Ore i mexü̃ ga Cuáü̃ ümatüxü̃ 11:5 - Tupanaarü Ore

⁵ Rü Ngechuchu poraãcü Maríaxü̃ rü Mártaxü̃ rü Lácharoxü̃ nangechaü̃.

Ore i mexü̃ ga Cuáü̃ ümatüxü̃ 11:5 Referans Kwoze

Ore i mexü̃ ga Cuáü̃ ümatüxü̃ 17:26

Rü ngẽma choxna cumugüxü̃maxã marü cuxü̃ chixu nax texé quixĩxü̃. Rü guxü̃gutáma namaxã cuxü̃ chixuecha nax ngẽma ngechaü̃ i namaxã choxü̃ cungechaxü̃xü̃ rü nawa nangẽxmaxü̃ca̱x rü choma rü nawa nax changexmaxü̃ca̱x —ñanagürü ga Ngechuchu.

Ore i mexü̃ ga Cuáü̃ ümatüxü̃ 11:36

Rü yema Yudíugü rü ñanagürügü: —¡Dücax ñuxãcü poraãcü Lácharoxü̃ nangechaü̃! —ñanagürügü.

Ore i mexü̃ ga Cuáü̃ ümatüxü̃ 11:8

Rü norü ngúexü̃gü rü ñanarügügü nüxü̃: —Pa Ngúexẽẽruxü̃x, yexwaca̱xtama nixĩ ga yémacüã̱x ga Yudíugü ga nutamaxã cuxü̃ ínamuxũchigüchaü̃xü̃. ¿Rü tü̱xcüü̃ wena ngéma cuxũxchaü̃ i ñu̱xmax? —ñanarügügü.

Ore i mexü̃ ga Luca ümatüxü̃ 10:38

Rü yexguma Ngechuchu namagu ixũxgu norü ngúexü̃gümaxã, rü wüxi ga ĩanexacüwa nangu. Rü yéma guma ĩanexacüwa rü wüxi ga nge ga Mártagu ãégacü ngĩgüpatawa inanguxẽxe.

Ore i mexü̃ ga Luca ümatüxü̃ 10:40

Natürü ga Márta rü itaarü puracüã̱x rü yemaacü ngĩrü puracüguama irüxĩnü. Rü yemaca̱x Ngechuchuca̱x iyaxũ, rü ngĩgürügü nüxü̃: —Pa Corix, ¿tama ẽ̱xna nagu curüxĩnü i ngẽma nax chataarü puracüã́xü̃ rü ngẽma chaueya̱x rü choxnaxica nax natáãxü̃ i guxü̃ma i ngẽma puracü? ¡Rü namaxã nüxü̃ ixu nax choxü̃ nangü̃xẽxẽxü̃ca̱x! —ngĩgürügü.

Ore i mexü̃ ga Luca ümatüxü̃ 10:41

Natürü Ngechuchu rü ngĩxü̃ nangãxü̃, rü ñanagürü ngĩxü̃: —Pa Mártax, Pa Mártax, cuma rü poraãcü curü puracügu curüxĩnü, rü naxca̱x cuxoegaãxẽ.

Ore i mexü̃ ga Cuáü̃ ümatüxü̃ 11:1

Nayexma ga wüxi ga yatü ga ida̱xawecü ga Lácharogu ãégacü. Rü naeya̱xgü ga María rü Márta rü ĩane ga Betániacüã̱x nixĩgü.

Ore i mexü̃ ga Cuáü̃ ümatüxü̃ 11:3

Rü poraãcü nida̱xawe ga Lácharo. Rü yemaca̱x ga naeya̱xgü, rü Ngechuchuxü̃tawa imugagü, rü ngĩgürügügü: “Pa Corix, cumücü ya Lácharo ya nüxü̃ cungechaü̃cü rü nida̱xawe”, ngĩgürügügü.

Ore i mexü̃ ga Cuáü̃ ümatüxü̃ 11:6

Natürü yexguma nüxü̃ naxĩnügu ga nax yada̱xawexü̃ ga Lácharo, rü tama paxa ínayadau. Rü yema ínayexmaxü̃wa rü taxre ga ngunexü̃ yexma narüxã̱ũ̱xama.