Ore i mexü̃ ga Cuáü̃ ümatüxü̃ 11:15 - Tupanaarü Ore

¹⁵ Natürü choma rü chataãxẽ nax tama ngéma changexmaxü̃, erü ngẽmaãcü nixĩ i namemaexü̃ i pexca̱x nax choxü̃́ peyaxõgüxü̃ca̱x. ¡Rü ngĩxã rü ítayadaugü! —ñanagürü.

Ore i mexü̃ ga Cuáü̃ ümatüxü̃ 11:15 Referans Kwoze

Norü taxre ga popera ga Timutéuca̱x naxümatüxü̃ ga Pauru 2:10

Rü ngẽmaca̱x yáxna namaxã chaxĩnü i ngẽma ngúxü̃ i chingexü̃ naxca̱x i ngẽma duü̃xü̃gü ya Tupana dexü̃. Erü chanaxwa̱xe i nümagü rü ta Ngechuchu ya Cristuaxü̃́ nayaxõgü, rü ngẽmaãcü nax nayauxgüãxü̃ca̱x i ngẽma maxü̃ i mexü̃ i taguma gúxü̃.

Ore i mexü̃ ga Cuáü̃ ümatüxü̃ 17:19

Rü ngẽma choxna cumugüxü̃ca̱x chaugü ichaxã nax nümagü rü ta curü ore i aixcüma ixĩxü̃ca̱x nügü inaxãgüxü̃.

Ore i mexü̃ ga Cuáü̃ ümatüxü̃ 12:30

Rü yexguma ga Ngechuchu rü ñanagürü nüxü̃: —Tama cha̱u̱xca̱x nixĩ i nüxü̃ pexĩnüexü̃ i ngẽma naga. Rü pexca̱xtama nixĩ i nüxü̃ pexĩnüexü̃.

Ore i mexü̃ ga Cuáü̃ ümatüxü̃ 11:4

Rü yexguma yema orexü̃ naxĩnügu ga Ngechuchu, rü ñanagürü: —Ngẽma da̱xawe rü taxũtáma yumaxã inayacua̱x. Natürü nida̱xawe nax duü̃xü̃gü nüxü̃ nadaugüxü̃ca̱x nax aixcüma naporaxü̃ ya Tupana rü aixcüma choma i Nane rü ta nax chaporaxü̃ —ñanagürü.

Ore i mexü̃ ga Cuáü̃ ümatüxü̃ 2:11

Rü guma Gariréaanewa yexmane ga ĩane ga Canáwa nixĩ ga yema naxüxü̃ ga Ngechuchu. Rü yema nixĩ ga nüxíraxü̃xü̃ ga cua̱xruxü̃ ga Tupanaarü poramaxã üxü̃ ga nawa nügü inawéxü̃ ga Tupana Nane nax yixĩxü̃. Rü nüma ga norü ngúexü̃gü rü nüxü̃́ nayaxõgü.

Ichaía 65:8

Nüma ya Tupana rü ñanagürü: —Ngẽxguma poraãcüma yaxãxtüü̃gu i úbagü rü duü̃xü̃gü rü tama nanaxaiya̱xü̃gü, erü nüxü̃ nacua̱xgü nax tacütama ya bínu nawa nüxü̃́ ínguxuchixü̃. Rü ngẽxgumarüxü̃ tá ta i chomax, rü ngẽma nax nüxü̃ changechaü̃xü̃gagu i ngẽma chorü duü̃xü̃gü rü taxũtáma chanadai i guxü̃ma i Iraétanüxü̃.

Ichaía 54:15

Rü ngẽxguma wüxi i nachixü̃ane pexca̱x íyaxüãchigu rü taxũtáma chorü mugagu nixĩ. Natürü pema rü tá nüxü̃ perüporamaegü.

Nüxíraxü̃xü̃ ga popera ga Cuáü̃ ümatüxü̃ 5:13

Pa Chauenexẽgüx ya Tupana Naneaxü̃́ Yaxõgüxex, pexca̱x chanaxümatü i ñaa ore nax nüxü̃ pecuáxü̃ca̱x nax pexü̃́ nangẽxmaxü̃ i maxü̃ i taguma gúxü̃.

2 Corintios 4:15

Rü guxü̃ma ga yema toxü̃ ngupetüxü̃ rü perü mexü̃ca̱x nixĩ nax yexeraãcü yamuetanüxü̃ca̱x i ngẽma duü̃xü̃gü ya Tupana nüxü̃ rüngü̃xẽẽgüxü̃. Rü ngẽmaãcü tá düxwa namuxũchi i ngẽma duü̃xü̃gü i moxẽ Tupanana ãgüxü̃ rü nüxü̃ icua̱xüü̃güxü̃.

Naanearü ügüchiga 39:5

Rü yexguma Yúcheme̱xẽgu naxǘãgu ga napata rü norü yemaxü̃gü, rü Cori ya Tupana rü poraãcü Potifáxü̃ narüngü̃xẽxẽ ga napatawa rü naanewa rü naxü̃nagüwa.

Naanearü ügüchiga 26:24

Rü yema chütaxü̃gu rü nüma ga Cori ya Tupana rü Ichaáca̱x nango̱x, rü ñanagürü nüxü̃: —Choma nixĩ i cunatü ya Abraáü̃arü Tupana. ¡Taxṹ i cumuü̃xü̃! Choma rü cumaxã changexma. Rü yimá chorü duü̃ ga Abraáü̃gagu rü tá cuxü̃ charüngü̃xẽxẽxü̃, rü poraãcü tá chayamuxẽxẽ i ngẽma cutaagü —ñanagürü.

Ore i mexü̃ ga Cuáü̃ ümatüxü̃ 11:14

Rü yexguma ga Ngechuchu rü meama namaxã nüxü̃ nixu rü ñanagürü: —Lácharo rü marü nayu.

Ore i mexü̃ ga Cuáü̃ ümatüxü̃ 11:16

Rü yéma nayexma ga Tumáchi ga Wüxigu Buexü̃ ga Taxree̱xpüxü̃maxã naxugüxü̃. Rü nüma ga Tumáchi rü yema namücügüxü̃ ñanagürü: —¡Ngĩxã i yixema rü ta ngéma taxĩ nax wüxigu Ngechuchumaxã iyuexü̃ca̱x! —ñanagürü.