Ore i mexü̃ ga Cuáü̃ ümatüxü̃ 10:29 - Tupanaarü Ore

²⁹ Rü Chaunatü rü guxü̃arü yexera naporaxüchi. Rü yíxema carnérugü ya nüma choxna tüxü̃ namugüxe rü taxúema nüxna tüxü̃ tapuxü̃.

Ore i mexü̃ ga Cuáü̃ ümatüxü̃ 10:29 Referans Kwoze

Ore i mexü̃ ga Cuáü̃ ümatüxü̃ 6:37

Rü guxãma ya yíxema duü̃xẽgü ya Chaunatü choxna tüxü̃ mugüxe rü chorü duü̃xü̃gü tixĩgü. Rü texé ya choxü̃́ yaxõgüxe rü taxũtáma tüxü̃ chaxoo̱x.

Ore i mexü̃ ga Cuáü̃ ümatüxü̃ 17:9

Rü ngẽmaca̱x cuxna chaca nax nüxü̃ curüngü̃xẽẽxü̃ca̱x. Rü tama cuxna chaca nax nüxü̃ curüngü̃xẽẽxü̃ca̱x i ñoma i naanecüã̱x i duü̃xü̃gü, natürü cuxna chaca nax nüxü̃ curüngü̃xẽẽxü̃ca̱x i ngẽma choxna cumugüxü̃, erü curü duü̃xü̃gü nixĩgü.

Ore i mexü̃ ga Cuáü̃ ümatüxü̃ 17:2

Erü marü choxna cuxãga nax guxü̃ma i duü̃xü̃gümaxã ichacuáxü̃ca̱x rü nax chanamaxẽxẽẽxü̃ca̱x i guxü̃ma i duü̃xü̃gü i choxna cumugüxü̃.

Ore i mexü̃ ga Cuáü̃ ümatüxü̃ 14:28

Marü pemaxã nüxü̃ chixu nax pexna tá íchixũxü̃ rü wena táxarü pexca̱x chataeguxü̃ nax pemaxã changexmaxü̃ca̱x. Rü choxü̃ pexĩnüe ga yexguma yema ñachagu. Rü ngẽxguma aixcüma choxü̃ pengechaü̃gu rü tá petaãẽgü i ngẽxguma nüxü̃ pecua̱xgu nax Chaunatüca̱x chataeguxü̃, erü Chaunatü rü chorü yexera nixĩ.

Ore i mexü̃ ga Cuáü̃ ümatüxü̃ 17:6

Rü yema duü̃xü̃gü ga cuma quidexechixü̃ ga ñoma ga naanewa nax choxna cumugüxü̃ca̱x rü marü namaxã nüxü̃ chixu nax texé quixĩxü̃ i cumax. Rü ngẽma duü̃xü̃gü rü woetama cuxrügü nixĩgü rü cuma nixĩ ga choxna cunamugüxü̃. Rü nüma rü marü naga naxĩnüe i curü ore.

Ore i mexü̃ ga Cuáü̃ ümatüxü̃ 17:11

Choma rü marü taxũtáma ñoma i naanewa changexmaecha, natürü nümagü rü ñoma i naanewa tá nangẽxmagü i ngẽxguma cuxü̃tawa chaxũyane. Pa Chaunatü ya Üünecüx, rü chanaxwa̱xe nax curü pora ga choxna cuxãxü̃maxã nüxna cudauxü̃ i ngẽma choxna cumugüxü̃, nax ngẽmaãcü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃.

Maraquía 1:14

¡Rü guxchaxü̃ namaxã chaxuegu i ngẽma idorata̱xáxü̃ i chomaxã nüxü̃ ixuxü̃ nax naxü̃natanüwa tá wüxi i naxü̃na i mexü̃ choxna muxü̃, natürü chixemarexü̃ nixĩ i cha̱u̱xca̱x yamáxü̃! Rü choma nixĩ i Ãẽ̱xgacü ya Guxãétüwa Changexmaxü̃, rü choxü̃ nixĩ i namuü̃exü̃ i guxü̃ma i nachixü̃anecüã̱xgü —ñanagürü ya Tupana ya Guxü̃étüwa Ngẽxmacü.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

Danié 4:3

Rü nataxüchi i ngẽma mexü̃gü i norü poramaxã naxüxü̃ rü ngẽma cua̱xruü̃gü i tüxü̃ nawéxü̃. Rü nüma rü guxü̃guma ãẽ̱xgacü nixĩ, rü ngẽma norü pora rü tataagüwa ninguchigü.

Wiyaegü 145:3

Rü nüma ya Cori ya Tupana rü nüxü̃ nacua̱xüchi rü ngẽmaca̱x name nax nüxü̃ icua̱xüü̃güxü̃. Rü ngẽma tórü cua̱x rü tama nawa nangu nax nüxü̃ icuáxü̃ca̱x i ñuxãcü nüxü̃ nacua̱xüchixü̃ i nümax.

Ore i mexü̃ ga Cuáü̃ ümatüxü̃ 10:28

Rü choma rü nüxna chanaxã i maxü̃ i taguma gúxü̃. Rü nümagü rü tagutáma inayarütauxe, rü taxúetama choxna tanapuxü̃ i cho̱xme̱xwa.

Ore i mexü̃ ga Cuáü̃ ümatüxü̃ 10:30

Chaunatü rü choma rü wüxitama tixĩgü —ñanagürü.