Ore i mexü̃ ga Cuáü̃ ümatüxü̃ 1:10 - Tupanaarü Ore

¹⁰ Rü nüma ga gumá Nane ga Tupanaarü Oregu ãégacü rü ñoma ga naanewa nayexma. Rü woo Nanatü ya Tupana rü namaxã nanaxü ga ñoma ga naane, natürü ñoma ga naanecüã̱x ga duü̃xü̃gü rü tama nüxü̃ nacua̱xgü nax texé yixĩxü̃.

Ore i mexü̃ ga Cuáü̃ ümatüxü̃ 1:10 Referans Kwoze

Ore i mexü̃ ga Cuáü̃ ümatüxü̃ 17:25

Pa Chaunatü ya Aixcümacüx, ñoma i naanecüã̱x i duü̃xü̃gü rü tama cuxü̃ nacua̱xgü. Natürü choma rü cuxü̃ chacua̱x. Rü ngẽma choxna cumugüxü̃ rü ta marü nüxü̃ nacua̱xgü nax cuma núma choxü̃ cumuxü̃.

Nüxíraxü̃xü̃ ga popera ga Cuáü̃ ümatüxü̃ 3:1

¡Dücax, Pa Chauenexẽgüx, ñuxãcü poraãcü tüxü̃ nangechaü̃ ya Tanatü ya Tupana! Rü ngẽmaca̱x nixĩ i naxacügümaxã tüxü̃ naxuxü̃ i nümax. Rü aixcüma naxacügü tixĩgü. Rü ngẽmaca̱x ñoma i naanecüã̱x i duü̃xü̃gü rü tama tüxü̃ nacua̱xgüchaü̃ erü Tupanaxü̃ rü ta tama nacua̱xgüchaü̃.

1 Corintios 2:8

Natürü yema Tupana nagu rüxĩnüxü̃, rü taxuxü̃ma ga ñoma ga naanecüã̱x ga ãẽ̱xgacügü nüxü̃ nacua̱x. Yerü yexguma chi aixcüma nüxü̃ nacua̱xgügu ga yema Tupana nagu rüxĩnüxü̃ rü taxũchima curuchawa nayapotagü ga tórü Cori ya Cristu.

1 Corintios 1:21

Natürü nüma ya Tupana ya guxü̃xü̃ma cuácü, rü tama nanaxwa̱xe nax ñoma i naanecüã̱x i duü̃xü̃güarü cua̱xgagu nax yixĩxü̃ i naxü̃tawa nangugüxü̃ i nümagü. Natürü nanaxwa̱xe nax ngẽma norü ore i mexü̃gagu nax yixĩxü̃ inamaxẽxẽẽãxü̃ i ngẽma duü̃xü̃gü i yaxõgüxü̃ woo ngẽma togü i duü̃xü̃güca̱x rü natüca̱xmamare yixĩxgu i ngẽma ore.

Ore i mexü̃ ga Matéu ümatüxü̃ 11:27

Rü ñanagürü ta ga Ngechuchu: “Chaunatü choxna nanaxã i guxü̃ma i ta̱xacü i nüxü̃́ ngẽxmaxü̃. Rü Chaunatüxicatama choxü̃ nacua̱x nax texé chixĩxü̃ i choma i Nane. Rü tama guxü̃ma i duü̃xü̃gü aixcüma nüxü̃ nacua̱x ya Chaunatü. Rü choma ya Nane, rü ñu̱xũchi ngẽma duü̃xü̃gü i Chaunatüxü̃ nüxü̃ chacua̱xẽẽchaü̃xü̃xicatama nixĩ i aixcüma Chaunatüxü̃ cua̱xgüxü̃.

Popera ga Yudíugü ga yaxõgüxü̃ca̱x ümatüxü̃ 11:3

Rü ngẽma tórü õgagu nixĩ i nüxü̃ icuáxü̃ nax aixcüma yixĩxü̃ nax Tupana rü norü oremaxãmare nango̱xẽẽãxü̃ ga ñoma ga naane rü üa̱xcü rü tauemacü rü woramacurigü rü ẽxtagü. Rü yemaacü ga Tupana, rü ngürüwa nanango̱xẽẽmare ga guxü̃ma i ngẽma ñu̱xma nüxü̃ idauxü̃.

Ore i mexü̃ ga Cuáü̃ ümatüxü̃ 1:18

Taguma texé ñuxgu nüxü̃ tadau ga Tupana. Natürü Nane ya nügümaxã wüxicacü nixĩ ya tüxü̃ nüxü̃ cua̱xẽẽcü. Rü yimá Nane rü Tupanaxü̃chi nixĩ, rü Nanatümaxã wüxiwa nangẽxmagü.

Ore i mexü̃ ga Cuáü̃ ümatüxü̃ 1:5

Rü ngẽma omü rü ẽanexü̃wa inabaxi rü ngẽma ẽanexü̃ rü taxuacüma nayaxoxẽxẽ.

Ngechuchuarü ngúexü̃gü ga yamugüxü̃arü puracüchiga 14:17

Natürü nüma ga Tupana rü taguma nüxü̃ narüchau nax duü̃xü̃güxü̃ nangü̃xẽẽxü̃. Rü yemaacü nügü tüxü̃ nacua̱xẽxẽ nax aixcüma Tupana yixĩxü̃ i nümax. Rü nümatama nixĩ i núma namuaxü̃ ya pucü rü mea pexü̃́ nayaexẽẽãxü̃ i penetügü. Rü nüma nixĩ i pexna naxããxü̃ i pewemü nax ngẽmaãcü petaãẽgüxü̃ca̱x —ñanagürügü ga Pauru rü Bernabé.

Ore i mexü̃ ga Cuáü̃ ümatüxü̃ 5:17

Natürü ga Ngechuchu rü ñanagürü nüxü̃: —Chaunatü ya Tupana rü guxü̃ i ngunexü̃gu napuracü rü mexü̃ naxü. Rü ngẽmaca̱x i choma rü ta naxrüxü̃ chapuracü —ñanagürü.

Naanearü ügüchiga 16:13

Rü yexguma yema daxũcüã̱xmaxã yadexa̱xguwena rü Agá rü ngĩgürügü: —Cuma nixĩ ya Tupana ya choxü̃ daucü —ngĩgürügü. Rü ñu̱xũchi ngĩgü ngĩgürügü: “Woo Tupana choxü̃ dauxü̃ rü ñu̱xma rü ta chamaxü̃”, ngĩgü ngĩgürügü.

Naanearü ügüchiga 18:33

Rü yexguma marü Cori ya Tupana nüxü̃ rüchauxgu ga Abraáü̃maxã nax yadexaxü̃ rü ínixũ. Rü nüma ga Abraáü̃ rü napataca̱x nataegu.

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Ichaía 53:3

Rü duü̃xü̃gü rü tama nüxü̃ nacua̱xgüchaü̃, rü nüxü̃ naxoe. Rü nüma rü wüxi ga duü̃ ga poraãcü ngúxü̃ ingecü nixĩ, rü namaxã nixü nax ngúxü̃ yangexü̃. Rü yixema rü tama nüxü̃ tadaugüchaü̃ rü ñoma wüxi i duü̃xü̃ i taxuwama mexü̃rüxü̃ tayaxĩxẽxẽ. Rü yemaacü nüxü̃ taxoe rü tama tanayauxgüchaü̃.

Ore i mexü̃ ga Cuáü̃ ümatüxü̃ 1:3

Rü Tupana rü Nanemaxã nixĩ ga naxüxü̃ ga guxü̃ma. Rü nataxuma i ta̱xacü i ngẽxmaxü̃ i tama namaxã üxü̃.

Ore i mexü̃ ga Cuáü̃ ümatüxü̃ 1:11

Nua noxrütama naanewa nangu, natürü norü duü̃xü̃gü ga Iraétanüxü̃ rü tama nanayauxgü.

Colosenses 1:16

Rü nüma ga Tupana rü wüxigu Nanemaxã nanango̱xẽxẽ ga guxü̃ma i daxũguxü̃ i naanewa rü ñoma i naanewa ngẽxmagüxü̃, rü guxü̃ma i ngẽma nüxü̃ idauxü̃ rü ngẽma tama nüxü̃ idauxü̃. Rü yemaacü nanaxü ga guxü̃ma ga naãẽgü rü norü ãẽ̱xgacügü i poraexü̃ i tama nüxü̃ idauxü̃. Rü yemaacü Nanemaxã rü Naneca̱x nanaxü ga guxü̃ma.