Ore i mexü̃ ga Cuáü̃ ümatüxü̃ 11:44 - Tupanaarü Ore

⁴⁴ Rü ínaxũxũ ga Lácharo ga ina̱i̱xgüchacüücü rü ina̱i̱xgüparacü. Rü wüxi ga naxchirumaxã nayana̱i̱xchametügü. Rü Ngechuchu ñanagürü nüxü̃ ga duü̃xü̃gü: —¡Ípeyawẽgü nax iyaxũxü̃ca̱x! —ñanagürü.

Ore i mexü̃ ga Cuáü̃ ümatüxü̃ 11:44 Referans Kwoze

Ore i mexü̃ ga Cuáü̃ ümatüxü̃ 5:25

Rü aixcüma pemaxã nüxü̃ chixu rü nawa tá nangu i ora rü ñu̱xmatama nixĩ nax Tupana Nanega tá naxĩnüexü̃ i ngẽma duü̃xü̃gü i yuexü̃. Rü yíxema Tupana Nanega ĩnüexe rü tá tamaxẽ.

Ore i mexü̃ ga Cuáü̃ ümatüxü̃ 20:7

Rü nüxü̃ nadau ta ga yema naxchápenüxü̃ ga Ngechuchuxü̃ namaxã nanúquegüxü̃ ga meama dixcumüxü̃ ga nüxrüguma üxü̃. Rü tama wüxigu namaxã nanu ga yema naxchápenüxü̃ ga namaxã nanúquegüaxü̃.

Filipenses 3:21

Rü ñaa taxü̃ne i yuxwa̱xexü̃ rü nüma ya Cristu tá nanaxüchicüxü nax naxü̃ne i üünexü̃rüxü̃ yixĩxü̃ca̱x. Rü ngẽma norü pora i namaxã guxü̃étüwa nangẽxmaxü̃maxã tá nixĩ i naxüchicüüãxü̃ i ngẽma taxü̃ne nax noxrürüxü̃ yixĩxü̃ca̱x.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.

Ore i mexü̃ ga Cuáü̃ ümatüxü̃ 5:21

Rü Nanatü rü ínanadagüxẽxẽ i yuexü̃ rü wena nanamaxẽxẽxẽ. Rü ngẽxgumarüxü̃ ta i Nane rü tüxna nanaxã i maxü̃ ya yíxema natümawa̱xéxe nax tüxna naxãxü̃.

Ore i mexü̃ ga Luca ümatüxü̃ 7:15

Rü yexguma ga gumá yuchire̱xcü rü ínarüto, rü inanaxügü nax yadexaxü̃. Rü Ngechuchu rü naéxü̃tawa nanamu.

1 Chamué 2:6

Rü nüma ya Cori ya Tupana rü duü̃xü̃güna nanayaxu i maxü̃ rü ngẽxgumarüxü̃ tá nüxna nanaxã. Rü wüxi i naxmaxü̃gu nayaxǘcuchi rü ngẽmawa wenaxarü ínanadaxẽxẽ.

Naanearü ügüchiga 1:3

Rü yexguma ga Tupana rü ñanagürü: —¡Nangexma̱x i nangóonexü̃! —ñanagürü. Rü ningóone.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.

Ore i mexü̃ ga Cuáü̃ ümatüxü̃ 19:40

Rü yemaacü ga Yúche rü Nicodému rü curuchawa nanayauxgü ga naxü̃ne ga Ngechuchu. Rü naxchápenüxü̃ ga marü pumaracharaxü̃maxã nananuquegü. Yerü yema nixĩ ga nacüma ga Yudíugü ga yexguma wüxi ga yueta tüxü̃ inata̱xgügu.

Ore i mexü̃ ga Márcu ümatüxü̃ 5:43

Natürü ga Ngechuchu rü poraãcü nüxna nanachu̱xu nax nüxü̃ yaxugüexü̃ca̱x ga yema ngupetüxü̃. Rü ñu̱xũchi nanamu nax ngĩxü̃ naxüwemügüxü̃ca̱x ga yema bucü.

Ochéa 13:14

¿Rü pema nagu perüxĩnüegu nax pexmaxü̃wa tá pexü̃ íchanguxü̃xẽxẽxü̃? ¿Rü pema nagu perüxĩnüegu nax yuwa tá pexü̃ íchanguxü̃xẽxẽxü̃? ¿Rü cumax, Pa Yux, rü ngexü̃ nixĩ i curü pora? ¿Rü cumax, Pa Naxmaxü̃x, rü ngexü̃ nixĩ i curü pora? Rü ñu̱xmax i choma rü marü taxũtáma choxü̃́ nangechaü̃tümüxü̃gü i ñaa duü̃xü̃gü.

Wiyaegü 33:9

Yerü nüma rü norü dexamaxã guxü̃ma naxü. Rü nanamu rü guxü̃ma mea inanu.

Ore i mexü̃ ga Cuáü̃ ümatüxü̃ 20:5

Rü inayarümaxãchi nax nagu yadaucuchixü̃ca̱x. Rü nüxü̃ nadau ga yema naxchápenüxü̃ ga namaxã nanúquegüaxü̃ nax yexma naxüxü̃. Natürü tama aixepegu naxücu.

Ore i mexü̃ ga Cuáü̃ ümatüxü̃ 11:39

Rü Ngechuchu rü ñanagürü: —¡Ípenangũ̱xgachi̱x ya yimá nuta ya namaxã nangũxtaü̃cü! —ñanagürü. Natürü ga Márta ga Lácharoeya̱x rü ngĩgürügü: —Pa Corix, cuxá marü nayixane nixĩ, erü marü ãgümücü i ngunexü̃ naétü nixĩ nax nayuxü̃ —ngĩgürügü.

Ore i mexü̃ ga Luca ümatüxü̃ 19:20

Rü yéma nangu ga to ga norü duü̃xü̃ rü ñanagürü nüxü̃: “Pa Corix, ñaa iyixĩ i curü diẽru. Rü wüxi ya dechugu ngĩxü̃ chanuque, rü ngẽmaãcü ngĩmaxã changuxü̃.

Ore i mexü̃ ga Cuáü̃ ümatüxü̃ 11:43

Rü yexguma yema ñaxguwena, rü tagaãcü ñanagürü: —Pa Lácharox, ¡ínaxũxũ i ngéma! —ñanagürü.