Ãẽ̱xgacügü ga guxchaxü̃güarü mexẽxẽruü̃gü 7:12 - Tupanaarü Ore

¹² Rü yema Madiáü̃tanüxü̃ rü Amaréxtanüxü̃ rü yema duü̃xü̃gü ga éstewaama ne ĩxü̃ rü yema doxonexü̃gu nügü nawoonemare ñoma munügürüxü̃. Rü namuxũchi ga norü caméyugü ñoma naxnücüte̱xe ya márcutüwa ngẽxmacürüxü̃.

Ãẽ̱xgacügü ga guxchaxü̃güarü mexẽxẽruü̃gü 7:12 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 8:10

Rü nüma ga Zéba rü Salmuná rü Cacówa nayexmagü namaxã ga 15,000 ga norü churaragü yerü yexicatama nixĩ ga guxü̃ma ga norü churaragü ga éstewaama ne ĩxü̃ ga íyaxügüxü̃, yerü daigu marü nayue ga 120,000 ga norü churaragü.

Ãẽ̱xgacügü ga guxchaxü̃güarü mexẽxẽruü̃gü 6:5

Rü yema duü̃xü̃gü rü muxũchixü̃ ga norü caméyugümaxã ínangugü, ñoma munügü i nanetüarü chixexẽẽwa ĩxü̃rüxü̃. Rü yexma nachocu namaxã ga norü wocagü rü napatagü ga naxcha̱xmünaxca̱x. Rü guxü̃ma ga yema Iraéanewa yexmaxü̃ ga nanetügü rü nanagu̱xẽxẽ.

Ãẽ̱xgacügü ga guxchaxü̃güarü mexẽxẽruü̃gü 6:3

Rü yexguma Iraétanüxü̃ toegügu, rü nüma ga Madiáü̃tanüxü̃ rü Amaréxtanüxü̃ rü yema duü̃xü̃gü ga éstewa ne ĩxü̃, rü naxca̱x ínayaxüãchixü̃.

Yochué 11:4

Rü guxü̃ma ga yema ãẽ̱xgacügü rü inaxĩãchi namaxã ga norü churaragü, rü norü cowarugü, rü naweü̃gü ga daiwa namaxã naxĩxü̃ne. Rü yema churaragü rü namuxũchi ñoma naxnücüte̱xe i márcutüwa ngẽxmacürüxü̃.

Wiyaegü 33:16

Rü taxucüma ya ãẽ̱xgacü ya woo muarü churaraã́cü rü tá nügü ínapoxü̃ ega tama Tupana nüxü̃ rüngü̃xẽẽgu. Rü bai ya wüxi ya yatü ya poraxüchicü rü tá norü poramaxã nügü ínapoxü̃ ega tama Tupana naxü̃tawa ngẽxmagu.

Wiyaegü 3:1

Pa Corix, namuxũchi i chorü uanügü rü namuxũchi i ngẽma chauxchi aiexü̃.

Nüxíraxü̃xü̃ ga popera ga ãẽ̱xgacügüchiga 4:30

Rü yemaacü ga Charomóü̃arü cua̱x rü Equítuanecüã̱xgüarü cua̱xü̃ nangupetü, rü yema duü̃xü̃gü ga éstewaama yexmagüxü̃arü yexera nixĩ ga norü cua̱x.

Ãẽ̱xgacügü ga guxchaxü̃güarü mexẽxẽruü̃gü 6:33

Rü yemawena rü guxü̃ma ga Madiáü̃tanüxü̃ rü Amaréxtanüxü̃ rü duü̃xü̃gü ga éstewaama ne ĩxü̃, rü wüxigu nangutaque̱xe. Rü natü ga Yudáü̃ nichoü̃ rü Yereéarü metachinüxü̃wa nangugü rü yexma napegü.

Ãẽ̱xgacügü ga guxchaxü̃güarü mexẽxẽruü̃gü 7:13

Yexguma natanüwa nanguxgu ga Yedeóü̃ rü wüxi ga churaraxü̃ naxĩnü ga namücümaxã nanegüxü̃ ixuxü̃, rü ñanagürü: —Nagu chaxãnegü nax wüxi i paũ i chebádanaxca̱x ngẽma ípegüxü̃gu rüdixiexü̃. Rü ngẽxguma wüxi ya ĩpatamaxã nayarüña rü nayawa̱xtaü̃xẽxẽ —ñanagürü.

1 Chamué 30:17

Rü yexguma nüma ga Dabí rü norü duü̃xü̃gümaxã naxca̱x ínayagoõchi. Rü pa̱xmama inanaxügü nax nügü nada̱i̱xü̃ rü ñu̱xmata nayáuane. Rü guxü̃xü̃ma nadai. Rü 400 ga ngextü̱xüxü̃gü ga caméyugügu ibüxmüxü̃xicatama nixĩ ga íyaxügüxü̃.

Yeremía 46:23

Rü ngẽma uanügü rü tá nanadai i Equítuanearü churaragü ñoma wüxi ya naixnecü ichexexü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngẽma uanügü rü munügüxü̃ narümumae rü taxúema nüxü̃ tacua̱x nax tayaxugüxü̃.

1 Chamué 13:5

Rü nüma ga Firitéugü rü nügü nanutaque̱xe nax nügü nada̱i̱xü̃ca̱x namaxã ga Iraéanearü churaragü. Rü nüxü̃́ nayexma ga 30,000 ga daixwexü̃ ga carugü ga cowaru itúgüne, rü 6,000 ga churaragü ga cowarugu ĩxü̃, rü ñu̱xũchi muxũchixü̃ ga churaragü ga nacutügumare ĩxü̃. Rü norü mu ga yema churaragü rü ñoma márpechinüwa ngẽxmacü ya naxnücüte̱xerüxü̃ nixĩ i norü mu. Rü guxü̃ma ga yemagü rü Mixmáwa naxĩ rü yexma napegü ga Bex-abéü̃arü éstewaama.

Nüxíraxü̃xü̃ ga popera ga ãẽ̱xgacügüchiga 20:27

Rü yexgumarüxü̃ ta ga nüma ga Iraéanearü churaragü rü nügü namexẽẽgü rü ínayana ga nawemügü. Rü yemaacü inaxĩãchi nax Chíriaanecüã̱xmaxã nügü nada̱i̱xü̃ca̱x. Rü nüma ga Iraétanüxü̃arü churaragü rü Chíriaanegüarü to̱xma̱xtawa nangugü. Rü nanoxremare rü ñoma taxretücumü ga chíbugü yexma chogüxü̃rüxü̃ nixĩgü. Natürü nüma ga Chíriaanearü churaragü rü namuxũchi rü yema naane ga nagu nügü nadaixchaü̃xü̃ rü namaxã nanapa.