Ãẽ̱xgacügü ga guxchaxü̃güarü mexẽxẽruü̃gü 7:5 - Tupanaarü Ore

⁵ Rü nüma ga Yedeóü̃ rü dexáarü axwa nanagagü ga yema duü̃xü̃gü. Rü nüma ga Cori ya Tupana rü Yedeóü̃xü̃ ñanagürü: —Ngẽma duü̃xü̃gü i naxme̱xwa axegüxü̃ ñoma airugü nade̱xexcuxü̃chiüxü̃rüxü̃ rü chanaxwa̱xe i nüxrüguma cunachigüxẽxẽ nüxna i ngẽma duü̃xü̃gü i caxgüã́püxacü axegüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 7:5 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 7:4

Natürü nüma ga Cori ya Tupana rü wenaxarü Yedeóü̃maxã nüxü̃ nixu rü ñanagürü: —Namuxũchiamatama. ¡Ẽcü dexáarü axwa nagagü! Rü ngéma tá cumaxã nüxü̃ chixu i ngexü̃rüüxü̃ tá nixĩ i cuwe rüxĩxü̃, rü ngexü̃rüüxü̃ tá nixĩ i napataca̱x cumuegutanüxü̃ —ñanagürü.

Ãẽ̱xgacügü ga guxchaxü̃güarü mexẽxẽruü̃gü 7:6

Rü yema naxme̱xwa axegüxü̃ ñoma airugü nade̱xexcuxü̃chiüxü̃rüxü̃ rü 300 nixĩ. Rü guxü̃ma ga yema togü rü caxgüã́püxacü naxaxegü.

Wiyaegü 110:7

Natürü nümatama ya Tupana rü ngẽma namacüwawa ngẽxmaxü̃ i natüxacüarü dexáwa tá naxaxe. Rü ngẽma dexá rü tá nayaporaxẽẽchigü.

Nüxíraxü̃xü̃ ga popera ga ãẽ̱xgacügüchiga 17:13

Rü nüma ga Ería rü ngĩxü̃ nangãxü̃ga rü ñanagürü: —¡Taxuca̱xma cumuü̃! ¡Rü cüx yaxü i ngẽma nüxü̃ quixuxü̃! Natürü i ngẽma curü trigute̱xe i cuxü̃́ ngẽxmaxü̃wa ¡rü choxü̃́ naxüxíra i wüxi i íxraxü̃ i paũ i maixcuraxü̃ rü nua choxü̃́ nange, rü ngẽmawena rü cugüaxü̃́ rü cuneaxü̃́ naxü!