Ãẽ̱xgacügü ga guxchaxü̃güarü mexẽxẽruü̃gü 6:3 - Tupanaarü Ore

³ Rü yexguma Iraétanüxü̃ toegügu, rü nüma ga Madiáü̃tanüxü̃ rü Amaréxtanüxü̃ rü yema duü̃xü̃gü ga éstewa ne ĩxü̃, rü naxca̱x ínayaxüãchixü̃.

Ãẽ̱xgacügü ga guxchaxü̃güarü mexẽxẽruü̃gü 6:3 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 7:12

Rü yema Madiáü̃tanüxü̃ rü Amaréxtanüxü̃ rü yema duü̃xü̃gü ga éstewaama ne ĩxü̃ rü yema doxonexü̃gu nügü nawoonemare ñoma munügürüxü̃. Rü namuxũchi ga norü caméyugü ñoma naxnücüte̱xe ya márcutüwa ngẽxmacürüxü̃.

Ãẽ̱xgacügü ga guxchaxü̃güarü mexẽxẽruü̃gü 6:33

Rü yemawena rü guxü̃ma ga Madiáü̃tanüxü̃ rü Amaréxtanüxü̃ rü duü̃xü̃gü ga éstewaama ne ĩxü̃, rü wüxigu nangutaque̱xe. Rü natü ga Yudáü̃ nichoü̃ rü Yereéarü metachinüxü̃wa nangugü rü yexma napegü.

Ãẽ̱xgacügü ga guxchaxü̃güarü mexẽxẽruü̃gü 3:13

Rü nüma ga Eglóü̃ rü Amóü̃tanüxü̃na rü Amaréxtanüxü̃na naxu nax nüxü̃ nangü̃xẽẽgüxü̃ca̱x nax Iraétanüxü̃xü̃ nada̱i̱xü̃ nax yemaacü yapugüãxü̃ca̱x ga guma ĩane ga Yericú ga Cucunecügu ãégane.

Nüxíraxü̃xü̃ ga popera ga ãẽ̱xgacügüchiga 4:30

Rü yemaacü ga Charomóü̃arü cua̱x rü Equítuanecüã̱xgüarü cua̱xü̃ nangupetü, rü yema duü̃xü̃gü ga éstewaama yexmagüxü̃arü yexera nixĩ ga norü cua̱x.

Ãẽ̱xgacügü ga guxchaxü̃güarü mexẽxẽruü̃gü 8:10

Rü nüma ga Zéba rü Salmuná rü Cacówa nayexmagü namaxã ga 15,000 ga norü churaragü yerü yexicatama nixĩ ga guxü̃ma ga norü churaragü ga éstewaama ne ĩxü̃ ga íyaxügüxü̃, yerü daigu marü nayue ga 120,000 ga norü churaragü.

Naanearü ügüchiga 29:1

Rü Acóbu rü ínixũchigü, rü düxwa yema duü̃xü̃gü ga éstewaama yexmagüxü̃arü naanewa nangu.

Miquéa 6:15

Rü tá petoe, natürü taxũtáma penabuxu i norü o. Rü tá penawaxi i ngẽma oribugü, natürü taxũtáma pexca̱x nixĩ i norü chíxü̃. Rü tá penama̱i̱xtüxü̃ i ngẽma úbagü, natürü taxũtáma peyaxaxgü i norü bínu.

Wenaxarü naxümatü ga Tupanaarü mugü 28:51

Rü ngẽma duü̃xü̃gü rü tá curü wocaxacügümaxã naxãwemü. Rü cuanegu cutoxü̃ i cunetügüarü o rü tá nayabuxgü ñu̱xmatáta taxuxü̃táma i norü o ngéma yaxǘgüxẽxẽ. Rü ngẽma curü tríguarü o, rü taxuxü̃táma ngéma nayaxügüxẽxẽ. Rü ngẽxgumarüxü̃ ta i curü bínu, rü chíxü̃, rü curü wocaxacügü rü curü carnéruxacügü rü taxuxü̃táma ngéma nayaxügüxẽxẽ. Rü ngẽmagagu tá taiyamaxã cuyu.

Ãẽ̱xgacügü ga guxchaxü̃güarü mexẽxẽruü̃gü 6:2

Rü nüma ga Madiáü̃tanüxü̃ rü niyexeragutanü nax chixri Iraétanüxü̃maxã inacua̱xgüxü̃. Rü yemaca̱x ga yema Iraétanüxü̃ rü Madiáü̃tanüxü̃xü̃ namuü̃e, rü ma̱xpǘnegü ga guxchaãcü nawa inguxü̃nearü ãxmaxü̃gu nicu̱xgü.

Ãẽ̱xgacügü ga guxchaxü̃güarü mexẽxẽruü̃gü 6:4

Rü Iraétanüxü̃arü naanewa nangugü rü guxü̃ma ga tümanetügügu nidaugü rü tümaxü̃nagü nanadai ñu̱xmata Gáchaarü naanewa nangu. Rü taxuxü̃ma ga Iraétanüxü̃arü ngõ̱xruxü̃ ínayaxügüxẽxẽ, rü bai ga carnérugü, rü bai ga wocagü, rü bai ga búrugü ga íyaxügüxü̃.

Nüxíraxü̃xü̃ ga popera ga ãẽ̱xgacügüchiga 20:27

Rü yexgumarüxü̃ ta ga nüma ga Iraéanearü churaragü rü nügü namexẽẽgü rü ínayana ga nawemügü. Rü yemaacü inaxĩãchi nax Chíriaanecüã̱xmaxã nügü nada̱i̱xü̃ca̱x. Rü nüma ga Iraétanüxü̃arü churaragü rü Chíriaanegüarü to̱xma̱xtawa nangugü. Rü nanoxremare rü ñoma taxretücumü ga chíbugü yexma chogüxü̃rüxü̃ nixĩgü. Natürü nüma ga Chíriaanearü churaragü rü namuxũchi rü yema naane ga nagu nügü nadaixchaü̃xü̃ rü namaxã nanapa.

Ichaía 62:8

Rü nüma ya Tupana rü nügüégagutama Iraétanüxü̃maxã nanaxuegu rü ñanagürü: —Tagutáma wena chanangexrü nax norü uanügü nangṍxü̃ i Iraétanüxü̃arü trigu rü ngẽma togümare i duü̃xü̃gü yaxaxgüxü̃ ya Iraétanüxü̃arü bínu ya poraãcü naxca̱x napuracüecü.

Echequié 25:4

Rü yemagagu rü choma rü tá éstewaama ngẽxmagüxü̃ i nachixü̃anegüme̱xẽwa pexü̃ changexmagüxẽxẽ, nax nümagü noxrüxü̃ nayauxgüãxü̃ca̱x i perü naane. Rü nümagü rü tá pechixü̃anewa naxĩ rü ngẽxma tá naxüpatagü rü ngéma tá namaxẽ. Rü guxü̃ma i penetügü i peanewa ngẽxmagüxü̃ rü tá namaxã naxãwemügü. Rü tá nayaxaxgü i perü lechi.

Naanearü ügüchiga 25:6

Rü yema togü ga nanegü ga naigü ga naxma̱xwaü̃güxü̃, rü nüma ga Abraáü̃ rü nayaxãmareã̱xgümare. Natürü yexguma namaxü̃gutama ga Abraáü̃, rü nane ga Ichaána nayamugachitanü ga yema togü ga nanegü. Rü naane ga éstewaama yexmaxü̃wa nanamugü.

Ínachoxü̃xü̃chiga 17:8

Rü yema Amaréxtanüxü̃ rü yema nachica ga Refidíü̃gu ãégaxü̃wa naxĩ nax Iraétanüxü̃maxã nügü nada̱i̱xü̃ca̱x.

Nüxíraxü̃xü̃ ga popera ga ãẽ̱xgacügüchiga 5:10

Rü yemaacü ga Iráü̃ rü Charomóü̃na nanana ga guxü̃ma ga yema ocayiwapüta rü pinupüta ga nanaxwa̱xexü̃.

Ichaía 11:14

Rü Efraíü̃tanüxü̃ rü Yudátanüxü̃ rü wüxigu tá oéstewa naxĩ nax Firitéutanüxü̃xü̃ nada̱i̱xü̃ca̱x, rü naweama tá ne naxĩ. Rü ngẽxgumarüxü̃ tá ta wüxigu naxca̱x ínayaxüãchi rü nüxna nanapuxü̃ i norü ngẽmaxü̃gü i ngẽma nachixü̃anegü i éstewaama ngẽxmagüxü̃. Rü ngẽma taxre rü tá Edóü̃anemaxã rü Moáanemaxã inacua̱xgü. Rü ngẽma Amóü̃tanüxü̃ rü tá naga naxĩnüe.

Yeremía 49:28

Ñaa nixĩ i Cori ya Tupanaarü ore nachiga i Quedáxtanüxü̃ rü Achóxtanüxü̃arü ãẽ̱xgacügü ga Nabucudonochó ya Babiróniaanearü ãẽ̱xgacü nüxü̃ rüporamaexü̃. Rü nüma ya Cori ya Tupana rü Nabucudonochóxü̃ ñanagürü: —¡Inaxũãchi rü naxca̱x íyagoõchi i ngẽma Quedáxtanüxü̃ i éstewa maxẽxü̃! ¡Rü nadai!