Ãẽ̱xgacügü ga guxchaxü̃güarü mexẽxẽruü̃gü 8:5 - Tupanaarü Ore

⁵ Rü yexguma ĩane ya Chucóxwa nangugügu, rü nüma ga Yedeóü̃ rü yémacüã̱xgüna õnaca̱x naca, rü ñanagürü: —Name nixĩ i ta̱xacü i ngṍxü̃ nüxna pexã i chorü churaragü erü poraãcüma nipaexüchi. Rü nawe tingẽxü̃tanü i ngẽma taxre i Madiáü̃tanü̃xü̃güarü ãẽ̱xgacü i Zéba rü Salmuná —ñanagürü.

Ãẽ̱xgacügü ga guxchaxü̃güarü mexẽxẽruü̃gü 8:5 Referans Kwoze

Naanearü ügüchiga 33:17

Natürü nüma ga Acóbu rü Chucóxwaama naxũ rü yexma wüxi ga napata naxü. Rü ñu̱xũchi yexma nanaxü ga ñuxre ga düxenü naxca̱x ga norü naxü̃nagü. Rü yemaca̱x nixĩ ga yema nachica ga Chucóxgu naxüégaaxü̃.

Wiyaegü 60:6

Rü cumax, Pa Tupanax, rü cupatawa quidexa rü ñacurügü: —Ngẽma naane i Chiquéü̃wa ngẽxmaxü̃ rü tá ichayanu nüxü̃ i chorü duü̃xü̃gü. Rü ngẽxgumarüxü̃ tá ta ichayanu i ngẽma naane i metachinüxü̃ i Chucóxwa ngẽxmaxü̃.

1 Chamué 25:18

Rü yexguma ngĩma ga Abigái rü ipaxaãẽ rü inade ga 200 ga paũ rü taxrepü̱xü̃ ga bínu. Rü 5 ga carnéru ga íguxü̃, rü 40 quíru naguxü̃ ga trigu ga goxtanüxü̃, rü 100 ya̱xa ga úbaarü patanüxü̃, rü 200 ga iguarü paũ. Rü guxü̃ma ga yema rü ñuxre ga búrugu iyanuü̃. Rü ngĩrü puracütanüxü̃xü̃ ngĩgürügü: —¡Yoxni wixpe̱xegu pexĩ rü ñu̱xmaüra tá ngéma chaxũ! —ngĩgürügü. Rü yema rü tama ngĩtemaxã nüxü̃ iyaxu.

Wenaxarü naxümatü ga Tupanaarü mugü 23:4

Yerü nümagü ga Amóü̃tanüxü̃ rü Moátanüxü̃ rü tama pexü̃ nayauxgü õnamaxã rü axexü̃maxã ga yexguma Equítuanewa ípechoxü̃gu. Rü nümagü rü naétü nüxü̃́ nanaxütanügü ga Balaáü̃ ga Beúx nane ga Mechopotámiaarü ĩane ga Petúxwa ne ũcü nax chixexü̃ pemaxã naxueguxü̃ca̱x. Natürü ga Tupana rü Balaáü̃ãẽwa nananguxẽxẽ nax mexü̃ama pemaxã naxueguxü̃ca̱x rü tama i chixexü̃.

Naanearü ügüchiga 14:18

Rü yexgumarüxü̃ ta ga Melquichedéx ga ĩane ga Charéü̃arü ãẽ̱xgacü ga Tupana ya Guxü̃étüwa Ngẽxmacüarü chacherdóte, rü yematama namawa Abráü̃na nanaxã ga paũ rü bínu.

Ãẽ̱xgacügü ga guxchaxü̃güarü mexẽxẽruü̃gü 8:10

Rü nüma ga Zéba rü Salmuná rü Cacówa nayexmagü namaxã ga 15,000 ga norü churaragü yerü yexicatama nixĩ ga guxü̃ma ga norü churaragü ga éstewaama ne ĩxü̃ ga íyaxügüxü̃, yerü daigu marü nayue ga 120,000 ga norü churaragü.

Ãẽ̱xgacügü ga guxchaxü̃güarü mexẽxẽruü̃gü 8:12

Rü yexguma nüma ga Zéba rü Salmuná rü nibuxmü. Natürü nüma ga Yedeóü̃ rü nawe nangẽgü rü ínayayauxü̃. Rü guxü̃ma ga yema Madiáü̃tanüxü̃arü churaragü rü poraãcü namuü̃e.

Ãẽ̱xgacügü ga guxchaxü̃güarü mexẽxẽruü̃gü 8:15

Rü yexguma nüma ga Yedeóü̃ rü Chucóxwa nangu rü yémacüã̱xgümaxã nidexa, rü ñanagürü: —¿Nüxna pecua̱xãchiexü̃ nax ñuxãcü choxü̃ pecugüexü̃, rü tama choxü̃ perüngü̃xẽẽgüchaü̃xü̃? Rü pema rü tama penachibüexẽẽxü̃ ga chorü churaragü ga ipaexü̃, nagagu nax taxũta ítanayauxü̃xü̃ ga Zéba rü Salmuná. Rü dücax, ñaagü nixĩ i ñu̱xmax —ñanagürü.

Ãẽ̱xgacügü ga guxchaxü̃güarü mexẽxẽruü̃gü 5:23

Rü Tupanaarü orearü ngeruxü̃ i daxũcüã̱x rü chixexü̃ namaxã naxuegu ga guma ĩane ya Merú yerü tama Tupanaarü churaragüxü̃ narüngü̃xẽẽgü ga yexguma nügü nadaixgu.