Ore i mexü̃ ga Cuáü̃ ümatüxü̃ 10:20 - Tupanaarü Ore

²⁰ Rü muxü̃ma ga nümagü rü ñanagürügü: —¿Tü̱xcüü̃ nüxü̃́ iperüxĩnüe i ñaa yatü i ngeãẽxü̃ i ngo̱xo nawa ngẽxmaxü̃? —ñanagürügü.

Ore i mexü̃ ga Cuáü̃ ümatüxü̃ 10:20 Referans Kwoze

Ore i mexü̃ ga Cuáü̃ ümatüxü̃ 7:20

Rü yema duü̃xü̃gü nanangãxü̃gü, rü ñanagürügü: —Cuma rü ngo̱xo cuwa nangẽxmamare. ¿Ẽ̱xna texé cuxü̃ tima̱xgüchaü̃? —ñanagürügü.

Ore i mexü̃ ga Márcu ümatüxü̃ 3:21

Rü yexguma yemaxü̃ nacua̱xgügu ga natanüxü̃ ga Ngechuchu, rü ínayadaugü nax yagagüãxü̃ca̱x, yerü nüxü̃ nixugügü rü: —Naxãũãẽmare —ñanagürügü.

Ore i mexü̃ ga Cuáü̃ ümatüxü̃ 8:52

Rü yexguma ga yema Yudíugü, rü Ngechuchuxü̃ nangãxü̃gü, rü ñanagürügü: —Ñu̱xma rü meaxü̃chima nüxü̃ tacua̱x nax cuwa nangẽxmaxü̃ i wüxi i ngo̱xo. Yerü ga Abraáü̃ rü guxü̃ma ga nũxcümaü̃güxü̃ ga Tupanaarü orearü uruü̃gü rü nayue. Natürü cuma rü ñu̱xma tomaxã nüxü̃ quixu rü texé ya naga ĩnüxe i ngẽma curü ore rü guxü̃gutáma namaxecha.

Ngechuchuarü ngúexü̃gü ga yamugüxü̃arü puracüchiga 26:24

Rü yexguma yemaacü nügüétüwa yadexaxgu ga Pauru, rü ñanagürü ga Féstu tagaãcüma: —Cungẽãxẽmare Pa Paurux. Rü ngẽma nax yeü̃cürü cungúechaü̃, rü düxwa nawa cungeãxẽ —ñanagürü.

Ore i mexü̃ ga Matéu ümatüxü̃ 10:25

Rü ngẽma norü ngúexẽẽruü̃xü̃ üpetüxü̃rüxü̃ tátama nüxü̃ naxüpetü i ngẽma norü ngúexü̃. Rü ngẽma norü corixü̃ üpetüxü̃rüxü̃ tátama nüxü̃ naxüpetü i ngẽma norü duü̃xü̃. Rü ngẽxguma duü̃xü̃gü rü ngo̱xo i Beechebú choxü̃ wogügu, ¿rü ñuxãcü tá pexü̃ naxu i pemax?

Ore i mexü̃ ga Matéu ümatüxü̃ 9:34

Natürü ga Parichéugü rü ñanagürügü: —Ñaa yatü rü ngo̱xogüarü ãẽ̱xgacü i Chatanáarü poramaxã nixĩ i ínawoxü̃ãxü̃ i ngo̱xogü —ñanagürügü.

Ichaía 53:8

Rü ma̱xwa nanagagü woo taxuxü̃ma ga chixexü̃ naxü, rü tataxuma ga texé ga naétüwa idexáxe. Rü taxúema texé ítanapoxü̃, rü tama ñoma i naanewa maxẽxü̃ ga duü̃xü̃güaxü̃́ nangechaxü̃tümüxü̃. Rü chautanüxü̃arü chixexü̃gagu nayama̱xgü.

Yeremía 29:26

‘Pa Chofoníax, cuma nax chacherdóte quixĩxü̃ rü Cori ya Tupana rü cuxü̃ naxuneta nax Tupanapataarü ãẽ̱xgacü quixĩxü̃ca̱x nachicüxü i chacherdóte i Yoiadá. Rü ngẽxguma ngéma nanguxgu i wüxi i ãũãẽxü̃ i ñoma wüxi i orearü üruü̃ãcü idexaxü̃, rü choma cuxü̃ chamu nax chotapararuü̃wa cunachoxtaparaxü̃ rü cadénamaxã cuyanaíxü̃.

Ore i mexü̃ ga Matéu ümatüxü̃ 11:18

Rü núma naxũ ga Cuáü̃ rü naxaure rü tama nachibü rü tama bínu nayaxaxü. Rü yexguma nüma i duü̃xü̃gü rü: ‘Nango̱xoã̱x’, ñanagürügü nüxü̃.