Ãẽ̱xgacügü ga guxchaxü̃güarü mexẽxẽruü̃gü 7:1 - Tupanaarü Ore

¹ Rü Yedeóü̃ i ñu̱xma Yerubaámaxã naxugüãcü rü wüxigu namaxã ga guxü̃ma ga yema duü̃xü̃gü ga naxü̃tawa yexmagüxü̃ rü ngunetüxü̃ ínarüdagü. Rü inaxĩãchi, rü dexáarü chuchuxü̃ ga Aróxwa nangugü rü yexma nayapexgü. Rü yema nachica ga Madiáü̃tanüxü̃ nagu pegüxü̃ rü Yedeóü̃arü duü̃xü̃gü íyapegüxü̃arü nórtewaama nayexma ga ma̱xpǘne ga Moréarü tuãchiwa.

Ãẽ̱xgacügü ga guxchaxü̃güarü mexẽxẽruü̃gü 7:1 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 6:32

Rü yexgumacürüwa ga yema duü̃xü̃gü rü Yerubaámaxã nanaxugü ga Yedeóü̃. Rü ñu̱xũchi ñanagürügü: —Ẽcüx, Baá rü Yedeóü̃me̱xẽwa nügü ínapoxü̃, erü Yedeóü̃ nixĩ i nüxü̃ nagu pogüxü̃ i norü ãmarearü guruxü̃ i Baá —ñanagürügü.

Ngu̱xẽẽtaeruü̃arü ore 9:10

Rü guxü̃ma i ngẽma puracü i nüxü̃ cucuáxü̃ nax cunaxüxü̃, ¡rü mea naxü! Erü ngẽxguma cuyu̱xgu rü tauquewa cungexmagu, rü taxuxü̃ma cuxü rü taxuguma curüxĩnü erü ngéma rü nataxuma i ta̱xacürü cua̱x.

Yochué 6:12

Rü moxü̃ãcü ga nüma ga Yochué rü pa̱xmamaxü̃chi ínarüda, rü nüma ga chacherdótegü rü nanangenagütaü̃gü ga yema baú ga Cori ya Tupanaarü mugüchixü̃.

Yochué 3:1

Rü moxü̃ãcü pa̱xmamaxü̃chi rü nüma ga Yochué rü guxü̃ma ga Iraétanüxü̃maxã Chitíü̃wa inaxĩãchi ñu̱xmata natü ga Yudáü̃anacüwa nangugü. Rü naxü̃pa ga nax yachoü̃xü̃ rü yexmatama napegü.

Wenaxarü naxümatü ga Tupanaarü mugü 11:30

Rü yima taxre ya ma̱xpǘnegü rü oéstewaama nangẽxmagü i Yudáü̃arü tocutüwa. Rü yimagü rü nawa nangẽxmagü i ngẽma doxonexü̃ i Canaáü̃tanüxü̃ nawa maxẽxü̃ i Guirigáarü to̱xma̱xtawa i Moréarü naigü i taxü̃arü ngaicamana.

Naanearü ügüchiga 22:3

Rü moxü̃ãcü ga pa̱xmamaxü̃chi rü Abraáü̃ ínarüda. Rü üxüta nadaü̃ nax yemamaxã Tupanaca̱x yaguaxü̃ca̱x ga gumá nane. Rü ñu̱xũchi nanamexẽxẽ ga norü búru rü ínayaga ga nane ga Ichaá rü taxre ga norü duü̃xü̃gü. Rü inaxũãchi nax yema nachica ga Tupana namaxã ixunetaxü̃wa naxũxü̃.

Ãẽ̱xgacügü ga guxchaxü̃güarü mexẽxẽruü̃gü 6:40

Rü yema ga chütaxü̃gu rü Tupana rü yema Yedeóü̃ naxca̱x ícaxaxü̃ãcü nanaxü. Rü moxü̃ãcü pa̱xmama rü yema carnérucha̱xmüxü̃ rü napamare, natürü ga waixü̃mü ga nacüwawa rü cherenamaxã nawaiane.

Ãẽ̱xgacügü ga guxchaxü̃güarü mexẽxẽruü̃gü 8:29

Rü norü ĩanewatama nayamaxü̃ ga Yedeóü̃. Rü nüxü̃́ nayexma ga 70 ga nanegü, yerü namuxma̱xüchi.

1 Chamué 12:11

Rü yemaca̱x ga Tupana rü Yerubaáxü̃ rü Baráxü̃ rü Yetéxü̃ rü Chamuéxü̃ yéma namu nax perü uanügüme̱xẽwa pexü̃ ínanguxü̃xẽẽxü̃ca̱x. Rü ngẽmaca̱x nixĩ i ñu̱xma rü taãẽwa pengẽxmagüxü̃.

2 Chamué 23:25

Chamá ga Aróxcüã̱x rü Ericá ga Aróxcüã̱x ta ixĩcü, rü

Wiyaegü 83:9

Pa Tupanax ¡ẽcü ngẽma torü uanügüxü̃ nadai yexgumarüxü̃ nax cunada̱i̱xü̃ ga yema Madiáü̃tanüxü̃ rü ãẽ̱xgacü ga Chíchara rü ãẽ̱xgacü ga Yabíü̃ ga Quichóü̃arü natügu yuxü̃ ga Endóxarü ĩanewa! Rü nümagü rü ñu̱xma rü wamüanexü̃ ga waixü̃mü nixĩgü.

Ãẽ̱xgacügü ga guxchaxü̃güarü mexẽxẽruü̃gü 6:33

Rü yemawena rü guxü̃ma ga Madiáü̃tanüxü̃ rü Amaréxtanüxü̃ rü duü̃xü̃gü ga éstewaama ne ĩxü̃, rü wüxigu nangutaque̱xe. Rü natü ga Yudáü̃ nichoü̃ rü Yereéarü metachinüxü̃wa nangugü rü yexma napegü.

1 Chamué 29:1

Rü nüma ga Firitéugüarü churaragüerugü rü Aféxgu nanangutaque̱xexẽxẽ ga guxü̃ma ga norü churaragü. Rü yoxni ga nüma ga Iraétanüxü̃ rü yema natüxacü ga ĩane ga Yereéwa yexmaxü̃gu nügü nanutaque̱xe.