Ore i mexü̃ ga Cuáü̃ ümatüxü̃ 1:41 - Tupanaarü Ore

⁴¹ Rü yexgumatama ga André, rü naenexẽ ga Chimóü̃ca̱x nayadau. Rü ñanagürü nüxü̃: —Rü marü nüxü̃ itayangau ya yimá nũxcüma Tupana nüxü̃ unetacü ga Cristu —ñanagürü.

Ore i mexü̃ ga Cuáü̃ ümatüxü̃ 1:41 Referans Kwoze

Ore i mexü̃ ga Cuáü̃ ümatüxü̃ 4:25

Rü yema ngecü inangãxü̃ rü ngĩgürügü: —Choma nüxü̃ chacua̱x rü tá ñoma i naanewa nangu ya yimá Cristu ya Tupana nüxü̃ unetacü. Rü ngẽxguma yimá núma ũxgu rü tá tamaxã nanango̱xẽxẽ i guxü̃ma i Tupanachiga —ngĩgürügü.

Ore i mexü̃ ga Cuáü̃ ümatüxü̃ 1:45

Rü Ferípe rü Natanaéca̱x nayadau, rü ñanagürü nüxü̃: —Marü nüxü̃ itayangau ya yimá Cristu ga Moiché nachiga naxümatücü ga mugüarü poperawa, rü nũxcümaü̃güxü̃ ga Tupanaarü Orearü uruü̃gü ta nachiga naxümatügücü. Yimá nixĩ ya Yúche nane ya Ngechuchu ya Nacharétucüã̱x —ñanagürü.

Wiyaegü 89:20

Rü nüma nixĩ ya yimá chorü duü̃ ya Dabí. Rü yexguma chorü chíxü̃ i üünexü̃maxã chanabaerugu, rü nüxü̃ chaxuneta nax chorü duü̃xü̃güarü ãẽ̱xgacü yixĩxü̃ca̱x.

Ngechuchuarü ngúexü̃gü ga yamugüxü̃arü puracüchiga 10:38

Rü pema nüxü̃ pecua̱x nax Tupana naporaxẽẽxü̃ ga Ngechuchu ya Nacharétucüã̱x rü nüxna namuaxü̃ ga Naãxẽ ya Üünecü. Rü nüma ga Ngechuchu rü mexü̃ naxü ga yema íyaxũgüxü̃wa, rü nanameexẽxẽ ga guxü̃ma ga yema ngo̱xome̱xẽwa yexmagüxü̃, yerü Tupana nüxü̃ narüngü̃xẽxẽ.

Ore i mexü̃ ga Luca ümatüxü̃ 2:38

Rü yexguma Chimeóü̃ idexayane, rü yéma ingu ga Ána, rü Tupanana moxẽ ixã. Rü iinaxügü ga bucü ga Ngechuchuchiga nax yadexaxü̃ nape̱xewa ga guxü̃ma ga yema duü̃xü̃gü ga ínangu̱xuxẽẽgüxü̃ nax norü uanüme̱xẽwa ínanguxuchixü̃ ga Yerucharéü̃.

Ore i mexü̃ ga Luca ümatüxü̃ 2:17

Rü nawena nax gumá bucüxü̃ nadaugüxü̃, rü duü̃xü̃gümaxã nüxü̃ nixugüe ga yema ore ga Tupanaarü orearü ngeruü̃gü ga daxũcüã̱x namaxã nüxü̃ ixugüxü̃ ga gumá bucüchiga.

Ngechuchuarü ngúexü̃gü ga yamugüxü̃arü puracüchiga 4:27

Rü aixcüma nixĩ, Pa Tupanax, ga daa ĩanewa ga ãẽ̱xgacügü ga Eróde rü Pirátu nax nügümaxã nangutaque̱xegüxü̃ namaxã ga to ga nachixü̃anegücüã̱x rü totanüxü̃ ga Iraétanüxü̃, nax yama̱xgüãxü̃ca̱x ya curü ngü̃xẽẽruxü̃ ya üünecü ya Ngechuchu ya cuma nüxü̃ cuxunetacü nax Cristu yixĩxü̃ca̱x.

Ichaía 61:1

Tupanaãxẽ i Üünexü̃ rü chowa nangẽxma, erü Tupana rü choxü̃ naxuneta rü choxü̃ inamuãchi nax yíxema ngearü diẽruã̱xgüxemaxã nüxü̃ chixuxü̃ca̱x i mexü̃ i ore rü tüxü̃ chataãẽxẽẽgüxü̃ca̱x ya yíxema naxĩ̱xãchiãẽgüxe. Rü choxü̃ naxuneta nax yíxema to i nachixü̃anewa gagüxemaxã nüxü̃ chixuxü̃ca̱x nax paxa tá ítanguxü̃xü̃ rü yíxema poxcupataxü̃wa ngẽxmagüxe rü tá ta ítanguxü̃xü̃

Ichaía 11:2

Rü Cori ya Tupanaãxẽ rü guxü̃gutáma naxü̃tawa nangẽxma rü namaxã inacua̱x. Rü tá nüxna nanaxã i cua̱x nax mea naãẽxü̃ nacuáxü̃ca̱x. Rü tá nüxna nanaxã i tauxcha nax mea nügümaxã inacuáxü̃ca̱x. Rü tá nüxna nanaxã i pora rü tá nüxü̃ narüngü̃xẽxẽ nax Tupanaarü ngúchaü̃xü̃ nacuáxü̃ rü naga naxĩnüxü̃.

Wiyaegü 45:7

Rü cumax, Pa Ãẽ̱xgacüx, namaxã cutaãxẽ i ngẽma mexü̃ ixĩxü̃, natürü naxchi cuxai i ngẽma chixexü̃. Rü yemaca̱x nixĩ ga Tupana chixü̃ ga paacaxü̃maxã cuxü̃ nabaeruxü̃ rü cuxü̃ naxunetaxü̃ nax cumücügüarü yexera taãxẽ cuxü̃́ ngẽxmaxü̃ca̱x.

Wiyaegü 2:2

Rü ñoma i naanecüã̱x i nachixü̃anegüarü ãẽ̱xgacügü rü Tupanamaxã rü yimá ãẽ̱xgacü ya nüma yangucuchixẽẽcümaxã nanue, rü wüxigu nagu narüxĩnüe nax ñuxãcü yimáxü̃ ínata̱xüchigüxü̃.

Norü taxre ga popera ga ãẽ̱xgacügüchiga 7:9

Natürü yixcaama rü nügümaxã ñanagürügü: —Tama mexü̃ taxügü. Erü ñaa ngunexü̃chire̱x nixĩ i namexü̃ nax nüxü̃ yarüxugüexü̃ i mexü̃ i ore natürü yixema rü nua tarüchianegümare. Rü ngẽxguma chi moxü̃ ínanguxẽẽgü nax nüxü̃ yarüxugüxü̃ rü chi tüxü̃ napoxcue. Rü narümemae nixĩ nax ãẽ̱xgacüpatawa ixĩxü̃ rü nüxü̃ yarüxugüexü̃ nax yabuxmüxü̃ i Chíriaanearü churaragü —ñanagürügü.

Nüxíraxü̃xü̃ ga popera ga Cuáü̃ ümatüxü̃ 1:3

Rü yema toma nüxü̃ tadaugüxü̃ rü nüxü̃ taxĩnüexü̃ rü ngẽma nixĩ i pemaxã nüxü̃ tixuxü̃ nax totanüxü̃ pixĩgüxü̃ca̱x, ngẽxgumarüxü̃ i tomax nax Tanatü ya Tupana rü Nane ya Ngechuchu ya Cristutanüxü̃ tixĩgüxü̃rüxü̃.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.