Ore i mexü̃ ga Cuáü̃ ümatüxü̃ 11:21 - Tupanaarü Ore

²¹ Rü Márta rü ngĩgürügü nüxü̃ ga Ngechuchu: —Pa Corix, yexguma chi cuma cunuma̱xgu rü taxũchima nayu ga chauenexẽ.

Ore i mexü̃ ga Cuáü̃ ümatüxü̃ 11:21 Referans Kwoze

Ore i mexü̃ ga Cuáü̃ ümatüxü̃ 11:32

Rü yexguma Ngechuchuxü̃tawa nanguxgu ga María, rü nape̱xegu iyacaxã́pü̱xü, rü ngĩgürügü: —Pa Corix, yexguma chi cuma cunuxmagu rü taxũchima nayu ga chauenexẽ ya Lácharo —ngĩgürügü.

Ore i mexü̃ ga Matéu ümatüxü̃ 9:18

Rü yexguma ínangúexẽẽtaeyane ga Ngechuchu, rü naxü̃tawa nangu ga wüxi ga Yudíugüarü ãẽ̱xgacü. Rü Ngechuchupe̱xegu nayacaxã́pü̱xü, rü ñanagürü nüxü̃: —Pa Corix, chauxacü rü ngexwaca iyu. Natürü ngẽxguma chi ngéma cuxũxgu rü ngĩxü̃ quingõgügu, rü wena chixarü imaxü̃ —ñanagürü.

Nüxíraxü̃xü̃ ga popera ga ãẽ̱xgacügüchiga 17:18

Rü yexguma ga ngĩma ga yema yutecü rü Eríaxü̃ ngĩgürügü: —¿Ta̱xacü chomaxã cuxü, Pa Tupanaarü Orearü Ngeruxü̃x? ¿Rü nua cuxũ nax choxna nüxü̃ cucua̱xãchixẽẽxü̃ i chorü chixexü̃gü rü ngẽmagagu cunayuxẽẽxü̃ ya chaunex? —ngĩgürügü.

Ore i mexü̃ ga Cuáü̃ ümatüxü̃ 11:37

Natürü ñuxre ga yema Yudíugü rü ñanagürügü: —Daa nixĩ ga gumá yatü ga ngexetücüxü̃ rümexẽẽcü. ¿Rü tü̱xcüü̃ taxucürüwa ta̱xacürü mexü̃ Lácharoca̱x naxü nax tama nayuxü̃ca̱x? —ñanagürügü.

Wiyaegü 78:19

Rü chixri Tupanachiga nidexagü rü ñanagürügü: —¿Ẽ̱xna Tupanaaxü̃́ natauxchaxü̃ nax tüxna naxããxü̃ i õna i mexü̃ i nua chianexü̃wa?

Wiyaegü 78:41

Natürü wenaxarü nüxü̃ naxügüxü̃ rü yemaacü poraãcü nanangechaü̃xẽẽgü ya yimá Iraétanüxü̃arü Tupana ya Üünecü.

Ore i mexü̃ ga Cuáü̃ ümatüxü̃ 11:2

Rü yema María iyixĩ ga Cori ga Ngechuchucutügu pumara bacü rü ñu̱xũchi ngĩyaemaxã ínapicutücü. Rü gumá Lácharo ga ida̱xawecü nixĩ ga ngĩenexẽ.

Ore i mexü̃ ga Cuáü̃ ümatüxü̃ 11:3

Rü poraãcü nida̱xawe ga Lácharo. Rü yemaca̱x ga naeya̱xgü, rü Ngechuchuxü̃tawa imugagü, rü ngĩgürügügü: “Pa Corix, cumücü ya Lácharo ya nüxü̃ cungechaü̃cü rü nida̱xawe”, ngĩgürügügü.