Ore i mexü̃ ga Cuáü̃ ümatüxü̃ 1:51 - Tupanaarü Ore

⁵¹ Rü ñanagürü ta ga Ngechuchu: —Aixcüma pemaxã nüxü̃ chixu rü tá nüxü̃ pedaugü nax yawãxnaxü̃ i daxũguxü̃ i naane. Rü tá nüxü̃ pedaugü i Tupanaarü orearü ngeruü̃gü i daxũcüã̱x i ngéma ĩgüxü̃ rü írüxĩgüxü̃ i naétüwa ya Tupana Nane ya duü̃xü̃xü̃ ixĩcü —ñanagürü.

Ore i mexü̃ ga Cuáü̃ ümatüxü̃ 1:51 Referans Kwoze

Naanearü ügüchiga 28:12

Rü yéma naxãnegü. Rü yema nanegüwa rü nüxü̃ nadau ga wüxi ga toxṍõne ga ñaa naanegu caxüne rü daxũguxü̃ ga naanewa nguxü̃ne. Rü gumáwa ínarüxĩgüxü̃, rü ñu̱xũchi naxĩgü ga Tupanaarü orearü ngeruxü̃ i daxũcüã̱x.

Ngechuchuarü ngúexü̃gü ga yamugüxü̃arü puracüchiga 7:56

Rü yexguma rü ñanagürü: —Nüxü̃ chadau nax yango̱xnaãchixü̃ i naanetüwe, rü nüxü̃ chadau ya Tupana Nane ya duü̃xü̃xü̃ ixĩcü ya Nanatüarü tügünecüwagu chicü —ñanagürü ga Estébaü̃.

Ore i mexü̃ ga Luca ümatüxü̃ 22:43

Rü yexguma nayumüxẽgu rü wüxi ga daxũcüã̱x ga Tupanaarü orearü ngeruxü̃ rü naxca̱x nango̱x, rü nanaporaxẽxẽ.

Ore i mexü̃ ga Luca ümatüxü̃ 2:13

Rü ngürüãchi yema daxũcüã̱x ga orearü ngeruü̃xü̃tawa nango̱x ga muxü̃ma ga togü ga daxũcüã̱x ga orearü ngeruü̃gü. Rü Tupanaxü̃ nicua̱xüü̃gü, rü ñanagürügü:

Ore i mexü̃ ga Márcu ümatüxü̃ 14:62

Rü Ngechuchu rü ñanagürü nüxü̃: —Ngü̃. Ngẽma nüxü̃ quixuxü̃ chixĩ. Rü tá nüxü̃ pedau ya Tupana Nane ya duü̃xü̃xü̃ ixĩcü i ngẽxguma Tupana ya Guxü̃étüwa Ngẽxmacüarü tügünecüwawa nato̱xgu i ngẽxguma caixanexü̃gu núma naxũxgu —ñanagürü.

Ore i mexü̃ ga Márcu ümatüxü̃ 1:10

Rü yexguma dexáwa ínaxü̃ãchigu, rü Ngechuchu nüxü̃ nadau nax yangenaxü̃ ga daxũwa. Rü yema Tupanaãxẽ ya Üünecü rü wüxi ga muxtucurüxü̃ inanago, rü Ngechuchuna nangu.

Ore i mexü̃ ga Matéu ümatüxü̃ 3:16

Rü yexguma marü Cuáü̃ Ngechuchuxü̃ íbaiexẽẽguwena, rü dexáwa ínaxü̃ãchigu ga Ngechuchu. Rü yexgumatama niwãxna ga daxũguxü̃ ga naane, rü Ngechuchu nüxü̃ nadau ga Tupanaãxẽ ya Üünecü ga wüxi ga muxtucurüxü̃ nax inagoxü̃ rü nüxna nax nanguxü̃.

Echequié 1:1

Rü yexguma marü 5 ga taunecü Babiróniaanewa nayexmagu ga ãẽ̱xgacü ga Yoaquíü̃ ga yéma nax nagagüãxü̃, rü choma i chacherdóte i Echequié ya Buchí nane rü yema Yudíugü ga Babiróniaanewa nagagüxü̃tanüwa chayexma ga natü ga Quebáxcutüwa. Rü yexguma ga choma rü 30 ga taunecü choxü̃́ nayexmagu rü wüxi ga ngunexü̃ meama norü ãgümücü ga tauemacü arü 5 ga ngunexü̃gu rü ngürüãchi cha̱u̱xca̱x ningena ga daxũguxü̃ ga naane rü Tupanaxü̃ chadau.

Ngechuchuarü ngúexü̃gü ga yamugüxü̃arü puracüchiga 10:11

Rü nüxü̃ nadau ga nax yango̱xnaxü̃ ga naanetüwe, rü yéma ínarüxĩ ga wüxi ga ñoma naxchápenüxü̃rüxü̃ ixĩxü̃. Rü norü ãgümücüpe̱xewa naxãtü̱xü, rü yemaacü ínarüchüxüe ñu̱xmata ñaxtüanewa nangu.

Ore i mexü̃ ga Luca ümatüxü̃ 3:21

Rü yexguma taxũta napoxcugu ga Cuáü̃, rü guxü̃ ga duü̃xü̃güxü̃ ínabaiü̃xẽẽyane, rü yexguma ta nixĩ ga Ngechuchuxü̃ ínabaiexẽẽxü̃. Rü yexguma Ngechuchu íyumüxẽyane rü ningena ga daxũguxü̃ ga naane.

Ore i mexü̃ ga Matéu ümatüxü̃ 4:11

Rü yexguma ga ngo̱xo ga Chataná rü Ngechuchuna nixũgachi. Rü Ngechuchuxü̃tawa nangugü ga ñuxre ga daxũcüã̱x ga Tupanaarü orearü ngeruü̃gü. Rü Ngechuchuna nadaugü rü nüxü̃ narüngü̃xẽẽgü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:11

Rü ñu̱xũchi nüxü̃ chadau ga daxũguxü̃ ga naane nax yawãxnaxü̃. Rü yéma nango̱x ga wüxi ga cowaru ga cómüxü̃. Rü gumá naétüwa rütocü rü naéga nixĩ i Aixcüma Yanguxẽẽcü rü Ixaixcümacü. Rü nüma rü tama inatü i ngẽxguma poxcu naxueguxgu rü ngẽxguma norü uanügümaxã nügü nadaixgu.

Yema Cuáü̃ nüxü̃ dauxü̃ i yixcüra tá ngupetüxü̃chiga 4:1

Rü yemawena ga choma ga Cuáü̃ rü ichadauwenü rü nüxü̃ chadau ga wüxi ga ĩã̱x ga iwãxnaxü̃ ga daxũguxü̃ ga naanewa. Rü yema naga ga nacornétagaraü̃xü̃ ga noxri nüxü̃ chaxĩnüxü̃ ga chomaxã idexaxü̃, rü ñanagürü choxü̃: “¡Nuxã naxĩnagü! Rü tá cuxü̃ nüxü̃ chadauxẽxẽ i ngẽma yixcüra tá ngupetüxü̃”, ñanagürü.

2 Tesalonicenses 1:7

Rü pema i ñu̱xma ngúxü̃ pingegüxü̃ rü Tupana tá tüxü̃ inarüngü̃güxẽxẽ. Rü ngẽma tá nanaxü ya Tupana i ngẽxguma üxüemagu daxũwa ne naxũxgu ya tórü Cori ya Ngechuchu ya Cristu wüxigu namaxã i norü orearü ngeruü̃gü i poraexü̃.

Ore i mexü̃ ga Luca ümatüxü̃ 2:9

Rü ngürüãchi yema carnérugüarü dauruü̃güca̱x nango̱x ga wüxi ga daxũcüã̱x ga Cori ya Tupanaarü orearü ngeruxü̃. Rü Tupanaarü üünemaxã guxü̃wama nangóone. Rü yema carnérugüarü dauruü̃gü rü poraãcü namuü̃e.

Popera ga Yudíugü ga yaxõgüxü̃ca̱x ümatüxü̃ 1:14

Rü guxü̃ma i Tupanaarü orearü ngeruü̃gü i daxũcüã̱x rü naãxẽgü i Tupanaaxü̃́ puracüexü̃ nixĩgü. Rü nüma ya Tupana rü nanamugü nax nüxü̃ yanangü̃xẽẽgüxü̃ca̱x i guxü̃ma i ngẽma duü̃xü̃gü ya Tupana naxwa̱xexü̃ nax nayauxgüãxü̃ i maxü̃ i taguma gúxü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Ore i mexü̃ ga Cuáü̃ ümatüxü̃ 10:1

Rü yexguma ga Ngechuchu rü ñanagürü: —Rü aixcüma pemaxã nüxü̃ chixu rü ngẽma yatü i tama carnérupǘxü̃arü ĩã̱xwa ixücuxü̃ rü wüxi i ngĩ́ta̱xaxü̃ nixĩ i ngẽma, erü ngextámare nixücu.

Ore i mexü̃ ga Luca ümatüxü̃ 22:69

Natürü ñu̱xmawena rü Tupana Nane ya duü̃xü̃xü̃ ixĩcü rü Nanatü ya Tupana ya Guxãétüwa Ngẽxmacüarü tügünecüwawa tá narüto —ñanagürü.

Ore i mexü̃ ga Matéu ümatüxü̃ 25:31

Rü ñanagürü ga Ngechuchu: —Ngẽxguma wenaxarü núma naxũxgu ya Tupana Nane ya duü̃xü̃xü̃ ixĩcü, rü norü tochica i mexẽchixü̃wa tá narüto. Rü norü orearü ngeruü̃gü i daxũcüã̱x rü tá nanaxümücügü.

Popera ga Yúda ümatüxü̃ 1:14

Rü gumá nüxíraü̃cü ga duü̃ ga Adáü̃ rü nawe naxü ga gumá norü 7 ga nataxa ga Enóx. Rü nüma ga Enóx rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Nüxü̃ chadau ya Cori ya Tupana nax muxũchixü̃ma i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma chixexü̃ ügüxü̃ rü namaxã guxchigagüxü̃”, ñanagürü ga Enóx ga Adáü̃taxa ixĩcü rü yema duü̃xü̃güchiga nidexa ga yexguma Tupana yadexaxẽẽgu, rü ñanagürü: “Rü nüxü̃ chadau ya Cori ya Tupana nax muxũchixü̃ i norü orearü ngeruü̃gü i daxũcüã̱xmaxã núma ũcü nax duü̃xü̃güna naca̱xaxü̃ca̱x i norü maxü̃chiga rü napoxcueãxü̃ca̱x i guxü̃ma i ngẽma duü̃xü̃gü i chixexü̃ ügüxü̃ rü namaxã guxchigagüxü̃”, ñanagürü.

2 Tesalonicenses 1:9

Rü ngẽma duü̃xü̃gü rü poxcu i taguma guxü̃gu tá inarütauxe, rü tórü Cori ya Ngechuchuarü yáxü̃wa tá nawogü. Rü ngéma rü tagutáma nüxü̃ nadaugü i tórü Cori ya Ngechuchuarü mexü̃ rü norü pora.

Ore i mexü̃ ga Cuáü̃ ümatüxü̃ 14:12

Aixcüma pemaxã nüxü̃ chixu rü yíxema choxü̃́ yaxṍxe rü tá tanaxü i ngẽma choma chaxüxü̃. Rü ngẽma chaxüxü̃arü yexera tá taxü, erü choma rü tá Chaunatüxü̃tawa chaxũ.

Ore i mexü̃ ga Cuáü̃ ümatüxü̃ 6:47

Aixcüma pemaxã nüxü̃ chixu rü yíxema choxü̃́ yaxṍxe rü tüxü̃́ nangẽxma i maxü̃ i taguma gúxü̃.

Ore i mexü̃ ga Luca ümatüxü̃ 24:4

Rü yema ngecügü rü poraãcü ibaixãchiãẽgü, rü tama nüxü̃ icua̱xgüéga ga ta̱xacü nax naxügüxü̃. Rü ngürüãchi nüxü̃ idaugü ga taxre ga yatügü ga ngĩxü̃tagu chigüxü̃ ga poraãcü iyaurachirutanücüüxü̃.

Ore i mexü̃ ga Matéu ümatüxü̃ 26:24

Rü Tupana Nane ya duü̃xü̃xü̃ ixĩcü rü tá nayu ngẽxgumarüxü̃ i Tupanaarü ore i ümatüxü̃ nüxü̃ ixuxü̃rüxü̃. Natürü wüxi i ngechaü̃xü̃chi nixĩ naxca̱x i ngẽma yatü i ínaxuaxü̃xü̃. Rü narümemae chi nixĩ ga noxtacüma taxũchima nax nabuxü̃ —ñanagürü.

Ore i mexü̃ ga Cuáü̃ ümatüxü̃ 21:18

Rü aixcüma cumaxã nüxü̃ chixu rü yexguma cungextü̱xügu rü cugü quicu̱xcuchi nax ngextá cuma ícunaxwa̱xexü̃wa cuxũxü̃ca̱x. Natürü ngẽxguma yaxguã̱x quixĩxgu rü tá quixuuchichacüxü nax toguxe cuxü̃ icu̱xcuchixü̃ca̱x. Rü ngẽma tama cuma ícunaxwa̱xexü̃wa tá cuxü̃ nagagü —ñanagürü.

Ore i mexü̃ ga Cuáü̃ ümatüxü̃ 8:51

Aixcüma pemaxã nüxü̃ chixu, rü texé ya naga ĩnüxe i ngẽma tümamaxã nüxü̃ chixuxü̃ rü guxü̃gutáma namaxecha —ñanagürü.

Ore i mexü̃ ga Cuáü̃ ümatüxü̃ 6:32

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü tama nixĩ ga Moiché yixĩxü̃ ga nüxna naxãxü̃ ga yema paũ ga daxũcüã̱x, natürü Chaunatü ga Tupana nixĩ ga nüxna naxãcü. Rü nüma nixĩ i ñu̱xma i pexna naxããxü̃ i ngẽma paũ i aixcüma ixĩxü̃ i daxũwa ne ũxü̃.

Ore i mexü̃ ga Cuáü̃ ümatüxü̃ 3:5

Rü Ngechuchu nanangãxü̃ rü ñanagürü: —Rü aixcüma cumaxã nüxü̃ chixu rü yíxema tama nüxü̃ rüxoxe i tümaarü pecadu rü íbaie rü tama Tupanaãxẽ i Üünexü̃wa nayaxúxe i maxü̃ i ngexwaca̱xü̃xü̃, rü taxucürüwama Tupana ãẽ̱xgacü ixĩxü̃wa tixücu.

Ore i mexü̃ ga Cuáü̃ ümatüxü̃ 16:20

Rü aixcüma pemaxã nüxü̃ chixu rü pema rü tá pexauxe, rü tá pengechaü̃gü. Rü yoxni ñoma i naanecüã̱x i duü̃xü̃gü rü tá nataãẽgü. Natürü woo pema tá pengechaü̃gü, rü ngẽma perü ngechaü̃ rü tá taãẽxü̃ nananguxuchi.

Ore i mexü̃ ga Cuáü̃ ümatüxü̃ 13:16

Rü aixcüma pemaxã nüxü̃ chixu rü taxuxü̃ma i wüxi i coriarü duü̃xü̃ rü norü coriétüwa nügü nangẽxmaxẽxẽ. Rü taxuxü̃ma i ãẽ̱xgacüarü orearü ngeruxü̃ i norü ãẽ̱xgacü i namuxü̃étüwa nügü nangẽxmaxẽxẽ.

Ore i mexü̃ ga Cuáü̃ ümatüxü̃ 10:7

Rü yexguma ga Ngechuchu rü wenaxarü ñanagürü nüxü̃: —Aixcüma pemaxã nüxü̃ chixu rü choma nixĩ i carnérupǘxü̃arü ĩã̱x i nawa yachocuxü̃ i carnérugü.

Ore i mexü̃ ga Cuáü̃ ümatüxü̃ 6:53

Rü Ngechuchu ñanagürü nüxü̃: —Rü choma rü aixcüma pemaxã nüxü̃ chixu rü ngẽxguma pema rü tama namaxã pexãwemügügu i naxü̃ne ya yimá Tupana Nane ya duü̃xü̃xü̃ ixĩcü rü tama nawa pexaxegügu ya nagü, rü taxũtáma pexü̃́ nangẽxma i maxü̃ i taguma gúxü̃.

Ore i mexü̃ ga Cuáü̃ ümatüxü̃ 5:27

Rü nüma ya Tupana rü Nanena naxãga nax duü̃xü̃güna naca̱xaxü̃ca̱x i norü maxü̃chiga, erü nüma rü Nane ya duü̃xü̃xü̃ ixĩcü nixĩ.

Ore i mexü̃ ga Cuáü̃ ümatüxü̃ 5:19

Rü yexguma ga Ngechuchu rü ñanagürü nüxü̃ ga yema ãẽ̱xgacügü: —Aixcüma pemaxã nüxü̃ chixu rü Tupana Nane ya duü̃xü̃xü̃ ixĩcü rü tama norü poramaxã nixĩ i ta̱xacü inaxüxü̃. Natürü ngẽma nüxü̃ nadauxü̃ i nanatü üxü̃xicatama nixĩ i naxüxü̃. Rü guxü̃ma i ngẽma nanatü üxü̃, rü Nane rü ta nanaxü.

Ore i mexü̃ ga Cuáü̃ ümatüxü̃ 3:3

Rü Ngechuchu nanangãxü̃ rü ñanagürü nüxü̃: —Aixcüma cumaxã nüxü̃ chixu, rü yíxema tama wenaxarü buxe rü taxucürüwama Tupana ãẽ̱xgacü ixĩxü̃wa tangu —ñanagürü.

Ore i mexü̃ ga Matéu ümatüxü̃ 9:6

Natürü i ñu̱xma rü tá pexü̃ nüxü̃ nadauxẽxẽ ya yimá Tupana Nane ya duü̃xü̃xü̃ ixĩcü nax ñoma i naanewa nüxü̃́ nangẽxma i pora nax duü̃xü̃güaxü̃́ nüxü̃ yanangümaxü̃ca̱x i norü pecadugü —ñanagürü. Rü yexguma rü ñanagürü nüxü̃ ga gumá nawãĩxãchicü: —¡Inachi, rü nayaxu i curü caruxü̃, rü cupatawa naxũ! —ñanagürü.

Ore i mexü̃ ga Matéu ümatüxü̃ 8:20

Ngechuchu nanangãxü̃ rü ñanagürü: —Ngowagü rü nüxü̃́ nangẽxma i naxmaü̃gü, rü werigü rü nüxü̃́ nangẽxma i naxchiãü̃gü. Natürü yimá Tupana Nane ya duü̃xü̃xü̃ ixĩcü, rü nataxuma i ta̱xacü i nagu yacuxeruxü̃ —ñanagürü.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Ore i mexü̃ ga Cuáü̃ ümatüxü̃ 16:23

Rü ngẽxguma tá ínanguxgu i ngẽma ngunexü̃ nax yanguxü̃ i ñaa pemaxã nüxü̃ chixuxü̃, rü taxuca̱xtama ta̱xacüca̱x choxna pecagü, erü Chaunatü tá pexna nanaxã i guxü̃ma i chauégagu nüxna naxca̱x pecaxü̃.

Ore i mexü̃ ga Cuáü̃ ümatüxü̃ 13:38

Rü Ngechuchu nanangãxü̃, rü ñanagürü: —¿Rü aixcüma yixĩxü̃ i marü ícumemarexü̃ nax cha̱u̱xca̱x cuyuxü̃? Aixcüma cumaxã nüxü̃ chixu rü taxũta yacaxgu ya ota, rü tomaepü̱xcüna tá nüxü̃ quixu nax tama choxü̃ cucuáxü̃ —ñanagürü ga Ngechuchu.

Ore i mexü̃ ga Cuáü̃ ümatüxü̃ 8:58

Rü Ngechuchu nanangãxü̃ rü ñanagürü nüxü̃: —Aixcüma pemaxã nüxü̃ chixu rü tauta Abraáü̃ ngo̱xgu rü choma rü marü chayexma —ñanagürü.

Ore i mexü̃ ga Cuáü̃ ümatüxü̃ 8:34

Rü Ngechuchu ñanagürü nüxü̃: —Aixcüma pemaxã nüxü̃ chixu rü guxãma ya pecaduã́xẽ rü pecadutüü̃wa tangexmagü.

Ore i mexü̃ ga Cuáü̃ ümatüxü̃ 6:26

Rü Ngechuchu nanangãxü̃, rü ñanagürü nüxü̃: —Aixcüma pemaxã nüxü̃ chixu rü cha̱u̱xca̱x pedaugü yerü meama pechibüe nawa ga yema õna ga pexna chaxãxü̃. Rü tama yema cua̱xruxü̃gü ga nüxü̃ pedauxü̃ ga Tupanaarü poramaxã chaxüxü̃xü̃ca̱x nixĩ i cha̱u̱xca̱x pedaugüxü̃.

Ore i mexü̃ ga Cuáü̃ ümatüxü̃ 1:50

Rü Ngechuchu nanangãxü̃, rü ñanagürü nüxü̃: —Cuma rü choxü̃́ cuyaxõ erü cumaxã nüxü̃ chixu nax igutüü̃wa cuxü̃ nax chadauxü̃. Natürü ngẽma ñu̱xma nüxü̃ cudauxü̃arü yexera tá nixĩ i nüxü̃ cudauxü̃ i yixcüra —ñanagürü.