Ore i mexü̃ ga Cuáü̃ ümatüxü̃ 11:18 - Tupanaarü Ore

¹⁸ Rü gumá Betánia rü Yerucharéü̃arü ngaicamana nayexma. Rü tomaepü̱x ga quirumétru nixĩ ga norü yáxü̃.

Ore i mexü̃ ga Cuáü̃ ümatüxü̃ 11:18 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 14:20

Rü ĩanearü ĩxpemawa nayama̱i̱xtüxü̃. Rü yema naxpáü̃wa ínagoxochi ga nagü. Rü gumá nagü rü 300 ga quirumétru narübaichi, rü wüxi ga metruarü ngãxü̃ nixĩ ga norü mátama ga gumá nagü.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:16

Rü guma ĩane rü nawüxigumare ga guxü̃cüwawa. Rü norü ma̱x rü nawüxigumare namaxã ga norü tatachinü. Rü yema orearü ngeruxü̃ rü yema úirumena̱xãmaxã nanangugü ga guma ĩane. Rü 2,200 quirumétru nixĩ ga norü ma̱x. Rü yexgumarüxü̃ ta 2,200 quirumétru nixĩ ga norü tatachinü. Rü 2,200 quirumétru ta nixĩ ga norü máchane.

Ore i mexü̃ ga Cuáü̃ ümatüxü̃ 11:1

Nayexma ga wüxi ga yatü ga ida̱xawecü ga Lácharogu ãégacü. Rü naeya̱xgü ga María rü Márta rü ĩane ga Betániacüã̱x nixĩgü.

Ore i mexü̃ ga Cuáü̃ ümatüxü̃ 6:19

Rü yexguma marü 5 ga quirumétru yaxãgügu, rü Ngechuchuxü̃ nadaugü nax dexáchiüétügu yaxũxü̃. Rü nüma ga norü ngúexü̃gü rü poraãcü namuü̃e.

Ore i mexü̃ ga Luca ümatüxü̃ 24:13

Rü yema ngunexü̃gutama rü taxre ga yema Ngechuchuarü ngúexü̃gü rü wüxi ga ĩane ga Emaúwa naxĩ. Rü norü yáxü̃ ga guma ĩane rü 11 ga quirumétru nixĩ nüxna ga Yerucharéü̃.

Ore i mexü̃ ga Matéu ümatüxü̃ 21:17

Rü yexguma ga Ngechuchu rü nüxna yéma nixũ, rü ñu̱xũchi ínaxũxũ ga guma ĩanewa. Rü ĩane ga Betániawa naxũ, rü yexma nayape.