Ãẽ̱xgacügü ga guxchaxü̃güarü mexẽxẽruü̃gü 9:3 - Tupanaarü Ore

³ Rü yema norü mamaenexẽgü ga Abimeréx rü guma ĩanearü ãẽ̱xgacügümaxã nidexagü nape̱xewa ga guxü̃ma ga duü̃xü̃gü. Rü nümagü ga Chiquéü̃cüã̱x rü Abimeréxü̃ nayauxgü yerü natanüxü̃ nixĩ.

Ãẽ̱xgacügü ga guxchaxü̃güarü mexẽxẽruü̃gü 9:3 Referans Kwoze

Naanearü ügüchiga 29:15

Rü marü gumá tauemacü ngupetü̱xguwena, rü Labáü̃ rü Acóbuxü̃ ñanagürü: —Ngẽma nax chautanüxü̃ quixĩxü̃, rü taxũtáma ngẽmaca̱x ngetanüãcüma choxü̃́ cupuracüechamare. ¡Rü chomaxã nüxü̃ ixu rü ñuxregu i cunaxwa̱xexü̃ nax cuxü̃́ chanaxütanüxü̃! —ñanagürü.

Wiyaegü 10:3

Rü ngẽma chixexü̃ i duü̃xü̃ rü norü ngẽmaxü̃gümaxã nügü nicua̱xüxü̃. Rü ngẽma duü̃xü̃ i nügüna nanuxũchixü̃ i diẽru, rü Cori ya Tupanaxü̃ naxo.

2 Chamué 15:13

Rü wüxi ga duü̃xü̃ rü Dabímaxã nüxü̃ nayarüxu rü ga Iraéanecüã̱xgü rü Acharóü̃weama nax naxĩxü̃.