Wiyaegü 2:2

Rü ñoma i naanecüã̱x i nachixü̃anegüarü ãẽ̱xgacügü rü Tupanamaxã rü yimá ãẽ̱xgacü ya nüma yangucuchixẽẽcümaxã nanue, rü wüxigu nagu narüxĩnüe nax ñuxãcü yimáxü̃ ínata̱xüchigüxü̃.

Neemía 13:21

Natürü ga choma rü namaxã chidexa rü chayangagü naxca̱x nax ĩanearü poxeguxü̃tapü̱xarü düxétüguama napegüxü̃. Rü nüxü̃ ñacharügü: —Ngẽxguma wena tá ngẽma pexü̱xgu rü tá pexü̃ ítayauxü̃ rü tá pexü̃ tapoxcue —ñachagürü. Rü yexgumacürüwa rü marü taguma ngü̃xchigaarü ngunexü̃gu yéma naxĩ.

Neemía 4:16

Natürü yexgumaü̃cüxü rü ngãxü̃tücumü ga duü̃xü̃gü napuracüe rü yema totücumü rü nadauxü̃taegü ga meama ixãxnexü̃ wocaemaxã rü würamaxã. Rü nananga̱xcu ga norü poxü̃ruü̃gü ga escúdugü, rü nacu̱xcu ga naremüarü poxü̃ruxü̃. Rü yema norü ãẽ̱xgacügü ga Yudáanecüã̱xgü rü natanügu naxãgü rü ínamemare nax nüxna nadaugüxü̃ ga yema duü̃xü̃gü ga ĩanetapü̱xwa puracüexü̃. Rü yema togü ga puracütanüxü̃ ga nutaarü nugüruü̃gü rü napuracüeama, natürü ãxneãcüma nananugüama ga nutagü.

Naanearü ügüchiga 37:18

Rü nüma ga naenexẽgü rü yáxü̃gu nüxü̃ nadaugü, rü naxü̃pa ga natanüwa nax nanguxü̃ rü nügü nixugücu̱xẽ nax yama̱xgüãxü̃ca̱x.

Ore i mexü̃ ga Matéu ümatüxü̃ 12:14

Rü yexguma yemaxü̃ nadaugügu ga Parichéugü, rü ínachoxü̃ ga yéma. Rü inanaxügüe nax naxca̱x nadaugüxü̃ nax ñuxãcü tá Ngechuchuxü̃ yama̱xgüxü̃.

Ore i mexü̃ ga Matéu ümatüxü̃ 26:4

Rü yema ngutaque̱xewa nügümaxã nanamexẽẽgü nax womüxẽẽãcüma Ngechuchuxü̃ yayauxgüxü̃ nax yama̱xgüãxü̃ca̱x.

Ore i mexü̃ ga Cuáü̃ ümatüxü̃ 7:1

Rü yemawena ga Ngechuchu rü Gariréaanewa yexmagüne ga ĩanegügu nixũãgüchigü. Rü tama Yudéaanewa nayexmachaü̃ yerü yémacüã̱x ga Yudíugüarü ãẽ̱xgacügü rü naxca̱x nadaugü nax yama̱xgüãxü̃ca̱x.