Ore i mexü̃ ga Cuáü̃ ümatüxü̃ 10:9 - Tupanaarü Ore

⁹ Choma nixĩ i ĩã̱x. Rü texé ya chowa ixücuxe rü tá tamaxü̃. Rü mexü̃wa tá tangexma ngẽxgumarüxü̃ i wüxi i carnéru i naxpüü̃gu ücuxü̃ rü ixũxũxü̃ rü mecü ya maxẽxü̃ iyangauxü̃.

Ore i mexü̃ ga Cuáü̃ ümatüxü̃ 10:9 Referans Kwoze

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Efesios 2:18

Rü ñu̱xma rü guxãma i yixema rü Cristugagu tüxü̃́ natauxcha nax Tanatü ya Tupanana ingaicamagüxü̃. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax nüxna ingaicamagüxü̃ca̱x ya Tanatü ya Tupana.

Ore i mexü̃ ga Cuáü̃ ümatüxü̃ 10:7

Rü yexguma ga Ngechuchu rü wenaxarü ñanagürü nüxü̃: —Aixcüma pemaxã nüxü̃ chixu rü choma nixĩ i carnérupǘxü̃arü ĩã̱x i nawa yachocuxü̃ i carnérugü.

Ore i mexü̃ ga Cuáü̃ ümatüxü̃ 10:1

Rü yexguma ga Ngechuchu rü ñanagürü: —Rü aixcüma pemaxã nüxü̃ chixu rü ngẽma yatü i tama carnérupǘxü̃arü ĩã̱xwa ixücuxü̃ rü wüxi i ngĩ́ta̱xaxü̃ nixĩ i ngẽma, erü ngextámare nixücu.

Wiyaegü 95:7

Rü nüma nixĩ i tórü Tupana yixĩxü̃ rü yixema rü norü duü̃xü̃gü tixĩgü. Rü yixema rü ñoma norü carnérugürüxü̃ nüxü̃́ tixĩgü. ¡Rü ñu̱xma rü nüxü̃́ iperüxĩnüe i ngẽma pemaxã nüxü̃ yaxuxü̃!

Ichaía 40:11

Rü ñoma wüxi i carnéruarü dauruxü̃ i mea norü carnérugüna dauxü̃rüxü̃ nixĩ. Rü nachacüügu tüxü̃ nigagü ga norü carnéruxacü, rü nügüremüwa tüxü̃ yaxũxẽẽãcü tüxü̃ nigagü. Rü mea tüxna nadau ya yíxema ngexwaca íxraxacügüxe.

Chacaría 10:12

Rü choma rü tá pora nüxna chaxã rü chauégagu tá ínaxĩ. Rü choma ya Cori ya Tupana nixĩ i pexü̃ ngẽma ñachaxü̃ —ñanagürü.

Echequié 36:38

Rü nachicagü ga guma ĩanegü rü tá wena nagu nixüpatagü rü duü̃xü̃gümaxã tá nanapa. Rü tá namuxũchi i ngẽma duü̃xü̃gü ñoma carnérugü i Üpetüchigaarü petagu Yerucharéü̃wa gagüxü̃ nax ãmareca̱x nada̱i̱xü̃rüxü̃. Rü ngẽxguma i ngẽma duü̃xü̃gü rü tá nüxü̃ nicua̱xãchitanü nax choma yixĩxü̃ ya Cori ya Tupana —ñanagürü.

Ore i mexü̃ ga Cuáü̃ ümatüxü̃ 10:3

Rü ngẽma yatü i carnérupǘxü̃arü ĩã̱xna dauxü̃ rü nayawãxna i ĩã̱x nax yaxücuxü̃ca̱x i carnérugüarü dauruxü̃. Rü nüma i carnérugü rü nüxü̃ nacua̱xgü i naga i ngẽma norü dauruxü̃. Rü ngẽma norü dauruxü̃ rü wüxichigü i norü carnéru rü naégamaxã naxca̱x naca nax ínamuxü̃ãxü̃ca̱x i naxpüü̃wa.