Ore i mexü̃ ga Cuáü̃ ümatüxü̃ 1:49 - Tupanaarü Ore

⁴⁹ Rü Natanaé nanangãxü̃ rü ñanagürü nüxü̃: —Pa Ngúexẽxẽruxü̃, cuma rü Tupana Nane quixĩ. Rü cuma nixĩ i guxü̃ma i Iraétanüxü̃arü Ãẽ̱xgacü quixĩxü̃ —ñanagürü.

Ore i mexü̃ ga Cuáü̃ ümatüxü̃ 1:49 Referans Kwoze

Ore i mexü̃ ga Cuáü̃ ümatüxü̃ 1:34

Choma rü marü yimá Ngechuchuxü̃ chadau rü pemaxã nüxü̃ chixu nax nüma rü aixcüma Tupana Nane yixĩxü̃ —ñanagürü.

Chacaría 9:9

¡Rü poraãcü petaãẽgü, Pa Chióü̃cüã̱xgü! ¡Rü perü taãẽmaxã pewiyaegü, Pa Yerucharéü̃cüã̱xgüx! Erü pexca̱x tá ínangu ya perü ãẽ̱xgacü ya poracü ya mea pemaxã icuácü. Natürü i nüma rü tama nügü yacua̱xüxü̃ãcüma ínangu. Rü wüxi i búruxacüétügumare ínangu.

Chofonía 3:15

Erü nüma ya Cori ya Tupana rü marü ínayachaxãchi nawa i ngẽma poxcu i pemaxã naxueguxü̃ rü marü ínanawoxü̃ i ngẽma perü uanügü. Rü nüma ya Cori ya Tupana ya Iraétanüxü̃arü ãẽ̱xgacü rü petanüwa nangẽxma, rü ngẽmaca̱x marü taxuca̱xma pemuü̃e.

Ore i mexü̃ ga Luca ümatüxü̃ 19:38

Rü ñanagürügü: —¡Namecümaxüchi ya daa ãẽ̱xgacü ya Tupanaégagu núma ũcü! ¡Rü pema rü ta, Pa Dauxü̃cüã̱x, rü petaãxẽgü rü nüxü̃ picua̱xüü̃gü ya Tupana! —ñanagürügü.

Ore i mexü̃ ga Matéu ümatüxü̃ 27:42

—Nüma rü togüxü̃ namaxẽxẽxẽ natürü i ñu̱xma rü tama nüxü̃ nacua̱x nax nügütama namaxẽxẽxü̃. Rü ngẽxguma chi aixcüma Iraétanüxü̃arü Ãẽ̱xgacü yixĩxgu, ¡rü ñu̱xma rü ínaxĩ̱x i curuchawa nax nüxü̃́ yaxõgüxü̃ca̱x!

Ore i mexü̃ ga Matéu ümatüxü̃ 21:5

“¡Chióü̃cüã̱xgümaxã nüxü̃ pixu rü ñapegü! ‘¡Dücax ya perü ãẽ̱xgacü ya nua pexü̃tawa ũcü! Rü nüma rü tama nügü yacua̱xüü̃ãcü ínangu, rü wüxi i búruxacüétügumare naxaunagüãcü ínangu’ ”, ñanagürü ga yema ore.

Ore i mexü̃ ga Matéu ümatüxü̃ 2:2

Rü duü̃xü̃güna nacagüe, rü ñanagürügü: —¿Ngextá nixĩ i nangẽxmaxü̃ ya yimá Yudíugüarü ãẽ̱xgacü ya ngexwaca bucü? Toma rü yéama éstewa nüxü̃ tadau nax nangóxü̃ ya norü woramacuri rü ngẽmaca̱x núma taxĩ nax nüxü̃ tayarücua̱xüü̃güxü̃ca̱x —ñanagürügü.

Ore i mexü̃ ga Cuáü̃ ümatüxü̃ 1:38

Rü nügü ínidau ga Ngechuchu, rü nüxü̃ nadau ga nawe nax naxĩxü̃ ga yema taxre. Rü nüxna naca rü ñanagürü nüxü̃: —¿Ta̱xacüca̱x pedau? —ñanagürü. Rü nümagü rü ñanarügügü: —Pa Ngúexẽẽruxü̃x, ¿ngexta nixĩ icupexü̃? —ñanagürügü.

Ore i mexü̃ ga Matéu ümatüxü̃ 27:11

Rü ãẽ̱xgacü ga Pirátuxü̃tawa Ngechuchuxü̃ nagagü. Rü nüma ga Pirátu rü Ngechuchuna naca, rü ñanagürü: —¿Cuma quixĩxü̃ i Yudíugüarü Ãẽ̱xgacü? —ñanagürü. Rü Ngechuchu nanangãxü̃, rü ñanagürü: —Ngẽma nüxü̃ quixuxü̃ chixĩ i chomax —ñanagürü.

Ore i mexü̃ ga Matéu ümatüxü̃ 14:33

Rü guxü̃ma ga norü ngúexü̃gü ga nguewa yexmagüxü̃ rü Ngechuchupe̱xegu nacaxã́pü̱xügü rü nüxü̃ nicua̱xüü̃gü, rü ñanagürügü nüxü̃: —Aixcümaxü̃chi cuma nixĩ ya Tupana Nane quixĩxü̃ —ñanagürügü.

Ore i mexü̃ ga Cuáü̃ ümatüxü̃ 18:37

Rü yexguma ga Pirátu rü ñanagürü nüxü̃: —¿Ẽ̱xna wüxi i nachixü̃anearü ãẽ̱xgacü quixĩ i cumax? —ñanagürü. Rü Ngechuchu nanangãxü̃ rü ñanagürü: —Cumatama marü nüxü̃ quixu nax ãẽ̱xgacü chixĩxü̃. Rü choma rü chabu rü ñoma ga naanewa chaxũ nax duü̃xü̃gümaxã nüxü̃ chayarüxuxü̃ca̱x i ore i aixcüma ixĩxü̃. Rü guxãma ya yíxema ya yaxõgüxe i ngẽma ore i aixcüma ixĩxü̃, rü choxü̃́ itarüxĩnüe —ñanagürü.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Miquéa 5:2

Rü cumax, Pa Beréü̃ i Efráta, rü woo wüxi ya ĩane ya íxrane quixĩ natanüwa ya guxü̃nema ya Yudáanecüã̱x ya ĩanegü, natürü cugu tá nixĩ i nabuxü̃ ya yimá Iraéanecüã̱xgüarü ãẽ̱xgacü ya woetama marü ngẽxmaechacü.

Ochéa 3:5

Natürü ngẽmawena i nüma i Iraéanecüã̱xgü rü nachixü̃aneca̱x tá nawoegu rü tá Cori ya Tupanaga naxĩnüe. Rü tá Dabítaaca̱x nadaugü nax norü ãẽ̱xgacü yixĩxü̃ca̱x. Rü ngẽma ngunexü̃gü i nawa iyacua̱xgüxü̃gu rü Cori ya Tupanaca̱x tá naxĩ, rü nüxü̃ tá nicua̱xüü̃gü naxca̱x i guxü̃ma i norü ngü̃xẽẽgü ya Tupana tá nüxna ãxü̃.

Ichaía 9:7

Rü nüma rü tá ãẽ̱xgacü ya Dabíchicüxü ingucuchicü nixĩ. Rü ngẽma norü pora nax ãẽ̱xgacü yixĩxü̃ rü guxü̃ i nachixü̃anegüwa tá nangu. Rü ngẽma nügümaxã nax inangüxmüxẽẽãxü̃ i duü̃xü̃gü rü tagutáma inayarüxo. Rü ngẽma nax ãẽ̱xgacü yixĩxü̃ rü mea tá duü̃xü̃gümaxã inacua̱x, rü mexü̃gu tá narüxĩnü rü guxãarü mexü̃ca̱x tá nadau i guxü̃guma. Rü ngẽmaãcü tá nanaxü erü ngẽma nixĩ i norü ngúchaü̃ i nagu naxĩnüxü̃ ya yimá Cori ya Tupana ya Guxãétüwa Ngẽxmacü.

Wiyaegü 110:1

Rü nüma ya Tupana rü chorü Corixü̃ ñanagürü: —¡Chorü tügünecüwawa rüto rü ñu̱xmatáta i ngẽma curü uanügü rü curü chicutüxü̃ chayaxĩxẽẽgü! —ñanagürü.

Danié 9:25

Rü name i nüxü̃ cucua̱x nax ta̱xacüchiga yixĩxü̃ i ngẽma tá cumaxã nüxü̃ chixuxü̃: Rü ngẽma ngunexü̃ i nagu naxunagüxü̃ nax wena namexẽẽgüãxü̃ca̱x ya Yerucharéü̃ rü ñu̱xmata ngẽma ngunexü̃ ya yima ãẽ̱xgacü ya mecü nagu ínguxü̃gu rü 7 i yüxü tá ningu i ngẽxguma. Rü ngẽma nax namexẽẽgüãxü̃ca̱x i Yerucharéü̃arü namagü rü norü poxeguxü̃tápü̱x rü 62 ya yüxü tá ningu. Natürü ngẽma ngunexü̃gügu rü tá taxü̃ i guxchaxü̃ nangẽxma.

Wiyaegü 2:6

—Choma rü marü nüxü̃ chaxuneta ya yimá ãẽ̱xgacü ya choma chanaxwa̱xecü nax yima ma̱xpǘne ya üünene ya Chióü̃wa ãẽ̱xgacü yixĩxü̃ca̱x —ñanagürü.

Ore i mexü̃ ga Matéu ümatüxü̃ 4:3

Rü yexguma ga ngo̱xo ga Chataná rü Ngechuchuxü̃tawa nangu, nax nüxü̃ naxüxü̃ca̱x. Rü ñanagürü nüxü̃: —Ega aixcüma Tupana Nane quixĩxgu, ¡rü daa nutagüxü̃ namu nax paũxü̃ nanguxü̃xü̃ca̱x! —ñanagürü ga Chataná.

Ore i mexü̃ ga Matéu ümatüxü̃ 23:7

Rü ĩanearü plazagüwa rü nanaxwa̱xegü nax duü̃xü̃gü mea nüxü̃ rümoxẽgüxü̃. Rü nanaxwa̱xegü nax duü̃xü̃gü rü: “Pa Ngúexẽẽruxü̃x”, ñagüxü̃ nüxü̃.

Ore i mexü̃ ga Matéu ümatüxü̃ 23:8

¡Natürü i pemax, Pa Chorü Duü̃xü̃güx, rü taxũtáma penaxwa̱xe nax duü̃xü̃gü “Pa Ngúexẽẽruxü̃”, ñagüxü̃ pexü̃! Erü guxãma i pema rü pegüenexẽgü pixĩgü, rü wüxixicatama nixĩ ya perü Ngúexẽẽruxü̃ ixĩcü.

Ore i mexü̃ ga Márcu ümatüxü̃ 15:32

¡Ñu̱xma rü ínaxĩ̱x i curuchawa i ngẽma Cristu i Iraétanüxü̃arü Ãẽ̱xgacü nax nüxü̃ idaugüxü̃ca̱x rü nüxü̃́ yaxõgüxü̃ca̱x! —ñanagürügü. Rü woo ga yema máetagüxü̃ ga naxrüxü̃ curuchawa ipotagüxü̃, rü namaxã naguxchigagü.

Ore i mexü̃ ga Luca ümatüxü̃ 1:35

Rü nüma ga daxũcüã̱x ga Gábi rü ngĩxü̃ nangãxü̃, rü ñanagürü: —Tupanaãxẽ ya Üünecü tá cuxna nangu. Rü Tupana ya Guxü̃étüwa Ngẽxmacüarü pora rü wüxi i caixanexü̃rüxü̃ tá cugu nayanga̱i̱xema. Rü ngẽmaca̱x ngẽma cune rü Üünecü ya Tupana Nanemaxã tá nanaxugü i duü̃xü̃gü.

Ore i mexü̃ ga Cuáü̃ ümatüxü̃ 1:50

Rü Ngechuchu nanangãxü̃, rü ñanagürü nüxü̃: —Cuma rü choxü̃́ cuyaxõ erü cumaxã nüxü̃ chixu nax igutüü̃wa cuxü̃ nax chadauxü̃. Natürü ngẽma ñu̱xma nüxü̃ cudauxü̃arü yexera tá nixĩ i nüxü̃ cudauxü̃ i yixcüra —ñanagürü.

Ore i mexü̃ ga Cuáü̃ ümatüxü̃ 4:31

Rü yoxni ga norü ngúexü̃gü rü Ngechuchuxü̃ nachixewegü nax nachibüxü̃ca̱x.