Ore i mexü̃ ga Cuáü̃ ümatüxü̃ 11:19 - Tupanaarü Ore

¹⁹ Rü muxü̃ma ga Yudíugü rü Lácharoeya̱x ga Márta rü Maríaxü̃tawa naxĩ nax ngĩxü̃ yataãẽxẽẽgüaxü̃ca̱x, yerü nayu ga ngĩenexẽ.

Ore i mexü̃ ga Cuáü̃ ümatüxü̃ 11:19 Referans Kwoze

Yox 2:11

Rü nüma ga Yox rü nüxü̃́ nayexma ga tomaepü̱x ga namücügü, rü wüxi rü Erifá ga Temáü̃anecüã̱x ixĩxü̃, rü to rü Biridá ga Chúaanecüã̱x ixĩxü̃, rü yema to rü Chofá ga Naamáxanecüã̱x ixĩxü̃. Rü yexguma nüxü̃ naxĩnüechigagu ga naguxü̃raü̃xü̃ ga guxchaxü̃gü nüxü̃ nax ngupetüxü̃ ga Yox, rü wüxigu naxü̃tawa naxĩ nax nataãẽgüxẽẽãxü̃ca̱x rü yaxümücügüãxü̃ca̱x nawa ga yema ngúxü̃ nax yangexü̃.

Ore i mexü̃ ga Cuáü̃ ümatüxü̃ 11:31

Rü Maríapatawa nayexma ga ñuxre ga yémacüã̱x ga Yudíugü ga ngĩxü̃ yéma taãẽxẽẽgüxü̃. Rü yexguma ngĩxü̃ nadaugügu ga paxa nax inachixü̃ nax ínaxũxũxü̃, rü ngĩwe narüxĩ. Yerü nüma nüxü̃ nacua̱xgügu rü yéma Lácharo itáxü̃wa ixũ nax yéma yaxaxuxü̃ca̱x.

1 Tesalonicenses 5:11

Rü ngẽmaca̱x, Pa Chauenexẽgüx, rü name nixĩ i wüxichigü pegü petaãẽxẽẽgü rü pegü peporaexẽxẽ i perü õwa ngẽxgumarüxü̃ i ñu̱xma nax marü ípenaxügüxü̃.

1 Tesalonicenses 4:18

Rü ngẽmaca̱x chanaxwa̱xe i ñaa oremaxã pegü petaãẽxẽẽgü.

2 Corintios 1:4

Rü ngẽxguma ngúxü̃ tingegügu, rü nüma ya Tupana nixĩ i toxü̃ nataãẽxẽẽxü̃ nax toma rü ta tanataãẽxẽẽgüxü̃ca̱x i ngẽma ngúxü̃ ingegüxü̃. Rü ngẽmatama taãxẽ ya Tupana toxna naxãxü̃maxã tanataãẽxẽẽgü i ngẽma togü.

Romanos 12:15

¡Rü wüxigu tümamaxã petaãxẽgü ya yíxema taãxẽgüxe! ¡Rü wüxigu tümamaxã pexauxe ya yíxema ngechaü̃güxe rü auxexe!

Auxexü̃chiga 2:13

¿Rü ta̱xacügu tá cuxü̃ changu rüe̱xna ta̱xacümaxã yixĩxü̃ i cuwüxiguxü̃, Pa Mexẽchine ya Ĩane ya Yerucharéü̃x? ¿Rü ta̱xacürü cua̱xruxü̃ tá cuxü̃ chawe̱x nax cuxü̃ chataãẽxẽẽxü̃ca̱x, Pa Ĩane ya Mexẽchine ya Chióü̃x? Rü yema chixexü̃ ga cuxü̃ ngupetüxü̃ rü nataxüchi ñoma már i taxüchixü̃rüxü̃. ¿Rü texé tá cuxca̱x tayataanexẽxẽ nawa i ngẽma ngúxü̃ i quingexü̃?

Auxexü̃chiga 1:21

Rü guxü̃ma ga duü̃xü̃gü rü choxü̃ naxĩnüe ga nax chaxaxuxü̃, natürü tataxuma nax texé choxü̃ yataãẽxẽẽxü̃. Rü guxü̃ma i ngẽma chorü uanügü rü nüxü̃ nacua̱xgü nax ngúxü̃ choxü̃ quingexẽẽxü̃, Pa Chorü Corix. Rü ngẽmaca̱x nataãẽgü. ¡Rü naxca̱x ínanguxẽxẽ i ngẽma poxcu i namaxã cuxueguxü̃ nax nümagü rü ta chaurüxü̃ ngúxü̃ yangegüxü̃ca̱x!

Auxexü̃chiga 1:16

Rü ngẽma ñu̱xma choxü̃ ngupetüxü̃ rü choxü̃ naxauxẽxẽ. Rü chauxetügü rü chauxgüxü̃etümaxã nanapagü. Rü taxúema texé choxü̃ tataãẽxẽxẽ rü choxü̃ tayaporaxẽxẽ. Rü chauchicawa nawogü i chauxacügü yerü torü uanügü rü toxü̃ narüporamae”, ñanagürü ga guma ĩane ga Yerucharéü̃.

Auxexü̃chiga 1:9

Rü daa ĩanecüã̱x rü chixexü̃na nügü naxãgü rü tama nagu narüxĩnüe nax yixcüra ya Tupana rü tá ngẽma norü chixexü̃ca̱x napoxcuexü̃. Rü wüxi i taxü̃ i ngechaü̃ nixĩ nax ñuxãcü poraãcü chixexü̃gu nayixü̃. Rü nataxuma i texé nax nataãẽxẽẽxü̃. Rü ñu̱xma ya daa ĩanecüã̱x rü Tupanaxü̃ ñanagürügü: “Dücax, Pa Corix, nax poraãcü toxü̃ nacugüexü̃ i ngẽma torü uanügü i nügü írütagüxü̃”, ñanagürügü.

Auxexü̃chiga 1:2

Rü daa ĩanecüã̱x rü ñu̱xma rü poraãcü ngechaü̃ nüxü̃́ nangu̱x, rü chütacü rü naxauxe. Rü guxü̃ma ga yema nachixü̃anegü ga noxri daa ĩane nüxü̃́ ngúchaü̃güxü̃tanüwa rü nataxuma i wüxi i nataãẽxẽẽxü̃ rü bai i wüxi. Rü guxü̃ma ga yema nachixü̃anegü ga noxri daa ĩanemaxã ãmücügüxü̃ rü ñu̱xma rü tama ínanapoxü̃gü rü norü uanügü nügü nixĩgüxẽxẽ.

Yox 42:11

Rü yexgumawena rü guxü̃ma ga naenexẽgü rü naeya̱xgü rü namücügü rü guxü̃ma ga yema duü̃xü̃gü ga ü̃paacü nüxü̃ cua̱xgüxü̃ rü Yoxü̃tawa naxĩ. Rü nachiü̃wa rü namaxã nanaxügü ga wüxi ga taxü̃ ga õna. Rü wüxigu nanataãẽgüxẽxẽ nax tama nagu naxĩnüxü̃ ga yema ngúxü̃ rü guxchaxü̃gü ga Tupana nüxü̃ ingexẽẽxü̃. Rü wüxichigü ga nüma ga yema namücügü rü nüxna ngĩxü̃ nixãchigü ga ñuxre ga diẽru rü wüxi ga ãnera ga úirungixca̱x.

2 Chamué 10:2

Rü nüma ga Naáx rü Dabímaxã namecüma, rü yemaca̱x Dabí nagu narüxĩnü nax yexgumarüxü̃ ta Naáx nane ga Anúü̃maxã namecümaxü̃. Rü yemaca̱x ga Dabí rü ñuxre ga norü churaragüeruxü̃ Anúü̃xü̃tawa namugü nax yataãẽxẽẽgüaxü̃ca̱x nawa ga norü ngechaü̃ nax nanatü yuxü̃. Natürü yexguma Dabíarü churaragüerugü yéma Amóü̃tanüxü̃arü naanewa ngugügu, rü nümagü ga Amóü̃tanüxü̃arü churaragüerugü rü norü ãẽ̱xgacü ga Anúü̃xü̃ ñanagürügü: —¿Ẽ̱xna cuma i nüxü̃́ cuyaxõxü̃, Pa Ãẽ̱xgacüx, nax ngẽma yatügü i Dabí nua mugüxü̃ rü aixcüma yixĩxü̃ i curü taãẽxẽẽwa nua naxĩxü̃? Ngẽma nawa nua namugüãxü̃ nixĩ nax tórü ĩane nax iyadauxgüxü̃ rü nangugüãxü̃ nax yixcama rü nagu nachocuxü̃ca̱x rü tüxü̃ nada̱i̱xü̃ca̱x —ñanagürügü.

Naanearü ügüchiga 37:35

Rü guxü̃ma ga nanegü rü naxacügü rü nanataãẽxẽxẽgütaa̱x. Natürü ga nüma rü tama nüxü̃́ nanayaxu. Rü naneca̱x naxauxama, rü ñanagürü: —Chauneca̱x tá chaxaure ñu̱xmatáta chayu̱x rü naxü̃tawa changu —ñanagürü.

Ichaía 51:19

Ñaa ga taxre ga guxchaxü̃ petanügu nangu, rü perü uanügü nagu napogüe ga pechixü̃ane rü nanadeãcu, rü petanüxü̃ rü daigu rü taiyamaxã nayue. ¿Rü texéaxü̃́ tá ipexauxãchitümüxü̃güxü̃? ¿Rü texé tá pexü̃ taãxẽxẽxẽxü̃?

Ngu̱xẽẽtaeruü̃arü ore 7:2

Rü ngẽma nax wüxi i petawa ixũxü̃arü yexera rümemaexü̃ nixĩ nax wüxi ya yuxeta tüxü̃ íyarüdauxü̃. Erü ngẽma yugu nixĩ i yacuáxü̃ i guxü̃ma i duü̃xü̃güarü maxü̃. Rü ngẽma maxẽxü̃ rü name nax nügügu naxĩnüexü̃ nax wüxi i ngunexü̃ rü nüma rü tá ta nayuxü̃.

1 Chamué 31:13

Rü ñu̱xũchi nanade ga naxchina̱xãgü rü wüxi ga naixtüxü̃gu nanata̱xgü. Rü marü yema naxügüguwena rü 7 ga ngunexü̃ naxauree.

Ore i mexü̃ ga Luca ümatüxü̃ 10:39

Rü Martaaxü̃́ iyexma ga wüxi ga ngĩeya̱x ga Maríagu ãégacü. Rü ngĩma rü Ngechuchucutüxü̃tawa irüto nax inaxĩnüxü̃ca̱x ga Ngechuchuarü ore.

Ore i mexü̃ ga Luca ümatüxü̃ 10:42

Natürü wüxixicatama nixĩ i guxü̃arü yexera i mexü̃ nax nagu curüxĩnüxü̃. Rü María iyixĩ i nayaxucü i ngẽma rümemaxü̃. Rü taxúetama tá ngĩxna tayanuxü̃ i ngẽma —ñanagürü ga Ngechuchu.

Ore i mexü̃ ga Cuáü̃ ümatüxü̃ 1:19

Rü yema Yudíugüarü ãẽ̱xgacügü ga Yerucharéü̃cüã̱x rü Cuáü̃ ga baiü̃ẽẽruü̃xü̃tawa nanamugü ga chacherdótegü rü Lebítanüxü̃ nax nüxna yacagüexü̃ca̱x nax texe yixĩxü̃ ga nümax.

Ore i mexü̃ ga Cuáü̃ ümatüxü̃ 11:1

Nayexma ga wüxi ga yatü ga ida̱xawecü ga Lácharogu ãégacü. Rü naeya̱xgü ga María rü Márta rü ĩane ga Betániacüã̱x nixĩgü.

Ore i mexü̃ ga Cuáü̃ ümatüxü̃ 11:8

Rü norü ngúexü̃gü rü ñanarügügü nüxü̃: —Pa Ngúexẽẽruxü̃x, yexwaca̱xtama nixĩ ga yémacüã̱x ga Yudíugü ga nutamaxã cuxü̃ ínamuxũchigüchaü̃xü̃. ¿Rü tü̱xcüü̃ wena ngéma cuxũxchaü̃ i ñu̱xmax? —ñanarügügü.

Ore i mexü̃ ga Cuáü̃ ümatüxü̃ 11:33

Rü yexguma Ngechuchu ngĩxü̃ da̱u̱xgu ga nax naxaxuxü̃ rü nax naxauxexü̃ ga yema Yudíugü ga ngĩwe rüxĩxü̃, rü poraãcü ngechaü̃ nüxü̃́ nangu̱x.

Ore i mexü̃ ga Cuáü̃ ümatüxü̃ 11:36

Rü yema Yudíugü rü ñanagürügü: —¡Dücax ñuxãcü poraãcü Lácharoxü̃ nangechaü̃! —ñanagürügü.

Ore i mexü̃ ga Cuáü̃ ümatüxü̃ 11:45

Rü yema Yudíugü ga Maríawe rüxĩxü̃ rü nüxü̃ nadaugü ga yema Ngechuchu üxü̃, rü muxü̃ma nüxü̃́ nayaxõgü ga yexguma nüxü̃ nadaugügu ga yema naxüxü̃.