Ore i mexü̃ ga Cuáü̃ ümatüxü̃ 11:41 - Tupanaarü Ore

⁴¹ Rü yexguma ínananguxgachigü ga gumá nuta. Rü Ngechuchu daxũgu nadawenüãcüma ñanagürü: —Pa Chaunatü, moxẽ cuxna chaxã erü marü choxü̃ cuxĩnü.

Ore i mexü̃ ga Cuáü̃ ümatüxü̃ 11:41 Referans Kwoze

Ore i mexü̃ ga Matéu ümatüxü̃ 11:25

Rü yexguma rü ñaãcü nayumüxẽ ga Ngechuchu, rü ñanagürü: “Pa Chaunatü ya Daxũguxü̃ i Naane rü Ñoma i Naanearü Yorax, cuxü̃ chicua̱xüxü̃, erü ñaa chorü ngúexü̃güxü̃ nüxü̃ cucua̱xẽxẽ i ñaa ore i naxcha̱xwa iquicúxü̃ i duü̃xü̃gü i ñoma i naanewa nüxü̃ cua̱xüchigüxü̃.

Ore i mexü̃ ga Cuáü̃ ümatüxü̃ 17:1

Rü yema ñaxguwena rü Ngechuchu daxũgu nadawenü, rü ñanagürü: —Pa Chaunatüx, marü nawa nangu i ngunexü̃ nax duü̃xü̃güarü pecaduca̱x chayuxü̃. Rü chanaxwa̱xe nax duü̃xü̃güxü̃ nüxü̃ cucua̱xẽẽxü̃ nax choma rü aixcüma Cune chixĩxü̃. Rü ngẽmaãcü i choma rü tá nüxü̃ nüxü̃ chacua̱xẽxẽ nax cuma rü aixcüma Tupana nax quixĩxü̃.

Wiyaegü 123:1

Pa Cori Pa Tupana ya Dauxü̃wa Ngẽxmacüx, cuxca̱x chadaunagü nax cumaxã chidexaxü̃ca̱x.

Ore i mexü̃ ga Luca ümatüxü̃ 10:21

Rü yexgumatama ga Tupanaãxẽ ga Üünexü̃ rü poraãcü Ngechuchuxü̃ nataãẽxẽxẽ. Rü ñanagürü ga Ngechuchu: —Pa Chaunatüx, Pa Dauxü̃guxü̃ i Naane rü Ñoma i Naanearü Yorax, cuxü̃ chicua̱xüxü̃, yerü ñaa chorü ngúexü̃güxü̃ nüxü̃ cucua̱xẽxẽ i ngẽma ore ga na̱xcha̱xwa quicúxü̃ i ngẽma duü̃xü̃gü i ñoma i naanewa nüxü̃ cua̱xüchigüxü̃. Rü yemaacü cunaxü, Pa Chaunatüx yerü yemaacü nixĩ ga cunaxwa̱xexü̃ —ñanagürü.

Filipenses 4:6

¡Rü taxuca̱xma penaxĩ̱xãchiãẽgü! ¡Rü perü yumüxẽwa Tupanamaxã nüxü̃ pixu i guxü̃ma i ngẽma pexü̃ ngupetüxü̃! ¡Rü naxca̱x ípeca rü moxẽ nüxna pexã!

Ore i mexü̃ ga Luca ümatüxü̃ 18:13

Natürü ga gumá yatü ga Rómaarü ãẽ̱xgacüca̱x diẽru ngĩxü̃ decü, rü yáxü̃gu narüxã̱ũ̱x. Rü namuü̃ ga daxũ nax nadawenüxü̃, rü yema norü ngechaü̃maxã nügü napaxremü, rü ñanagürü: “Pa Tupanax, ¡Cuxü̃́ changechaü̃tümüxü̃! Erü wüxi i pecaduã́xü̃ chixĩ”, ñanagürü ga gumá yatü.

Ore i mexü̃ ga Matéu ümatüxü̃ 11:26

Rü moxẽ cuxna chaxã, Pa Chaunatüx, erü cuma cunaxwa̱xe nax ngẽmaãcü cunaxüxü̃”, ñanagürü.

Ore i mexü̃ ga Matéu ümatüxü̃ 27:60

Rü yema naxmaxü̃ ga yexwaca̱xüxü̃ ga Yúche nügüca̱xtama yacaxmaxẽẽxü̃ ga nuta ga taxüchicügu, rü yemagu nayaxǘcuchi ga Ngechuchuxü̃ne. Rü ñu̱xũchi nanangũxtaü̃ namaxã ga wüxi ga nuta ga taxüchicü. Rü yemawena rü ínixũ.

Ore i mexü̃ ga Márcu ümatüxü̃ 15:46

Rü yexguma ga Yúche rü naxca̱x nataxe ga wüxi ga naxchápenüxü̃ ga línuchinaxca̱x. Rü curuchawa nanaxüe ga Ngechuchuxü̃ne, rü yema naxchápenüxü̃maxã nananuque. Rü wüxi ga nuta ga tacü ga ü̃paacü yacaxmaü̃cügu nayanaxücuchi. Rü ñu̱xũchi wüxi ga nuta ga tacümaxã nanangutaü̃.

Ore i mexü̃ ga Luca ümatüxü̃ 24:2

Rü yexguma yéma nangugügu, rü nüxü̃ iiyangaugü ga marü nax ínaxügachixü̃ ga gumá nuta ga naxmaxü̃arü ngũxtaruxü̃.

Ore i mexü̃ ga Cuáü̃ ümatüxü̃ 11:22

Natürü choma nüxü̃ chacua̱x rü woo i ñu̱xma nax nayuxü̃, rü Tupana tá cuxna nanaxã i guxü̃ma i ta̱xacü i naxca̱x ícuca̱xaxü̃ —ngĩgürügü.

Ore i mexü̃ ga Cuáü̃ ümatüxü̃ 20:1

Rü yüxüarü pa̱xmamaxü̃chi ga tauta mea yangóonegu, rü María ga Madarénacüã̱x rü Ngechuchuxü̃ íyaxǘcuchigüxü̃wa ixũ. Rü nüxü̃ idau ga gumá nuta ga Ngechuchumaxü̃ namaxã rünguxtaü̃cü, rü marü nax ínaxügachixü̃.

Ngechuchuarü ngúexü̃gü ga yamugüxü̃arü puracüchiga 7:55

Natürü ga Estébaü̃ rü aixcüma Tupanaãxẽ ya Üünecü nawa nayexma. Rü daxũ nadawenü, rü nüxü̃ nadau ga Tupanaarü üüne. Rü nüxü̃ nadau ga Ngechuchu ga Tupanaarü tügünecüwagu chicü.