42 Rü yema nachicawa rü muxü̃ma ga duü̃xü̃gü rü Ngechuchuaxü̃́ nayaxõgü.
Rü muxü̃ma ga togü ga Chamáriaanecüã̱xgü rü Ngechuchuaxü̃́ nayaxõgü ga yexguma nüxü̃ naxĩnüegu ga yema norü ore ga nümatama nüxü̃ yaxuxü̃.
Natürü muxü̃ma ga yema Yudíugü rü Ngechuchuaxü̃́ nayaxõgü, rü woo ga ñuxre ga ãẽ̱xgacügü rü ta nayaxõgü, natürü tama nügü nixugüchaü̃ ga duü̃xü̃güpe̱xewa, yerü Parichéugüxü̃ namuü̃e nax tama ngutaque̱xepataü̃wa ínawoxü̃xü̃ca̱x.
Rü yema Yudíugü ga Maríawe rüxĩxü̃ rü nüxü̃ nadaugü ga yema Ngechuchu üxü̃, rü muxü̃ma nüxü̃́ nayaxõgü ga yexguma nüxü̃ nadaugügu ga yema naxüxü̃.
Rü yexguma yema ñaxgu ga Ngechuchu rü muxü̃ma ga duü̃xü̃gü nüxü̃́ nayaxõgü.
Natürü muxü̃ma ga duü̃xü̃gü rü nüxü̃́ nayaxõgü. Rü ñanagürügü: —¿Ngẽxguma ínanguxgu ya Cristu rü ta̱xacürü cua̱xruxü̃ i daa yatü üxü̃arü yexera tá naxü? —ñanagürügü.
Rü muxü̃ma ga gumá ĩanecüã̱x ga Chamáriaanewa yexmane rü Ngechuchuaxü̃́ nayaxõgü, yerü nayaxõgü ga yema ore ga yema ngecü namaxã nüxü̃ ixuxü̃ ga yexguma ngĩxgu: “Guxü̃ma ga ta̱xacü ga ü̃pa chaxüxü̃ rü chomaxã nüxü̃ nixu”, ngĩxgu.
Rü yexguma Ngechuchu Üpetüchigaarü petaca̱x Yerucharéü̃wa yexmagu, rü muxü̃ma ga duü̃xü̃gü rü nüxü̃́ nayaxõgü, yerü nüxü̃ nadaugü ga yema taxü̃ ga mexü̃gü ga Tupanaarü poramaxã naxüxü̃.