Ãẽ̱xgacügü ga guxchaxü̃güarü mexẽxẽruü̃gü 6:5 - Tupanaarü Ore

⁵ Rü yema duü̃xü̃gü rü muxũchixü̃ ga norü caméyugümaxã ínangugü, ñoma munügü i nanetüarü chixexẽẽwa ĩxü̃rüxü̃. Rü yexma nachocu namaxã ga norü wocagü rü napatagü ga naxcha̱xmünaxca̱x. Rü guxü̃ma ga yema Iraéanewa yexmaxü̃ ga nanetügü rü nanagu̱xẽxẽ.

Ãẽ̱xgacügü ga guxchaxü̃güarü mexẽxẽruü̃gü 6:5 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 7:12

Rü yema Madiáü̃tanüxü̃ rü Amaréxtanüxü̃ rü yema duü̃xü̃gü ga éstewaama ne ĩxü̃ rü yema doxonexü̃gu nügü nawoonemare ñoma munügürüxü̃. Rü namuxũchi ga norü caméyugü ñoma naxnücüte̱xe ya márcutüwa ngẽxmacürüxü̃.

Ãẽ̱xgacügü ga guxchaxü̃güarü mexẽxẽruü̃gü 8:10

Rü nüma ga Zéba rü Salmuná rü Cacówa nayexmagü namaxã ga 15,000 ga norü churaragü yerü yexicatama nixĩ ga guxü̃ma ga norü churaragü ga éstewaama ne ĩxü̃ ga íyaxügüxü̃, yerü daigu marü nayue ga 120,000 ga norü churaragü.

Yeremía 49:32

¡Rü naxca̱x pengĩ́e i norü caméyugü rü guxü̃ma i norü wocagü! Rü choma rü guxü̃ i nachixü̃anegügu tá chanawoone i ngẽma duü̃xü̃gü i nügü idücatügüxü̃. Rü tá naxca̱x íchananguxẽxẽ i taxü̃ i guxchaxü̃gü i guxü̃ i nachixü̃anegüwa ne ĩxü̃. Rü choma ya Cori ya Tupana nixĩ i ngẽma ñachaxü̃.

Yeremía 49:29

¡Rü nüxna napuxü̃ ya napatagü ya naxchirunaxca̱x, rü norü carnérugü, rü guxü̃ma i napataarü ngẽmaxü̃gü! ¡Rü nüxna napuxü̃ i norü caméyugü! ¡Rü tagaãcü aita pexügü rü ñaperügügü: “Guxü̃wama nangẽxma i ãũcümaxü̃ rü muü̃”, ñaperügügü!

Yeremía 46:23

Rü ngẽma uanügü rü tá nanadai i Equítuanearü churaragü ñoma wüxi ya naixnecü ichexexü̃rüxü̃. Rü choma ya Cori ya Tupana nixĩ i nüxü̃ chixuxü̃ i ngẽma. Rü ngẽma uanügü rü munügüxü̃ narümumae rü taxúema nüxü̃ tacua̱x nax tayaxugüxü̃.

Ichaía 60:6

Rü muxü̃tama i duü̃xü̃gü i togü i nachixü̃anegücüã̱x rü tá caméyugügu Yerucharéü̃wa naxĩ. Rü tá ínangugü i Madiáü̃cüã̱xgü rü Efácüã̱xgü. Rü guxü̃ma i Chabáanecüã̱xgü rü núma tá naxĩ namaxã i norü úirugü rü pumaragü. Rü tá choxü̃ nicua̱xüü̃gü naxca̱x i ngẽma mexü̃ i chorü poramaxã chaxüxü̃.

Ichaía 13:20

Rü cuwa rü bai tá i ñuxgu wena duü̃xü̃gü cugu ãpatagüxü̃ rü tagutáma wena duü̃xü̃gü cuwa nangẽxmagü. Rü woo i ngẽma duü̃xü̃gü i nu ne naxĩmarexü̃ rü tagutáma cuwa nangugü. Rü woo i ngẽma carnérugüarü dauruü̃gü rü taxũtáma cugu norü carnérugüxü̃ narüngüexẽxẽ.

Charumóü̃arü wiyae 1:5

Pa Ngecügü i Yerucharéü̃cüã̱xgüx, choma rü chawaxracha̱xmü, natürü chamechametü. Chawaxraxü̃ne yimá Quedáxcüã̱xarü ĩpatagürüxü̃. Rü chamexẽchi ñoma Charomóü̃arü ucapuarü düxmachiü̃rüxü̃.

1 Chamué 30:17

Rü yexguma nüma ga Dabí rü norü duü̃xü̃gümaxã naxca̱x ínayagoõchi. Rü pa̱xmama inanaxügü nax nügü nada̱i̱xü̃ rü ñu̱xmata nayáuane. Rü guxü̃xü̃ma nadai. Rü 400 ga ngextü̱xüxü̃gü ga caméyugügu ibüxmüxü̃xicatama nixĩ ga íyaxügüxü̃.

Ãẽ̱xgacügü ga guxchaxü̃güarü mexẽxẽruü̃gü 8:21

Rü yexguma ga nümagü ga Zéba rü Salmuná rü Yedeóü̃xü̃ ñanagürügü: —¡Ẽcü cumatama toxü̃ nadai! Erü wüxi i yatü i aixcüma poraxü̃ rü tama namuü̃ —ñanagürügü. Rü yexguma ga nüma ga Yedeóü̃ rü inachi rü nanadai. Rü nüxna nanade ga norü nga̱xãẽruü̃gü ga namaxã yaxãchagüxü̃ ga norü caméyugü ga Zéba rü Salmuná.

Wenaxarü naxümatü ga Tupanaarü mugü 28:33

Rü ngẽma curü naanegu cutoxü̃ i cunetüarü o i curü puracüwa ne ũxü̃, rü duü̃xü̃gü i ü̃paacü taguma nüxü̃ cucuáxü̃ tá nüxchiama nanangõ̱xgü. Rü ngẽmaãcü guxü̃gutáma chixri cumaxã inacua̱xgü rü chixri cumaxã nachopetü.

Yeremía 51:14

Rü nüma ya Cori ya Tupana ya Guxãétüwa Ngẽxmacü rü nügüégagu cumaxã nanaxuegu rü ñanagürü: “Pa Babiróniax, curü uanügümaxã tá chayapaxẽxẽ ya curü ĩane. Rü ñoma munügürüxü̃ tá namu. Rü nümagü rü tá tagaãcü aita naxüe i ngẽxguma cuxü̃ naporamaegügu”, ñanagürü.