Ore i mexü̃ ga Cuáü̃ ümatüxü̃ 1:11 - Tupanaarü Ore

¹¹ Nua noxrütama naanewa nangu, natürü norü duü̃xü̃gü ga Iraétanüxü̃ rü tama nanayauxgü.

Ore i mexü̃ ga Cuáü̃ ümatüxü̃ 1:11 Referans Kwoze

Ore i mexü̃ ga Luca ümatüxü̃ 19:14

Natürü yema ĩanecüã̱x ga duü̃xü̃gü rü naxchi naxaie ga gumá yatü. Rü yemaca̱x nawenaãma nayamugü ga ñuxre ga orearü ngeruü̃gü nax nachixü̃anearü ãẽ̱xgacümaxã nüxü̃ yanaxugüxü̃ca̱x nax tama nanaxwa̱xegüxü̃ nax norü ãẽ̱xgacüxü̃ nax yixĩxü̃ca̱x ga gumá yatü.

Ore i mexü̃ ga Cuáü̃ ümatüxü̃ 3:32

Rü nüma rü tamaxã nüxü̃ nixuchiga ga yema nüxü̃ nadauxü̃ rü nüxü̃ naxĩnüxü̃. Natürü noxretama nüxü̃́ nayaxõgü i ngẽma nüxü̃ yaxuxü̃.

Ore i mexü̃ ga Matéu ümatüxü̃ 15:24

Rü yexguma ga Ngechuchu rü ñanagürü: —Tupana núma choxü̃ namu naxca̱x i ngẽma Iraétanüxü̃gü i rütauxexü̃ rü tama togüca̱x nixĩ i nua choxü̃ namuxü̃ —ñanagürü.

Romanos 15:8

Rü pemaxã nüxü̃ chixu rü Cristu núma naxũ nax Yudíugüxü̃ yanangü̃xẽẽxü̃ca̱x, nax yemaacü yanguxẽẽãxü̃ca̱x ga yema unetagü ga nũxcümaü̃güxü̃ ga tórü o̱xigümaxã nüxü̃ yaxuxü̃ ga Tupana. Rü yemaacü ga Cristu rü tüxü̃ nüxü̃ nadauxẽxẽ nax aixcümacü nax yixĩxü̃ ya Tupana rü aixcüma yangu̱xẽẽãxü̃ i ngẽma norü uneta.

Ngechuchuarü ngúexü̃gü ga yamugüxü̃arü puracüchiga 13:46

Natürü ga Pauru rü Bernabé rü tama namuü̃eãcüma yema Yudíugüxü̃ nangãxü̃gü, rü ñanagürügü: —Tupana nanaxwa̱xe nax pemaxãxíra nüxü̃ tixuxü̃ i norü ore. Natürü ñu̱xma nax nüxü̃ pexoexü̃ i ngẽma ore rü tama penayauxgüchaü̃xü̃ i maxü̃ i taguma gúxü̃, rü ngẽmaca̱x i ñu̱xmax i toma rü tá ngẽma tama Yudíugü ixĩgüxü̃tanüwa taxĩ.

Romanos 9:5

Rü yema Moiché namaxã ixũxü̃ ga Iraétanüxü̃ rü yemataagü nixĩgü i ngẽma Yudíugü i ñu̱xma maxẽxü̃. Rü ngẽma Yudíugütanügu nixĩ ga nabuxü̃ ga Cristu ya Tupanaxü̃chi ixĩcü ya Guxü̃étüwa Ngẽxmacü. Rü tanaxwa̱xe i guxü̃guma nüxü̃ ticua̱xüü̃gü. Rü ngẽmaãcü yixĩ.

Gálatas 4:4

Natürü yexguma nawa nanguxgu ga yema ngunexü̃ ga inaxunetaxü̃ ga Tupana, rü núma nanamu ga Nane. Rü duü̃xü̃gürüxü̃ wüxi ga ngewa nabu ga gumá Nane. Rü yema Moiché ümatüxü̃ ga mugütüü̃wa nayexma ga yexguma nabuxgu.

Ngechuchuarü ngúexü̃gü ga yamugüxü̃arü puracüchiga 13:26

Rü ñanagürü ga Pauru —Pa Chautanüxü̃ i Abraáü̃taagüx, rü Guxãma i Pema i To i nachixü̃anecüã̱x i Tupanaga Ĩnüexex, rü pexca̱x nixĩ i ñaa ore i tüxü̃ maxẽxẽẽxü̃.

Romanos 9:1

Pa Chauenexẽgüx, pemaxã tá nüxü̃ chixu i wüxi i ore i aixcüma ixĩxü̃, erü Cristuarü duü̃xü̃ chixĩ. Rü tama chidora. Rü chauãẽwatama nüxü̃ chacua̱x nax aixcüma nax yixĩxü̃ i ngẽma ore, erü Tupanaãxẽ ya Üünecü nixĩ i chauãẽmaxã icuáxü̃.

Ore i mexü̃ ga Cuáü̃ ümatüxü̃ 1:10

Rü nüma ga gumá Nane ga Tupanaarü Oregu ãégacü rü ñoma ga naanewa nayexma. Rü woo Nanatü ya Tupana rü namaxã nanaxü ga ñoma ga naane, natürü ñoma ga naanecüã̱x ga duü̃xü̃gü rü tama nüxü̃ nacua̱xgü nax texé yixĩxü̃.

Ore i mexü̃ ga Cuáü̃ ümatüxü̃ 1:12

Natürü guxema nayauxgüxe rü nüxü̃́ yaxõgüxe rü tüxü̃ nade nax Tupanaxacügü tixĩgüxü̃.

Ore i mexü̃ ga Cuáü̃ ümatüxü̃ 19:27

Rü yemawena, rü ñanagürü nüxü̃ ga yema ngúexü̃: —Ngẽma iyixĩ i cué —ñanagürü. Rü yemawena napatawa ngĩxü̃ nayaxu. Rü naxü̃tawa iyexmaecha.

Ngechuchuarü ngúexü̃gü ga yamugüxü̃arü puracüchiga 21:6

Rü yexguma ga toma rü nüxü̃ tarümoxẽgü, rü tichoü̃ ga wapuruwa. Rü nümagü rü napataca̱x nawoegu.