Ore i mexü̃ ga Cuáü̃ ümatüxü̃ 1:47 - Tupanaarü Ore

⁴⁷ Rü yexguma Ngechuchu Natanaéxü̃ da̱u̱xgu ga naxca̱x nax yaxũxü̃, rü ñanagürü: —¡Dücax! Yéa ne naxũ i wüxi i yatü i aixcüma Iraétanüxü̃ ixĩxü̃ i aixcüma ngearü chixexü̃ã́xü̃ —ñanagürü.

Ore i mexü̃ ga Cuáü̃ ümatüxü̃ 1:47 Referans Kwoze

Yema Cuáü̃ nüxü̃ dauxü̃ i yixcüra tá ngupetüxü̃chiga 14:5

Rü yematanüwa rü nataxuma ga dora, erü Tupanape̱xewa rü taxuxü̃ma ga chixexü̃ naxügü.

Wiyaegü 73:1

Tupana rü namaxã namecüma i ngẽma Iraétanüxü̃ i mexü̃gu rüxĩnüexü̃.

Wiyaegü 32:2

Rü nataãxẽ ya yimá yatü ya Tupana nüxü̃́ nüxü̃ irüngümacü i norü pecadu rü norü maxü̃wa rü nataxuma i dora.

Romanos 9:4

Rü nümagü rü chauxrüxü̃ Iraétanüxü̃ nixĩgü. Rü Tupana rü nũxcümaxü̃chima namaxã inaxuneta nax naxacügü yixĩgüxü̃ca̱x. Rü Tupana rü norü üünemaxã natanüwa nayexma rü namaxã inaxuneta rü tá nüxü̃ narüngü̃xẽxẽ ega naga naxĩnüegu. Rü nüxna nanaxã ga yema mugü ga Moiché ümatüxü̃. Rü nanangúexẽxẽ nax nüxü̃ yacua̱xüü̃güxü̃ca̱x. Rü namaxã inaxuneta ga norü unetagü.

Romanos 9:6

Rü ñu̱xma rü woo tama guxü̃ i Yudíugü nax yaxõgüxü̃, natürü taxucürüwama texé nüxü̃ tixu nax Tupana rü tama yangu̱xẽẽãxü̃ i norü uneta. Erü tama guxü̃ma i Yudíugü rü aixcüma Tupanaarü duü̃xü̃gü nixĩgü.

Ore i mexü̃ ga Cuáü̃ ümatüxü̃ 8:31

Rü yexguma ga Ngechuchu rü ñanagürü nüxü̃ ga yema Yudíugü ga nüxü̃́ yaxõgüxü̃: —Ngẽxguma pema meama peyaxõgüechagu i ngẽma pemaxã nüxü̃ chixuxü̃, rü aixcümaxü̃chi tá chorü ngúexü̃gü pixĩgü.

Nüxíraxü̃xü̃ ga popera ga Pedru ümatüxü̃ 2:22

Nüma ga Cristu rü taguma pecadu naxü, rü taguma texéxü̃ nawomüxẽxẽ.

Nüxíraxü̃xü̃ ga popera ga Pedru ümatüxü̃ 2:1

Rü ngẽmaca̱x name nixĩ i nüxü̃ perüxoe i guxü̃ma i chixexü̃gü, rü ngẽma nax pidorata̱a̱xgüxü̃, rü ngẽma nax togüpe̱xewa mea pemaxẽnetaxü̃, rü ngẽma nax pixãũxãchiwa̱xegüxü̃, rü ngẽma nax pixoregüta̱a̱xgüxü̃.

Filipenses 3:3

Natürü yíxema aixcüma Tupanape̱xewa imexe, rü yixema tixĩgü. Rü Tupanaxü̃ ticua̱xüü̃gü i Naãxẽ ya Üünexü̃arü ngü̃xẽẽmaxã. Rü tataãẽgü erü Ngechuchu ya Cristuarü duü̃xü̃gü tixĩgü. Rü tama tayaxõgü nax ngẽma yigü íiwíecha̱xmüxü̃pe̱xechiraü̃xü̃ca̱x Tupanape̱xewa imexü̃.

Ore i mexü̃ ga Cuáü̃ ümatüxü̃ 8:39

Rü nümagü rü Ngechuchuxü̃ nangãxü̃ rü ñanagürügü: —Torü o̱xi nixĩ ga Abráü̃ —ñanagürügü. Natürü Ngechuchu nanangãxü̃ rü ñanagürü nüxü̃: —Ngẽxguma chi aixcüma Abraáü̃taxa pixĩgügu rü chi Abráü̃ üxü̃rüxü̃ penaxü.

Ore i mexü̃ ga Cuáü̃ ümatüxü̃ 2:25

Rü yemaca̱x ga nüma rü taxuca̱xma texé namaxã nüxü̃ tixu nax ta̱xacügu naxĩnüexü̃ ga yema duü̃xü̃gü. Yerü nümatama marü nüxü̃ nacua̱x nax ta̱xacügu naxĩnüexü̃ ga naãxẽwa ga wüxichigü.

Ore i mexü̃ ga Cuáü̃ ümatüxü̃ 4:16

Rü Ngechuchu ñanagürü ngĩxü̃: —¡Íyadau ya cute, rü naxca̱x yaca, rü nua pexĩ! —ñanagürü.