Ore i mexü̃ ga Cuáü̃ ümatüxü̃ 11:3 - Tupanaarü Ore

³ Rü poraãcü nida̱xawe ga Lácharo. Rü yemaca̱x ga naeya̱xgü, rü Ngechuchuxü̃tawa imugagü, rü ngĩgürügügü: “Pa Corix, cumücü ya Lácharo ya nüxü̃ cungechaü̃cü rü nida̱xawe”, ngĩgürügügü.

Ore i mexü̃ ga Cuáü̃ ümatüxü̃ 11:3 Referans Kwoze

Ore i mexü̃ ga Cuáü̃ ümatüxü̃ 11:5

Rü Ngechuchu poraãcü Maríaxü̃ rü Mártaxü̃ rü Lácharoxü̃ nangechaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 3:19

Choma rü tüxü̃ chaxucu̱xẽ rü tüxü̃ ichayarüwe̱xãchixẽxẽ ya guxãma ya yíxema tüxü̃ changechaü̃xẽ. Rü ngẽmaca̱x name nixĩ i nüxü̃ curüxo i cucüma i chixexü̃ rü Tupanaca̱x cutaegu.

Norü taxre ga popera ga Timutéuca̱x naxümatüxü̃ ga Pauru 4:20

Erástu rü ĩane ga Coríntiugu narüxã̱ũ̱x. Rü Trófimu rü ida̱xawexü̃ma ĩane ga Mirétuwa chanata̱x.

Ore i mexü̃ ga Cuáü̃ ümatüxü̃ 13:23

Rü wüxi ga norü ngúexü̃ ga poraãcü nüxü̃ nangechaü̃xü̃ rü yexguma nachibüeyane rü Ngechuchucüwawa narüto.

Ore i mexü̃ ga Cuáü̃ ümatüxü̃ 11:36

Rü yema Yudíugü rü ñanagürügü: —¡Dücax ñuxãcü poraãcü Lácharoxü̃ nangechaü̃! —ñanagürügü.

Ore i mexü̃ ga Cuáü̃ ümatüxü̃ 11:11

Rü yemawena ga Ngechuchu rü ñanagürü nüxü̃: —Tamücü ya Lácharo rü napemare. Natürü i ñu̱xma rü tá chayabaixãchixẽxẽ —ñanagürü.

Wiyaegü 16:3

Rü ngẽma duü̃xü̃gü i cuxü̃́ yaxõgüxü̃ rü naporae, rü choma rü aixcüma namaxã chataãxẽ.

Naanearü ügüchiga 22:2

Rü Tupana rü ñanagürü nüxü̃: —¡Íyaga ya cune ya Ichaá ya nügümaxã wüxicacü rü poraãcü nüxü̃ cungechaü̃cü! ¡Rü yéa Moríaanewa namaxã naxũ! Rü ngẽxguma ngéma cunguxgu rü chanaxwa̱xe i ngẽxma cha̱u̱xca̱x cuyama̱x rü cuyagu nagu ya yima ma̱xpǘne ya choma tá cumaxã nüxü̃ chaxunetane —ñanagürü.

Ore i mexü̃ ga Cuáü̃ ümatüxü̃ 11:1

Nayexma ga wüxi ga yatü ga ida̱xawecü ga Lácharogu ãégacü. Rü naeya̱xgü ga María rü Márta rü ĩane ga Betániacüã̱x nixĩgü.

Ore i mexü̃ ga Luca ümatüxü̃ 7:13

Rü yexguma Cori ga Ngechuchu gumá yucüarü mamaxü̃ da̱u̱xgu, rü nüxü̃́ ingechaü̃tümüxü̃. Rü ñanagürü ngĩxü̃: —¡Taxṹ i cuxaxuxü̃! —ñanagürü.

Ore i mexü̃ ga Cuáü̃ ümatüxü̃ 11:2

Rü yema María iyixĩ ga Cori ga Ngechuchucutügu pumara bacü rü ñu̱xũchi ngĩyaemaxã ínapicutücü. Rü gumá Lácharo ga ida̱xawecü nixĩ ga ngĩenexẽ.

Ore i mexü̃ ga Cuáü̃ ümatüxü̃ 11:21

Rü Márta rü ngĩgürügü nüxü̃ ga Ngechuchu: —Pa Corix, yexguma chi cuma cunuma̱xgu rü taxũchima nayu ga chauenexẽ.

Ore i mexü̃ ga Cuáü̃ ümatüxü̃ 13:13

Pema rü: “Pa Ngúexẽxẽruxü̃”, rü “Pa Corix”, ñaperügü choxü̃. Rü marü name i ngẽma ñaperügü, erü aixcüma ngẽma chixĩ.