Ãẽ̱xgacügü ga guxchaxü̃güarü mexẽxẽruü̃gü 8:6 - Tupanaarü Ore

⁶ Natürü nüma ga Chucóxarü ãẽ̱xgacügü rü Yedeóü̃xü̃ nangãxü̃gü rü ñanagürügü: —¿Tü̱xcüü̃ chi i tanachibüexẽẽxü̃ i curü churaragü ega taxũta ícunayauxü̃gu i Zéba rü Salmuná? —ñanagürügü.

Ãẽ̱xgacügü ga guxchaxü̃güarü mexẽxẽruü̃gü 8:6 Referans Kwoze

Nüxíraxü̃xü̃ ga popera ga ãẽ̱xgacügüchiga 20:11

Rü yexguma nüma ga ãẽ̱xgacü ga Acáx rü nanangãxü̃ rü ñanagürü: —¡Taxṹ i yaxtacüma nüxü̃ quixuxü̃ nax choxü̃ curüporamaexü̃! —ñanagürü.

Filipenses 2:21

Erü guxü̃ma i togü rü naxca̱x nadaugü i noxrütama ngúchaü̃gü, rü tama aixcüma nagu narüxĩnüe i ngẽma Ngechuchu ya Cristuarü ngúchaü̃.

Ucu̱xẽgüchiga 18:23

Yíxema ngearü diẽruã́xẽ rü meama ngẽma diẽruã́xü̃na diẽruca̱x taca. Natürü ngẽma diẽruã́xü̃, rü numaxã tüxü̃ nangãxü̃.

Norü taxre ga popera ga ãẽ̱xgacügüchiga 14:9

Natürü nüma ga Yoá rü ñaxü̃ ga ore naxca̱x namuegu: —Wüxi ga chuchuxü̃ ga Líbanucüã̱x rü ocayiwa ga Líbanucüã̱xca̱x nimuga rü ñanagürü nüxü̃: “Cuxacü chaunena ngĩxü̃ namu nax ngĩmaxã naxãmaxü̃ca̱x”, ñanagürü. Natürü wüxi ga ngo̱xo rü yema chuchuxü̃ ínaxüxü̃wa naxüpetü rü nawa nanga rü yexma nayapuxcuchi ga yema chuchuxü̃ rü nayu.

Ãẽ̱xgacügü ga guxchaxü̃güarü mexẽxẽruü̃gü 8:15

Rü yexguma nüma ga Yedeóü̃ rü Chucóxwa nangu rü yémacüã̱xgümaxã nidexa, rü ñanagürü: —¿Nüxna pecua̱xãchiexü̃ nax ñuxãcü choxü̃ pecugüexü̃, rü tama choxü̃ perüngü̃xẽẽgüchaü̃xü̃? Rü pema rü tama penachibüexẽẽxü̃ ga chorü churaragü ga ipaexü̃, nagagu nax taxũta ítanayauxü̃xü̃ ga Zéba rü Salmuná. Rü dücax, ñaagü nixĩ i ñu̱xmax —ñanagürü.

Ãẽ̱xgacügü ga guxchaxü̃güarü mexẽxẽruü̃gü 5:23

Rü Tupanaarü orearü ngeruxü̃ i daxũcüã̱x rü chixexü̃ namaxã naxuegu ga guma ĩane ya Merú yerü tama Tupanaarü churaragüxü̃ narüngü̃xẽẽgü ga yexguma nügü nadaixgu.

Naanearü ügüchiga 37:28

Rü yexguma yema taxetanüxü̃ yéma chopetüxgu, rü Yúchexü̃ ínatúxuchigü ga ãxmaxü̃wa. Rü yema Ismaétanüxü̃xü̃ namaxã nataxegü ga 20 tachinü ga diẽruca̱x. Rü yemaacü Yúchexü̃ Equítuanewa nagagü.

Naanearü ügüchiga 37:25

Rü yemawena rü ínarütogü rü nachibüe. Rü yexguma nachibüeyane rü yáxü̃gu nüxü̃ nadaugü ga Ismaétanüxü̃ ga Garaáxanewa ne ĩxü̃. Rü norü caméyutagu nayana ga pumaragü rü tuxuneruü̃gü rü pumara ga míra ga Equítuanewa nanaxü̃.

Naanearü ügüchiga 25:13

Rü naégagü ga Ismaé nanegü, rü gumá nüxíra bucüwa inaxügü rü ñu̱xmata gumá nawa iyacuácüwa nangu rü ñaagü nixĩ: Rü gumá nüxíra bucü nixĩ ga Nebaióx. Rü gumaweama ügüxü̃ nixĩ ga Quedáx, rü Axbeé, rü Mixcháü̃, rü Michimá, rü Dumá, rü Machá, rü Adá, rü Temá, rü Yetú, rü Napí, rü Quedemá.

Ãẽ̱xgacügü ga guxchaxü̃güarü mexẽxẽruü̃gü 8:5

Rü yexguma ĩane ya Chucóxwa nangugügu, rü nüma ga Yedeóü̃ rü yémacüã̱xgüna õnaca̱x naca, rü ñanagürü: —Name nixĩ i ta̱xacü i ngṍxü̃ nüxna pexã i chorü churaragü erü poraãcüma nipaexüchi. Rü nawe tingẽxü̃tanü i ngẽma taxre i Madiáü̃tanü̃xü̃güarü ãẽ̱xgacü i Zéba rü Salmuná —ñanagürü.