Ore i mexü̃ ga Cuáü̃ ümatüxü̃ 11:25 - Tupanaarü Ore

²⁵ Rü yexguma ga Ngechuchu rü ñanagürü: —Choma nixĩ i íchanadagüxẽẽxü̃ i yuexü̃gü, rü wena chanamaxẽxẽẽxü̃. Rü yíxema choxü̃́ yaxṍxe rü woo tayu̱xgu rü tá wenaxarü tamaxü̃.

Ore i mexü̃ ga Cuáü̃ ümatüxü̃ 11:25 Referans Kwoze

1 Tesalonicenses 4:14

Rü yixema nax yaxõgüxü̃ nax Ngechuchu nayuxü̃ rü wena namaxü̃xü̃, rü ngẽxgumarüxü̃ ta tayaxõgü nax Tupana tá wüxigu Ngechuchumaxã ínadagüxẽxẽxü̃ i guxü̃ma i ngẽma nüxü̃́ yaxõgüãcüma yuexü̃.

Ore i mexü̃ ga Cuáü̃ ümatüxü̃ 3:36

Rü yíxema Tupana Naneaxü̃́ yaxṍxe rü tüxü̃́ nangẽxma i maxü̃ i taguma gúxü̃. Natürü yíxema tama nüxü̃́ yaxõxchaü̃xẽ ya Tupana Nane, rü taxũtáma tüxü̃́ nangẽxma i ngẽma maxü̃ i taguma gúxü̃. Natürü tá tanayaxu i ngẽma ãũcümaxü̃ i poxcu ya Tupana tá namaxã tüxü̃ poxcuxü̃ —ñanagürü ga Cuáü̃ ga baiü̃ẽẽruxü̃.

Ore i mexü̃ ga Cuáü̃ ümatüxü̃ 1:4

Rü Nane nixĩ i namaxẽxẽẽãxü̃ i guxü̃ma i ñu̱xma maxẽxü̃. Rü ngẽma norü maxü̃ rü omü i duü̃xü̃güca̱x nangóonexẽẽxü̃ nixĩ.

Ore i mexü̃ ga Cuáü̃ ümatüxü̃ 5:21

Rü Nanatü rü ínanadagüxẽxẽ i yuexü̃ rü wena nanamaxẽxẽxẽ. Rü ngẽxgumarüxü̃ ta i Nane rü tüxna nanaxã i maxü̃ ya yíxema natümawa̱xéxe nax tüxna naxãxü̃.

Ore i mexü̃ ga Cuáü̃ ümatüxü̃ 6:44

Taxúema chauxü̃tawa tangu ega tama choxna tüxü̃ namuxgu ya Chaunatü ga gumá núma choxü̃ mucü. Rü texé ya chauxü̃tawa ngugüxe rü choma rü tá wena tüxü̃ chamaxẽxẽxẽ i naanearü gu̱xgu.

Ichaía 26:19

Natürü curü duü̃xü̃gü tixĩgü rü woo tanoxree̱xpü̱x i ñu̱xmax, natürü wena tá timu. Rü woo togü tomaxã inacua̱x i ñaa naanewa, natürü wüxi i ngunexü̃ tá nüxna ítanguxü̃ rü taãẽmaxã tá tawiyaegü. Rü cuma rü tá toxü̃ quimuxẽxẽ rü maxü̃ tá toxna cuxã ñoma cherena rü pa̱xmama tonetüna maxü̃ ãxü̃rüxü̃.

Romanos 8:2

Erü Tupanaãxẽ ya Üünecü ya Ngechuchu ya Cristugagu tüxü̃ maxẽxẽẽxü̃, rü nüxna tüxü̃ ínanguxü̃xẽxẽ i pecadu nax tama yuwa tüxü̃ nagagüxü̃ca̱x.

Ore i mexü̃ ga Cuáü̃ ümatüxü̃ 6:35

Rü Ngechuchu ñanagürü nüxü̃: —Choma nixĩ i ngẽma paũ i maxẽxẽẽruxü̃ chixĩxü̃. Rü yíxema texé ya chowe rüxũxẽ rü tagutáma tataiya. Rü texé ya choxü̃́ yaxṍxe rü tagutáma tita̱xawa.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:4

Rü nüma tá ínanapi i naxgüü̃xẽtü i guxü̃ma i ngẽma duü̃xü̃gü. Rü marü taxũtáma texé tayu, rü taxũtáma texé tümaarü ngechaü̃maxã taxaxu, rü taxũtáma texé ngúxü̃ tingegü. Erü guxü̃ma ga yema noxri yexmaxü̃ rü marü inayarüxo”, ñanagürü.

Filipenses 3:10

Rü ngẽma ñu̱xma chanaxwa̱xexü̃ nixĩ nax aixcüma Cristuxü̃ chacuáxü̃ rü chowa nax nangẽxmaxü̃ i Tupanaarü pora ga wena Cristuxü̃ írüdaxẽẽxü̃. Rü yema ngúxü̃ nax yangexü̃ ga nüma rü nax nayuxü̃ rü ngẽxgumarüü̃tama i choma rü íchamemare nax naxca̱x ngúxü̃ chingexü̃ rü naxca̱x chayuxü̃ nax yixcaama choma rü ta yuwa ícharüdaxü̃ca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 20:5

Rü yemagü nixĩ ga nüxíra írüdagüxü̃. Natürü ga yema togü ga yuexü̃ rü taxũtá wena namaxẽ ñu̱xmatáta yimá 1,000 ya taunecüguwena.

Ngechuchuarü ngúexü̃gü ga yamugüxü̃arü puracüchiga 3:15

Rü yemaacü pematama peyama̱xgü ga gumá Ngechuchu ya tüxü̃ maxẽxẽẽcü. Natürü ga Tupana rü wena nanamaxẽxẽ. Rü toma nixĩ ga nüxü̃ tadaugüxü̃ ga wena nax namaxü̃xü̃.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Ore i mexü̃ ga Cuáü̃ ümatüxü̃ 5:26

Nüma ya Nanatü rü nüxü̃́ nangẽxma i pora nax namaxẽxẽẽãxü̃ca̱x i duü̃xü̃gü. Rü ngẽma pora rü Nanena nanaxã nax nüma rü ta duü̃xü̃güxü̃ namaxẽxẽxẽxü̃ca̱x.

Wiyaegü 36:9

Rü cuma nixĩ i maxü̃arü yora quixĩxü̃. Rü cuma nixĩ i toxca̱x cunangóonexẽẽxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:17

Rü Tupanaãxẽ ya Üünecü rü guxü̃ma i yaxõgüxü̃, rü Ngechuchuxü̃ ñanagürügü: “¡Nua naxũ!” ñanagürügü. Rü yíxema nüxü̃ ĩnüxe i ñaa ore, rü: “¡Nua naxũ!” ñatagügü. Rü yíxema ita̱xawaxe rü tüxü̃́ nachi̱xégaxe, rü name nixĩ i nua taxũ rü tüxü̃́ nangetanüãcüma nawa taxaxe i ngẽma dexá i maxẽẽruxü̃.

Ore i mexü̃ ga Cuáü̃ ümatüxü̃ 14:19

Rü paxa tá nixĩ nax taxũtáma choxü̃ nadaugüxü̃ i ñoma i naanecüã̱x i duü̃xü̃gü. Natürü i pema rü tá choxü̃ pedaugü. Rü choma rü chamaxü̃ rü ngẽmaca̱x tá pemaxẽ i pema.

Ichaía 38:16

Rü yíxema Cori ya Tupana tüxna dauxe rü tá tamaxẽ, rü guxü̃ma i ngẽmatanüwa tá nixĩ i chamaxü̃xü̃ i chomax. Rü cuma nixĩ i cha̱u̱xca̱x cuyataanexẽẽxü̃ rü cha̱u̱xca̱x cunataeguxẽẽxü̃ i ngẽma chorü maxü̃.

Filipenses 1:23

Rü ngẽmaca̱x tama nüxü̃ chacua̱x nax ta̱xacü yixĩxü̃ i cha̱u̱xca̱x rümemaexü̃ i ngẽma taxrewa. Erü ñuxguacü rü chanaxwa̱xe nax chayuxü̃ nax Cristuxü̃tawa changexmaxü̃ca̱x. Rü ngẽma nixĩ i aixcüma yexera rümemaexü̃ i cha̱u̱xca̱x.

Yema Cuáü̃ nüxü̃ dauxü̃ i yixcüra tá ngupetüxü̃chiga 22:1

Rü ñu̱xũchi ga yema orearü ngeruxü̃ rü choxü̃ nüxü̃ nadauxẽxẽ ga wüxi ga natü ga ñoma bídriurüxü̃ ichipetüchiüxü̃ ga dexá ga maxẽẽruxü̃ nawa yexmaxü̃. Rü yema natü rü Tupanaarü tochicaxü̃wa rü yimá Carnéruxacüarü tochicaxü̃wa nixĩ ga ne nadaxü̃.

2 Corintios 4:14

Rü nüxü̃ tacua̱x rü Tupana ga yuwa Cori ya Ngechuchuxü̃ írüdaxẽẽcü, rü yimátama Tupana tá nixĩ ya wüxigu Ngechuchumaxã yuwa toxü̃ írüdagüxẽẽcü. Rü wüxigu pemaxã tá nügüxü̃tawa toxü̃ nagagüxü̃.

Romanos 4:17

Rü Tupanaarü ore i ümatüxü̃wa rü Abraáü̃chigaxü̃ nixu rü ñanagürü: “Muxü̃ma i duü̃xü̃günatü tá cuxü̃ chixĩxẽxẽ”, ñanagürü. Rü Abraáü̃ rü Tupanaaxü̃́ nayaxõ, rü yemaca̱x Tupana nayanguxẽxẽ ga norü uneta ga namaxã nüxü̃ yaxuxü̃. Rü yimá Tupana nixĩ ya wena namaxẽxẽẽcü i yuexü̃. Rü yimátama nixĩ ya naxücü i ngẽma woo ñu̱xma taxuxü̃.

Ore i mexü̃ ga Luca ümatüxü̃ 23:43

Rü Ngechuchu nanangãxü̃ rü ñanagürü: —Aixcüma cumaxã nüxü̃ chixu rü ñomatátama i ngunexü̃gu chomaxã cungexma i daxũguxü̃ i naanewa —ñanagürü.

1 Corintios 15:29

Rü nangẽxma i ñuxre i duü̃xü̃gü i petanüwa i Tupanaégagu yuexü̃chicüü íbaiü̃xü̃. ¿Rü tü̱xcüü̃ ngẽma naxügü? Rü ngẽxguma chi tama wena namaxẽgu i duü̃xü̃gü i yuexü̃, ¿rü tü̱xcüü̃ ngẽma yuexü̃chicüü ínabaiü̃?

1 Corintios 15:18

Rü chi aixcüma yixĩxgu nax tama wena namaxẽxü̃ i duü̃xü̃gü, rü ngẽma duü̃xü̃gü i Cristuaxü̃́ yaxõgüxü̃ i marü yuexü̃, rü chi ta taxũchima nüxü̃́ nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 3:16

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 1:18

Rü ñu̱xma rü chamaxü̃. Rü woo chayu, natürü ñu̱xma chamaxü̃ nax guxü̃gutáma chamaxechaxü̃ca̱x. Rü choma nixĩ i namaxã ichacuáxü̃ i ngẽma yu, rü namaxã ichacua̱x i ngẽma nachica i yuexü̃ nawa ngẽxmagüxü̃.