Ãẽ̱xgacügü ga guxchaxü̃güarü mexẽxẽruü̃gü 8:3 - Tupanaarü Ore

³ Rü pema rü Tupanaarü ngü̃xẽẽmaxã ípenayauxü̃ ga Oréx rü Chéx ga Madiáü̃tanüxü̃arü ãẽ̱xgacügü. ¿Rü ta̱xacüwa chi inayexeramaexü̃ ga yema toma taxüxü̃ ega namaxã nügü nanguxgu ga yema pema pexügüxü̃? —ñanagürü. Rü yexguma ga yema Yedeóü̃arü dexaxü̃ naxĩnüegu ga Efraíü̃tanüxü̃ rü narüngüxmüe.

Ãẽ̱xgacügü ga guxchaxü̃güarü mexẽxẽruü̃gü 8:3 Referans Kwoze

Ucu̱xẽgüchiga 15:1

Ngẽma ngãxü̃ i memarexü̃, rü nu inarüxoxẽxẽ, natürü ngẽma ngãxü̃ga i nuãcü ixĩxü̃, rü nanayexeraxẽxẽ i ngẽma nu.

Filipenses 2:3

Rü tama name nax togüarü yexera pegü pixĩgüxẽẽxü̃ rü pegü picua̱xüü̃güxü̃. Rü narümemae nixĩ i wüxichigü nagu perüxĩnüe nax ngẽma togü rü perü yexera yixĩgüxü̃.

Romanos 12:6

Rü wüxichigü i yixema, rü Tupana tüxna nanaxã i tórü cua̱x i nüma nanaxwa̱xexü̃ nax tüxü̃́ nangẽxmaxü̃. Rü tanaxwa̱xe i meama nagu taxĩ i ngẽma cua̱x ya Tupana tüxna ãxü̃. Rü ngẽxguma tüxna naxããgu i tórü cua̱x nax norü orearü uruxü̃ ixĩgüxü̃ca̱x, rü name nixĩ i ngẽma õ i tüxü̃́ ngẽxmaxü̃maxã tanaxü i ngẽma puracü.

Romanos 12:3

Rü Tupana ya chomaxã mecümacü, rü choxü̃ namu nax pemaxã nüxü̃ chixuxü̃ca̱x i guxãma i pemax nax tama namexü̃ nax texé i petanüwa tügü írütaxü̃ rü tügügu tarüxĩnüxü̃ nax togüarü yexera tixĩxü̃. Natürü name nixĩ nax wüxichigü mea tügü ngugüarü maxü̃ã́xü̃ rü tügügu rüxĩnüxü̃ nax Tupana yixĩxü̃ i tüxna naxãxü̃ i tümaarü cua̱x wüxigu namaxã i tümaarü õ.

Ore i mexü̃ ga Cuáü̃ ümatüxü̃ 4:37

Rü aixcüma nixĩ i ngẽma ore i ñaxü̃: “Wüxíe tixĩ ya namaxã toexe i Tupanaarü ore rü toguxe tixĩ ya yíxema Tupanaca̱x duü̃xü̃güxü̃ dexe”, ñaxü̃.

Ucu̱xẽgüchiga 25:15

Ngẽxguma yáxna ixĩnügu, rü nu itarüxoxẽxẽ. Rü ngẽxguma mexü̃ i oremaxã nangãxü̃gu, rü nu itarüxoxẽxẽ.

Ucu̱xẽgüchiga 25:11

Ngẽma ore i meama norü oragu nüxü̃ ixuxü̃, rü ñoma wüxi i manzanachicüna̱xã i úirunaxca̱x i diẽrumümaxã nga̱xãẽxü̃rüxü̃ nangúchaü̃xü̃chi.

Ucu̱xẽgüchiga 16:32

Ngẽma nax yigü írüporaxü̃arü yexera narümemae nax yáxna namaxã ixĩnüxü̃ i guxchaxü̃gü. Rü ngẽma nax ĩanegü yigüme̱xẽwa ingexmagüxẽẽxü̃arü yexera narümemae nax yigünatama ichogüxü̃.

Wiyaegü 115:1

Pa Cori Pa Tupanax ¡cugütama icua̱xüxü̃ rü taxṹ i toxü̃ quicua̱xüxü̃! ¡Rü cugü icua̱xüxü̃ naxca̱x i curü ngechaü̃ rü naxca̱x i ngẽma nax quixaixcümaxü̃!

Wiyaegü 44:3

Rü tama tümaarü poramaxã rü tümanegümaxã nixĩ ga tanayauxgüxü̃ ga ñaa naane. Natürü yema curü poragagu rü curü ngü̃xẽẽgagu nixĩ ga nawa tangugüxü̃ ga yema naane. Yerü cuma rü tüxü̃ cungechaü̃ rü tümamaxã cumecüma.

Ãẽ̱xgacügü ga guxchaxü̃güarü mexẽxẽruü̃gü 8:2

Rü yexguma nüma ga Yedeóü̃ rü nanangãxü̃ rü ñanagürü: —¿Tama ẽ̱xna nüxü̃ pecua̱x nax yema choma chaxüxü̃arü yexera yixĩxü̃ ga yema pema pexügüxü̃? Pema nagu perüxĩnüe nax naxãũcümaxü̃ ga yema toma taxüxü̃ rü tama naxãũcümaxü̃ ga yema pema pexüxü̃. Natürü pemaxã nüxü̃ chixu rü yema toma taxüxü̃arü yexera nixĩ ga yema pema pexüxü̃.

Ãẽ̱xgacügü ga guxchaxü̃güarü mexẽxẽruü̃gü 8:4

Rü nüma ga Yedeóü̃ rü norü 300 ga churaragümaxã natü ga Yudáü̃wa nangugü. Rü nichoü̃ama woo poraxãcüxüchima nipae yerü norü uanügüwe nangẽgü.