Ore i mexü̃ ga Cuáü̃ ümatüxü̃ 10:7 - Tupanaarü Ore

⁷ Rü yexguma ga Ngechuchu rü wenaxarü ñanagürü nüxü̃: —Aixcüma pemaxã nüxü̃ chixu rü choma nixĩ i carnérupǘxü̃arü ĩã̱x i nawa yachocuxü̃ i carnérugü.

Ore i mexü̃ ga Cuáü̃ ümatüxü̃ 10:7 Referans Kwoze

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Efesios 2:18

Rü ñu̱xma rü guxãma i yixema rü Cristugagu tüxü̃́ natauxcha nax Tanatü ya Tupanana ingaicamagüxü̃. Rü ngẽmatama Naãxẽ ya Üünexü̃ nixĩ i tüxü̃ rüngü̃xẽẽxü̃ nax nüxna ingaicamagüxü̃ca̱x ya Tanatü ya Tupana.

Ore i mexü̃ ga Cuáü̃ ümatüxü̃ 10:1

Rü yexguma ga Ngechuchu rü ñanagürü: —Rü aixcüma pemaxã nüxü̃ chixu rü ngẽma yatü i tama carnérupǘxü̃arü ĩã̱xwa ixücuxü̃ rü wüxi i ngĩ́ta̱xaxü̃ nixĩ i ngẽma, erü ngextámare nixücu.

Ore i mexü̃ ga Cuáü̃ ümatüxü̃ 10:9

Choma nixĩ i ĩã̱x. Rü texé ya chowa ixücuxe rü tá tamaxü̃. Rü mexü̃wa tá tangexma ngẽxgumarüxü̃ i wüxi i carnéru i naxpüü̃gu ücuxü̃ rü ixũxũxü̃ rü mecü ya maxẽxü̃ iyangauxü̃.

Echequié 34:31

Rü pematama nixĩ i chorü carnérugü pixĩgüxü̃ rü chorü naanewa pengẽxmagüxü̃. Rü choma nixĩ i perü Tupana chixĩxü̃. Rü choma ya Cori ya Tupana nixĩ i pemaxã nüxü̃ chixuxü̃ i ngẽma —ñanagürü.

Wiyaegü 79:13

Rü ñu̱xũchi i toma nax curü duü̃xü̃gü tixĩgüxü̃ rü guxü̃gutáma moxẽ cuxna taxã. Rü torü wiyaemaxã guxü̃gutáma gucü ya taunecügügu cuxü̃ ticua̱xüü̃gü.

Wiyaegü 100:3

¡Rü nüxna pecua̱xãchie nax nüma ya Cori rü Tupana yixĩxü̃! Rü nüma nixĩ i tüxü̃ nango̱xẽẽxü̃ rü tama yigütama tango̱xẽxẽ. Rü norü duü̃xü̃gü tixĩgü, ñoma carnérugü i norü yoraarü nachitaxü̃wa ngẽxmagüxü̃rüxü̃.

Wiyaegü 95:7

Rü nüma nixĩ i tórü Tupana yixĩxü̃ rü yixema rü norü duü̃xü̃gü tixĩgü. Rü yixema rü ñoma norü carnérugürüxü̃ nüxü̃́ tixĩgü. ¡Rü ñu̱xma rü nüxü̃́ iperüxĩnüe i ngẽma pemaxã nüxü̃ yaxuxü̃!

Ichaía 53:6

Rü guxãma i yixema rü itarütauxe ñoma carnérugü irütauxexü̃rüxü̃. Yerü wüxichigü ga yixema rü nagu taxĩ ga tóxrütama ngúchaü̃. Natürü nüma ga Cori ya Tupana rü gumá norü duü̃cüxü̃ nayangexẽxẽ ga guxü̃ma ga tórü chixexü̃gü.

Echequié 36:38

Rü nachicagü ga guma ĩanegü rü tá wena nagu nixüpatagü rü duü̃xü̃gümaxã tá nanapa. Rü tá namuxũchi i ngẽma duü̃xü̃gü ñoma carnérugü i Üpetüchigaarü petagu Yerucharéü̃wa gagüxü̃ nax ãmareca̱x nada̱i̱xü̃rüxü̃. Rü ngẽxguma i ngẽma duü̃xü̃gü rü tá nüxü̃ nicua̱xãchitanü nax choma yixĩxü̃ ya Cori ya Tupana —ñanagürü.