Biblia Todo Logo
Bib sou entènèt

- Piblisite -




Ore i mexü̃ ga Cuáü̃ ümatüxü̃ 10:34 - Tupanaarü Ore

34 Rü nüma ga Ngechuchu rü ñanagürü nüxü̃: —Perü mugüpanewa rü naxümatü i Tupanaarü ore i ñaxü̃: “Choma rü nüxü̃ chixu nax tupanagü pixĩgüxü̃”, ñaxü̃.

Gade chapit la Kopi




Ore i mexü̃ ga Cuáü̃ ümatüxü̃ 10:34
12 Referans Kwoze  

Rü yexguma ga Cori ya Tupana rü Moichéxü̃ ñanagürü: —Dücax, choma chanaxwa̱xe nax cuma chauxchicüü Faraóü̃xü̃tawa cuxũxü̃, natürü cuenexẽ ya Aróü̃ tá nixĩ ya yimá cuchicüxü Faraóü̃maxã idexacü.


Rü Tupana ãẽ̱xgacü íyixĩxü̃wa i daxũguxü̃ i naanewa rü inachi nax poxcu namaxã naxueguxü̃ca̱x i ngẽma ãẽ̱xgacügü i guxchaxü̃arü mexẽẽruü̃gü i chixri norü duü̃xü̃gümaxã icua̱xgüxü̃. Rü ñanagürü:


Rü cuma rü tá Aróü̃maxã nüxü̃ quixu i ngẽma chorü ore, ñoma chomatama nüxü̃ chixuxü̃rüxü̃. Rü nüma ya Aróü̃ rü tá chorü duü̃xü̃gümaxã nüxü̃ nixu i ngẽma cuma tá namaxã nüxü̃ quixuxü̃.


Rü guxü̃ma i chorü maxü̃maxã tá moxẽ cuxna chaxã, Pa Cori Pa Tupanax. Rü ngẽma togü i nachixü̃anegüarü ãẽ̱xgacügü i tama cuxü̃ cua̱xgüxü̃pe̱xewa tá cuxca̱x chawiyae.


Rü choma ya Cori ya Tupana rü tama chanaxwa̱xe i chixri chauchiga quidexa, rü tama name i ta̱xacü namaxã quixugü i ngẽma perü ãẽ̱xgacü.


Rü ngẽma mugü ga Moiché ümatüxü̃ i nagu pexĩxü̃, rü ñanagürü: “Ngẽxguma taxre i duü̃xü̃gü rü ngẽmatama orexü̃ yaxugügu, rü ngẽmawa ãẽ̱xgacü nüxü̃ nacua̱x nax aixcüma yixĩxü̃ i ngẽma nüxü̃ yaxugüexü̃”, ñanagürü.


Natürü ngẽma nangupetü nax yanguxü̃ca̱x i ngẽma ore i norü mugüpanegu ümatüxü̃ i ñaxü̃: “Chauxchi naxaie woo taxuxü̃ma i chixexü̃ chaxüxgu”, ñaxü̃.


Rü yema duü̃xü̃gü nanangãxü̃gü, rü ñanagürügü: —Ngẽma mugü i ümatüxü̃wa nüxü̃ tadaugü nax guxü̃gutáma namaxechaxü̃ ya Cristu. ¿Rü ñuxãcü i cuma rü ñacurügü: “Tupana Nane ya duü̃xü̃xü̃ ixĩcü rü curuchawa tá nipota”, ñacurügü? ¿Rü texé tixĩ ya yíxema Tupana Nane ya duü̃xü̃xü̃ ixĩxẽ? —ñanagürügü.


Tupanaarü ore ga ümatüxü̃ rü ñanagürü: “Tá chanamugü i to i nachixü̃anecüã̱x i duü̃xü̃gü nax to i nagawa yadexagüxü̃ca̱x namaxã i chorü duü̃xü̃gü i Yudíugü. Natürü woo ngẽmaãcü chanaxüxgu, rü taxũtáma chauga naxĩnüe i ngẽma Yudíugü”, ñanagürü ga Tupana.


Rü ngẽmaãcü Tupanaarü orewa rü nüxü̃ nixu nax tupanagü tixĩgüxü̃ ya guxãma ya yíxema nayauxgüxe i norü ore. Rü nüxü̃ tacua̱x rü taxucürüwama texé itayanaxoxẽxẽ i ngẽma Tupanaarü ore i ümatüxü̃wa nüxü̃ yaxuxü̃.


Swiv nou:

Piblisite


Piblisite