Ore i mexü̃ ga Cuáü̃ ümatüxü̃ 1:44 - Tupanaarü Ore

⁴⁴ Rü nüma ga Ferípe rü ĩane ga Bechaídacüã̱x nixĩ. Rü yémacüã̱xgü ta nixĩ ga André rü Pedru.

Ore i mexü̃ ga Cuáü̃ ümatüxü̃ 1:44 Referans Kwoze

Ore i mexü̃ ga Cuáü̃ ümatüxü̃ 12:21

Rü yema Griégugü rü Ferípeca̱x naxĩ. Rü nüma ga Ferípe rü Gariréaanearü ĩane ga Bechaídacüã̱x nixĩ. Rü yema Griégugü rü nüxü̃ naca̱a̱xü̃gü rü ñanagürügü: —Pa Corix, nüxü̃ tadaugüchaü̃ ya Ngechuchu —ñanagürügü.

Ore i mexü̃ ga Matéu ümatüxü̃ 11:21

Rü ñanagürü ga Ngechuchu: “Wüxi i ngechaü̃ nixĩ i pexca̱x, Pa Corachíü̃cüã̱x rü Pa Bechaídacüã̱x. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo ga nax poraãcü yachixexü̃ ga yema duü̃xü̃gü, rü nũxcümama chitama nüxü̃ narüxoe ga yema nacüma ga chixexü̃, rü poraãcüxüchi chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ore i mexü̃ ga Luca ümatüxü̃ 10:13

Rü wüxi i ngechaü̃ nixĩ i pexca̱x, Pa Corachíü̃cüã̱x rü Bechaídacüã̱x i Duü̃xü̃güx. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo nax poraãcü yachixexü̃ ga yema Tírucüã̱x rü Chidóü̃cüã̱x ga duü̃xü̃gü rü nũxcümama chitama nüxü̃ narüxoe ga nacüma ga chixexü̃, rü poraãcü chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ore i mexü̃ ga Luca ümatüxü̃ 9:10

Rü yexguma nawoegu̱xgu ga yema Ngechuchuarü ngúexü̃gü ga yamugüxü̃, rü Ngechuchumaxã nüxü̃ nixugüe ga yema naxügüxü̃. Rü nüma ga Ngechuchu rü yema norü ngúexü̃gümaxã nixũgachi, rü Bechaídaarü ĩanewa namaxã naxũ.

Ore i mexü̃ ga Márcu ümatüxü̃ 8:22

Rü yemawena rü Bechaídaarü ĩanewa nangugü. Rü yéma Ngechuchuxü̃tawa nanagagü ga wüxi ga ngexetücü. Rü nüxü̃ naca̱a̱xü̃gü nax nüxü̃ yangõgüxü̃ca̱x.

Ore i mexü̃ ga Márcu ümatüxü̃ 6:45

Rü yemawena ga Ngechuchu rü wüxi ga nguegu nayachoü̃xẽxẽ ga norü ngúexü̃gü nax nüxíra naxtaxaarü tocutüwa Bechaídawa naxĩxü̃ca̱x. Rü yexgumayane ga nüma rü duü̃xü̃güxü̃ ínimugü.

Ore i mexü̃ ga Márcu ümatüxü̃ 3:18

Rü togü nixĩ ga André, rü Ferípe, rü Barturumé, rü Matéu, rü Tumáchi, rü Chantiágu ga Arupéu nane, rü Tadéu, rü Chimóü̃ ga Poraãẽxü̃.

Ore i mexü̃ ga Matéu ümatüxü̃ 10:3

Rü togü nixĩ ga Ferípe, rü Barturumé, rü Tumáchi, rü Matéu ga Rómaarü ãẽ̱xgacüca̱x diẽruarü yauxwa puracüchirécü. Rü togü nixĩ ga Chantiágu ga Arupéu nane, rü Tadéu.

Ngechuchuarü ngúexü̃gü ga yamugüxü̃arü puracüchiga 1:13

Rü yexguma Yerucharéü̃arü ĩanewa nangugügu, rü nagu nachocu ga gumá ĩ ga nagu napegüne. Rü dauxna naxĩgü naxca̱x ga yema ucapu ga taxü̃ ga nagu napegüxü̃. Rü nümagü nixĩ ga Pedru, rü Cuáü̃, rü Chantiágu, rü André, rü Ferípe, rü Tumáchi, rü Barturumé, rü Matéu, rü Chantiágu ga Arupéu nane, rü Chimóü̃ ga Iporaãẽcüücü, rü Yúda ga Chantiágu naenexẽ.

Ore i mexü̃ ga Luca ümatüxü̃ 6:14

Rü yema yatügü ga nadexü̃ rü Chimóü̃ ga Pedrugu nanaxüéga nixĩ ga wüxi. Rü to nixĩ ga André ga Chimóü̃ naenexẽ, rü Chantiágu rü Cuáü̃, rü Ferípe, rü Barturumé,

Ore i mexü̃ ga Cuáü̃ ümatüxü̃ 1:43

Rü moxü̃ãcü ga Ngechuchu rü nügü namexẽxẽ nax Gariréaanewa naxũxü̃ca̱x. Rü yéma Ferípexü̃ nadau rü ñanagürü nüxü̃: —¡Chowe rüxũ! —ñanagürü.

Ore i mexü̃ ga Cuáü̃ ümatüxü̃ 1:45

Rü Ferípe rü Natanaéca̱x nayadau, rü ñanagürü nüxü̃: —Marü nüxü̃ itayangau ya yimá Cristu ga Moiché nachiga naxümatücü ga mugüarü poperawa, rü nũxcümaü̃güxü̃ ga Tupanaarü Orearü uruü̃gü ta nachiga naxümatügücü. Yimá nixĩ ya Yúche nane ya Ngechuchu ya Nacharétucüã̱x —ñanagürü.

Ore i mexü̃ ga Cuáü̃ ümatüxü̃ 1:46

Rü ñanagürü ga Natanaé: —¿Ñuxãcü i ta̱xacürü mexü̃ i Nacharétuwa ne ũxü̃? —ñanagürü. Rü Ferípe nanangãxü̃, rü ñanagürü nüxü̃: —¡Dücax, ngĩxã rü ítayadau! —ñanagürü.

Ore i mexü̃ ga Cuáü̃ ümatüxü̃ 1:48

Rü yexguma ga Natanaé rü Ngechuchuna naca, rü ñanagürü nüxü̃: —¿Ñuxãcü i choxü̃ cucuáxü̃? —ñanagürü. Rü Ngechuchu nanangãxü̃ rü ñanagürü nüxü̃: —Naxü̃pa nax Ferípe cuxca̱x ca̱xaxü̃, rü choma rü cuxü̃ chadau ga yexguma ori̱x ga igutüü̃gu curüxã̱ũ̱xgux —ñanagürü.

Ore i mexü̃ ga Cuáü̃ ümatüxü̃ 6:5

Rü yexguma Ngechuchu nüxü̃ dawenügu rü nüxü̃ nadau ga yema muxü̃ma ga duü̃xü̃gü ga nawe rüxĩxü̃. Rü Ferípena naca, rü ñanagürü: —¿Rü ngextá tá naxca̱x tataxe i paũ naxca̱x i ñaa duü̃xü̃gü nax nachibüexü̃ca̱x? —ñanagürü.

Ore i mexü̃ ga Cuáü̃ ümatüxü̃ 6:7

Rü yexguma Ngechuchuxü̃ nangãxü̃ ga Ferípe, rü ñanagürü: —Woo chi naxca̱x itaxegügu i 200 i diẽru naguxü̃ i paũ, rü taxũchima nüxü̃́ ningu ega woo wüxichigüna íxraxü̃ ĩ̱xãchigügügu —ñanagürü.

Ore i mexü̃ ga Cuáü̃ ümatüxü̃ 12:22

Rü Ferípe rü Andrémaxã nüxü̃ nayarüxu. Rü yema taxre rü wüxigu Ngechuchuxü̃tawa naxĩ, rü namaxã nüxü̃ nayarüxugü.