Ore i mexü̃ ga Cuáü̃ ümatüxü̃ 1:14 - Tupanaarü Ore

¹⁴ Rü nüma ya yimá Nane ya Tupanaarü Oregu ãégacü rü duü̃xü̃xü̃ nügü nixĩxẽxẽ. Rü totanüwa namaxü̃ rü nüxü̃ tadaugü ga norü üüne ga Nanatüxü̃tawa nayaxuxü̃, yerü Nane ga nügümaxã wüxicacü nixĩ. Rü nüma ga Nane rü poraãcü duü̃xü̃güxü̃ nangechaxü̃ rü aixcüma nixĩ ga norü ore.

Ore i mexü̃ ga Cuáü̃ ümatüxü̃ 1:14 Referans Kwoze

Nüxíraxü̃xü̃ ga popera ga Cuáü̃ ümatüxü̃ 4:9

Tupana rü ñoma ga naanewa nanamu ga Nane ya nügümaxã wüxicacü nax yimágagu tüxü̃́ nangẽxmaxü̃ca̱x i maxü̃ i taguma gúxü̃. Rü yemawa Tupana tüxü̃ nüxü̃ nadauxẽxẽ nax tüxü̃ nangechaü̃xü̃.

Nüxíraxü̃xü̃ ga popera ga Timutéuca̱x naxümatüxü̃ ga Pauru 3:16

Rü nüxü̃ tacua̱x nax aixcüma yixĩxü̃ i ngẽma ore ga noxri ẽxü̃guxü̃ i ñu̱xma Tupana tüxü̃ nüxü̃ cua̱xẽẽxü̃ i Cristuchiga. Rü nüma ga Cristu rü duü̃xü̃xü̃ nügü nixĩxẽxẽ rü yemaacü nügü nango̱xẽxẽ ga yexguma ñoma ga naanewa nayexmagu. Rü Naãxẽ ya Üünexü̃ tüxü̃ nüxü̃ nacua̱xẽxẽ nax Cristu rü aixcüma Tupana yixĩxü̃. Rü Tupanaarü orearü ngeruü̃gü i daxũcüã̱x nüxü̃ nadaugü. Rü ngẽma tama Yudíugü ixĩgüxü̃maxã nüxü̃ nixuchigagü. Rü guxü̃wama i ñoma i naanewa rü nüxü̃́ nayaxõgü. Rü Nanatü rü wenaxarü daxũguxü̃ i naanewa nanaga.

Ore i mexü̃ ga Cuáü̃ ümatüxü̃ 1:1

Naxü̃pa ga guxü̃ma, rü marü nayexma ga Tupana Nane. Rü Tupanamaxã nayexma rü woetama Tupana nixĩ ga nümax. Nüma rü Tupanaarü Ore nixĩ i naéga.

Gálatas 4:4

Natürü yexguma nawa nanguxgu ga yema ngunexü̃ ga inaxunetaxü̃ ga Tupana, rü núma nanamu ga Nane. Rü duü̃xü̃gürüxü̃ wüxi ga ngewa nabu ga gumá Nane. Rü yema Moiché ümatüxü̃ ga mugütüü̃wa nayexma ga yexguma nabuxgu.

Ichaía 40:5

Rü ngẽxguma i nüma ya Cori ya Tupana rü tá nügü nango̱xẽxẽ nax ñuxãcü naporaxüchixü̃. Rü guxü̃ma i duü̃xü̃gü rü tá nüxü̃ nadaugü i ngẽma norü pora. Rü Cori ya Tupanatama nixĩ i ngẽma ñaxü̃ —ñanagürü.

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Ore i mexü̃ ga Cuáü̃ ümatüxü̃ 6:51

Chomatama nixĩ i paũ i maxẽxẽxẽruxü̃ i daxũwa ne chaxũxü̃. Rü texé ya ñaa paũ ngṍxe rü guxü̃gutáma namaxecha. Erü ngẽma paũ i choma tüxna chaxãxü̃ rü chaxunetama nixĩ. Rü ichanaxã i chaxune nax namaxẽxü̃ca̱x i ñoma i naanecüã̱x i duü̃xü̃gü —ñanagürü ga Ngechuchu.

Colosenses 1:19

Rü nüma ga Tupana rü nanaxwa̱xe nax guxü̃ma i norü pora rü Cristuwa nayexmaxü̃.

1 Corintios 15:47

Gumá nüxíraü̃cü ga yatü ga waixü̃müwa ücü, rü ñoma ga naanecüã̱x nixĩ. Natürü tórü Cori ya Cristu rü daxũguxü̃ i naanecüã̱x nixĩ.

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Wiyaegü 2:7

Rü choma rü tá chanaxunagü i ngẽma Cori ya Tupana nagu rüxĩnüxü̃, rü chomaxã nüxü̃ yaxuxü̃ i ñaxü̃: —Cuma rü chaune quixĩ, rü choma rü Cunatü chixĩ i ñu̱xma.

Nüxíraxü̃xü̃ ga popera ga Cuáü̃ ümatüxü̃ 4:14

Rü tomatama nüxü̃ tadaugü rü nüxü̃ tixuchigagü nax Tanatü ya Tupana núma namuxü̃ ga Nane nax guxü̃ma i duü̃xü̃güxü̃ namaxẽxẽẽxü̃ca̱x.

Norü taxre ga popera ga Cuáü̃ ümatüxü̃ 1:7

Guxü̃wama i ñoma i naanewa rü nanaxĩane i muxü̃ma i womüxẽẽwa̱xegüxü̃. Rü tama nayaxõgü nax Ngechuchu ya Cristu rü duü̃xü̃xü̃ yaxĩxü̃. Rü ngẽma ngẽmaãcü idexaxü̃, rü wüxi i womüxẽẽruxü̃ nixĩ, rü Cristuarü uanü nixĩ.

Ichaía 53:2

Rü nüma ya Cori ya Tupana rü nanaxwa̱xe ya yimá norü duü̃ rü ñoma wüxi i nanetü i ngexwaca rüxüxü̃ rü naxchúma̱xã i waixü̃mü i paanewa ixücuxü̃rüxü̃ nax yixĩxü̃. Rü nüma rü tama namechiwe rü ngẽmaca̱x taxúxeaxü̃́ nangúchaü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 21:3

Rü nüxü̃ chaxĩnü ga wüxi ga naga ga yema tochicaxü̃wa inaxũxü̃ ga tagaãcü ñaxü̃: “Ñaa nixĩ i nachica ya Tupana nawa maxü̃xü̃ natanüwa i duü̃xü̃gü. Rü nüma rü natanüwa tá nangẽxma, rü nümagü rü norü duü̃xü̃gü tá nixĩgü. Rü nüma tátama natanüwa namaxü̃ nax guxü̃guma norü Tupana yixĩxü̃ca̱x.

Popera ga Yudíugü ga yaxõgüxü̃ca̱x ümatüxü̃ 5:5

Rü yexgumarüxü̃ ga Ngechuchu rü tama nügütama ningucuchixẽxẽ nax Tupanape̱xewa tórü poxü̃ruxü̃ i chacherdotegüarü ãẽ̱xgacü yixĩxü̃ca̱x. Natürü Tupana nixĩ ga yangucuchixẽẽcü. Yerü Tupanatama nixĩ ga nüxü̃ ñacü: “Cuma nixĩ i Chaune. Rü ñu̱xma chanango̱xẽxẽ nax Chaune quixĩxü̃”, ñacü.

Popera ga Yudíugü ga yaxõgüxü̃ca̱x ümatüxü̃ 10:5

Rü yemaca̱x ga Cristu ga yexguma ñoma ga naanewa naxũxgu, rü Tupanaxü̃ ñanagürü: “Tama cunaxwa̱xe nax ãmaregü i naxü̃nagü cuxca̱x nada̱i̱xü̃ nax naxütanügüãxü̃ca̱x i pecadugü. Natürü choxna cunaxã i wüxi i chaxune nax ngẽma ichaxãxü̃ca̱x.

Ore i mexü̃ ga Cuáü̃ ümatüxü̃ 11:40

Natürü ga Ngechuchu rü ñanagürü ngĩxü̃: —¿Taux ẽ̱xna i marü cumaxã nüxü̃ chixuchiréxü̃ rü ngẽxguma cuyaxõxgu rü tá nüxü̃ cudau i ngẽma mexü̃ ya Tupana norü poramaxã naxüxü̃? —ñanagürü.

Ore i mexü̃ ga Cuáü̃ ümatüxü̃ 3:16

Rü Tupana rü poraãcü nüxü̃ nangechaü̃ i ñoma i naanecüã̱x i duü̃xü̃gü. Rü yemaca̱x inanamu ga Nane ga nügümaxã wüxicacü nax guxãma ya texé ya nüxü̃́ yaxõgüxe rü tama itarütauxexü̃ca̱x rü tüxü̃́ nangẽxmaxü̃ca̱x i maxü̃ i taguma gúxü̃.

Ore i mexü̃ ga Cuáü̃ ümatüxü̃ 2:11

Rü guma Gariréaanewa yexmane ga ĩane ga Canáwa nixĩ ga yema naxüxü̃ ga Ngechuchu. Rü yema nixĩ ga nüxíraxü̃xü̃ ga cua̱xruxü̃ ga Tupanaarü poramaxã üxü̃ ga nawa nügü inawéxü̃ ga Tupana Nane nax yixĩxü̃. Rü nüma ga norü ngúexü̃gü rü nüxü̃́ nayaxõgü.

Ore i mexü̃ ga Cuáü̃ ümatüxü̃ 14:6

Rü Ngechuchu nanangãxü̃, rü ñanagürü: —Choma nixĩ i nama i Chaunatüxü̃tawa nadaxü̃. Rü ngẽma nüxü̃ chixuxü̃ rü aixcüma nixĩ. Rü choma nixĩ i duü̃xü̃güxü̃ chamaxẽxẽẽxü̃. Rü chaugaguxicatama nixĩ i Chaunatüxü̃tawa nangugüxü̃ i duü̃xü̃gü.

Popera ga Yudíugü ga yaxõgüxü̃ca̱x ümatüxü̃ 1:5

Rü Tupana rü taguma wüxi ga norü orearü ngẽruxü̃ i daxũcüã̱xchiga ñanagürü: “Cuma nixĩ i Chaune. Rü ñu̱xma chanango̱xẽxẽ nax aixcüma Chaune quixĩxü̃”, ñanagürü. Rü taguma wüxi ga norü orearü ngẽruxü̃ i daxũcüã̱xchigü ñanagürü: “Choma nixĩ i Nanatü chixĩxü̃ rü nüma rü Chaune nixĩ”, ñanagürü.

Ore i mexü̃ ga Cuáü̃ ümatüxü̃ 14:9

Rü Ngechuchu nanangãxü̃, rü ñanagürü: —Pa Ferípex, ¿ñuxre ya taunecü marü petanüwa changexma rü ñu̱xma rü ta tama choxü̃ cucuáxü̃? Yíxema choxü̃ dauxe rü Chaunatüxü̃ rü ta tadau. ¿Rü tü̱xcüü̃ i ngẽxguma rü ta cunaxwa̱xexü̃ i pexü̃ nüxü̃ nax chadauxẽẽxü̃ ya Chaunatü?

Ore i mexü̃ ga Luca ümatüxü̃ 9:32

Rü Pedru rü namücügü rü woo poraãcü nax nayaxtaegüxü̃, rü tama napee. Rü nüxü̃ nadaugü nax poraãcü nangóonexü̃ naxü̃tawa ga Ngechuchu rü yema taxre ga yatügü ga namaxã yexmagüxü̃.

Ore i mexü̃ ga Cuáü̃ ümatüxü̃ 17:22

Rü choma rü marü nüxna chanaxã i ngẽmatama pora i cuma choxna cuxãxü̃ nax ngẽmaãcü wüxitama yaxĩgüxü̃ca̱x ngẽma cuma rü choma nax wüxitama ixĩgüxü̃rüxü̃.

Ore i mexü̃ ga Cuáü̃ ümatüxü̃ 3:18

Rü yíxema Tupana Naneaxü̃́ yaxṍxe, rü Tupana rü tama poxcu tümamaxã naxuegu. Natürü yíxema tama nüxü̃́ yaxṍxe, rü marü poxcu tümamaxã naxuegu, erü tama nüxü̃́ tayaxõ ya yimá Tupana Nane ya nügümaxã wüxicacü.

Ore i mexü̃ ga Luca ümatüxü̃ 2:11

Erü ñu̱xma rü Dabíarü ĩane ya Beréü̃gu nabu ya wüxi ya maxẽxẽẽruxü̃. Rü nüma rü Cori ya Cristu nixĩ.

Wiyaegü 45:2

Rü cumax, Pa Ãẽ̱xgacüx, rü guxü̃ i yatügüxü̃ curümemae. Rü ngẽma curü dexa i cua̱xwa ixũxũxü̃ rü namexẽchi. Erü ya Tupana rü guxü̃guma cuxü̃ narüngü̃xẽxẽ.

Popera ga Yudíugü ga yaxõgüxü̃ca̱x ümatüxü̃ 2:11

Rü Ngechuchu nixĩ ya tüxü̃ imexẽẽgücü nax Tupanape̱xewa ixüünegüxü̃ca̱x. Rü ñu̱xma i nüma ya Ngechuchu ya tüxü̃ imexẽẽgücü rü guxãma i yixema nax tüxü̃ yaxüünexẽẽgüxü̃ rü wüxitama nixĩ ya Tanatü. Rü ngẽmaca̱x nixĩ i nüma ya Ngechuchu ya Tupana Nane, rü tama taxca̱x naxãnexü̃ nax naenexẽgümaxã tüxü̃ naxuxü̃.

2 Corintios 12:9

Natürü nüma ya tórü Cori rü ñanagürü choxü̃: “Choma cuxü̃ changechaü̃, rü ngexicatama nixĩ i cunaxwa̱xexü̃. Rü choma rü ngẽma duü̃xü̃gü i tama poraexü̃wa nixĩ i chanango̱xẽẽxü̃ i chorü pora”, ñanagürü choxü̃. Rü ngẽmaca̱x chataãxẽ ega tama chaporagu. Erü ngẽxguma tama chaporagu rü ngẽxguma nixĩ i chowa inawéãxü̃ i norü pora ya Cristu.

Ore i mexü̃ ga Matéu ümatüxü̃ 1:16

Rü Acóbu rü Yúchenatü nixĩ. Rü Yúche rü María ngĩte nixĩ. Rü ngĩma ga María rü naé iyixĩ ga Ngechuchu ya Cristu.

Colosenses 2:3

Rü nawa nixĩ i nangẽxmaxü̃ i guxü̃ma i cua̱xgü i mexü̃.

Efesios 3:8

Rü chaugüca̱x rü choma nixĩ i guxü̃ i Tupanaarü duü̃xü̃güarü ñaxtüwaama chaxüxü̃. Natürü Tupana choxü̃ nangechaü̃ rü choxna nanaxã i ngẽma puracü i mexü̃ nax ngẽma tama Yudíugü ixĩgüxü̃maxã nüxü̃ chixuxü̃ca̱x ga yema mexü̃gü ga taguma iyagúxü̃ ga taxca̱x naxüxü̃ ga Cristu.

Romanos 9:5

Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.

Ore i mexü̃ ga Luca ümatüxü̃ 2:7

Rü yexma nabu ga nüxíraü̃cü ga ngĩne. Rü naxchápenüxü̃maxã inanuque. Rü wüxi ga wocaarü chibüchicagu inacanagüxẽxẽ, yerü guma ĩanearü pegüpataü̃ rü naxããcu.

Wiyaegü 85:9

Rü aixcüma nixĩ ya Tupana i tüxna nangaicamaxü̃ nax tüxü̃ nangü̃xẽẽxü̃ca̱x ya yíxema naga ĩnüexe. Rü ngẽmaãcü i ngẽma norü üüne rü torü naanewa tá nangẽxma.

Echequié 37:27

Rü choma rü natanüwa tá changexma. Rü choma tá nixĩ i norü Tupana chixĩxü̃ rü nümagü rü tá chorü duü̃xü̃gü nixĩgü.

Ore i mexü̃ ga Cuáü̃ ümatüxü̃ 8:32

Rü tá nüxü̃ pecua̱x i ore i aixcüma ixĩxü̃. Rü ngẽma ore i aixcüma ixĩxü̃ tá pexü̃ ínanguxü̃xẽxẽ —ñanagürü.

Ore i mexü̃ ga Cuáü̃ ümatüxü̃ 17:24

Pa Chaunatüx, cuma choxna cunamugü i ñaa ngúexü̃gü. Rü chanaxwa̱xe i chauxü̃tawa nangẽxmagü i ngéma tá íchangexmaxü̃wa, nax nüxü̃ nadaugüxü̃ca̱x i chorü pora ga choxna cuxãxü̃. Yerü choxü̃ cungechaü̃ ga yexguma tauta naane ixügügumama.

Ore i mexü̃ ga Cuáü̃ ümatüxü̃ 18:37

Rü yexguma ga Pirátu rü ñanagürü nüxü̃: —¿Ẽ̱xna wüxi i nachixü̃anearü ãẽ̱xgacü quixĩ i cumax? —ñanagürü. Rü Ngechuchu nanangãxü̃ rü ñanagürü: —Cumatama marü nüxü̃ quixu nax ãẽ̱xgacü chixĩxü̃. Rü choma rü chabu rü ñoma ga naanewa chaxũ nax duü̃xü̃gümaxã nüxü̃ chayarüxuxü̃ca̱x i ore i aixcüma ixĩxü̃. Rü guxãma ya yíxema ya yaxõgüxe i ngẽma ore i aixcüma ixĩxü̃, rü choxü̃́ itarüxĩnüe —ñanagürü.

Yema Cuáü̃ nüxü̃ dauxü̃ i yixcüra tá ngupetüxü̃chiga 19:13

Rü wüxi ga naxchiru ga ducharaxü̃gu nicu̱x. Rü naéga rü Tupanaarü Ore nixĩ.