Ãẽ̱xgacügü ga guxchaxü̃güarü mexẽxẽruü̃gü 7:7 - Tupanaarü Ore

⁷ Rü yexguma ga nüma ga Cori ya Tupana rü Yedeóü̃xü̃ ñanagürü: —Ñaa 300 i yatügümaxã tá pexü̃ íchanguxü̃xẽxẽ, rü tá nüxü̃ charüporamae i ngẽma Madiáü̃tanüxü̃. Rü guxü̃ma i ngẽma togü i curü duü̃xü̃gü rü marü name i napataca̱x nawoegu —ñanagürü.

Ãẽ̱xgacügü ga guxchaxü̃güarü mexẽxẽruü̃gü 7:7 Referans Kwoze

1 Chamué 14:6

Rü nüma ga Yonatáü̃ rü norü ngü̃xẽẽruxü̃xü̃ ñanagürü: —Ngĩxã, rü tocutüwa taxĩ, ñu̱xmatáta ngẽma Firitéugüarü churaragütücumü i tama Tupanaaxü̃́ yaxõgüxü̃ íngẽxmaxü̃wa ingugü. Bexmana nüma ya Cori ya Tupana rü tá tüxü̃ narüngü̃xẽxẽ, erü taxuxü̃ma nüxü̃́ naguxcha nax tüxü̃ naporamaexẽẽxü̃ woo imuxgu rüe̱xna inoxregu —ñanagürü.

Ãẽ̱xgacügü ga guxchaxü̃güarü mexẽxẽruü̃gü 7:6

Rü yema naxme̱xwa axegüxü̃ ñoma airugü nade̱xexcuxü̃chiüxü̃rüxü̃ rü 300 nixĩ. Rü guxü̃ma ga yema togü rü caxgüã́püxacü naxaxegü.

Ãẽ̱xgacügü ga guxchaxü̃güarü mexẽxẽruü̃gü 7:8

Rü nüma ga Yedeóü̃ rü guxü̃ma ga yema natanüxü̃ ga Iraétanüxü̃ rü ínayamugü nax napatawa naxĩxü̃ca̱x. Natürü naxü̃pa nax napatawa naxĩxü̃ rü nüxna nanade ga norü tü̃xü̃gü rü carnéruchatacu̱xregü. Rü yema 300 ga yatügü ga idexechixü̃maxãxicatama narüxã̱ũ̱x ga Yedeóü̃. Rü yema Yedeóü̃arü duü̃xü̃gü rü ma̱xpǘnewa nayexmagü, rü yema Madiáü̃tanüxü̃ rü doxonexü̃wa nayexmagü.

1 Chamué 23:4

Rü yexguma ga nüma ga Dabí rü wena Cori ya Tupanana naca. Rü nüma ya Cori ya Tupana rü nanangãxü̃ rü ñanagürü: —¡Inaxũãchi rü nawa naxũ ya ĩane ya Queirá! Erü choma rü tá cuxme̱xgu chanayixẽxẽ i ngẽma Firitéugü —ñanagürü.