Ãẽ̱xgacügü ga guxchaxü̃güarü mexẽxẽruü̃gü 5:9 - Tupanaarü Ore

⁹ Moxẽ pexna chaxã, Pa Iraéanearü Ãẽ̱xgacügü rü pema Pa Iraétanüxü̃ i pegü ixãgüxe nax daiwa pexĩxü̃. ¡Rü nüxü̃ picua̱xüü̃gü ya tórü Cori ya Tupana!

Ãẽ̱xgacügü ga guxchaxü̃güarü mexẽxẽruü̃gü 5:9 Referans Kwoze

Ãẽ̱xgacügü ga guxchaxü̃güarü mexẽxẽruü̃gü 5:2

—¡Nüxü̃ picua̱xüü̃gü ya Tupana, Pa Iraétanüxü̃arü Ãẽ̱xgacügüx! ¡Tupanana moxẽ pexãgü ya guxãma i pemax! Erü perü ngúchaü̃maxã Tupanaca̱x pegü ipexãgü nawa i ngẽma dai.

2 Corintios 9:5

Rü ngẽmaca̱x nixĩ i cha̱u̱xca̱x namexü̃ nax naxca̱x íchaca̱xaxü̃ i ngẽma taenexẽgü nax nüxíra petanüwa naxĩxü̃ca̱x rü nümatama pexü̃ yanangü̃xẽẽgüxü̃ca̱x nax ngĩxü̃ penutaque̱xegüxü̃ca̱x i ngẽma diẽru ga ü̃pamama ngĩxü̃ pixucü. Rü ngẽmaãcü aixcüma tá íimemare i ngẽma diẽru i ngẽxguma ngéma changuxgu. Rü ngẽmaãcü togü tá nüxü̃ nadaugü nax aixcüma perü ngúchaü̃maxã yixĩxü̃ nax ngĩxü̃ ipexãgüxü̃ rü tama aüãcüma.

2 Corintios 8:17

Rü yexguma petanüwa chanamuxgu ga Títo rü: “Ngü̃”, ñanagürü. Yerü nüma rü woetama poraãcü pegu narüxĩnü. Rü ngẽmaca̱x norü ngúchaü̃maxã tá pexü̃ ínayadau i ñu̱xma.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 29:9

Rü nüma ga duü̃xü̃gü rü nataãẽgü yerü norü ngúchaü̃maxã Cori ya Tupanana nanaxãmaregü ga norü yemaxü̃gü. Rü yexgumarüxü̃ ta rü nüma ga ãẽ̱xgacü ga Dabí rü poraãcü nataãẽxü̃chi.

Norü taxre ga to ga popera ga ãẽ̱xgacügüchiga ümatüxü̃ 17:16

Rü ñu̱xũchi Amachía ga Chicrí nane ga norü ngúchaü̃maxã Tupanaaxü̃́ puracücü rü namaxã inacua̱x ga 200,000 ga churaragü.

Neemía 11:2

Rü yemawena ga yema Iraétanüxü̃ rü mexü̃ tümamaxã naxuegugü ga guxema duü̃xẽgü ga tümaarü ngúchaü̃tama tügü ixuxe nax ĩane ya Yerucharéü̃gu taxãpatagüxü̃.

Norü taxre ga to ga popera ga ãẽ̱xgacügüchiga ümatüxü̃ 31:8

Rü yexguma Echequía rü yema norü ngü̃xẽẽruü̃gü íyadaugügu ga yema nanutaque̱xegüxü̃ rü Cori ya Tupanana moxẽ naxãgü, rü mexü̃ namaxã naxuegugü ga yema duü̃xü̃gü ga Iraétanüxü̃.

Wiyaegü 103:2

Rü guxü̃ma i chorü ĩnümaxã tá nüxü̃ chicua̱xüxü̃ ya Cori ya Tupana rü taxũtáma nüxü̃ icharüngüma i norü ngü̃xẽẽgü i cha̱u̱xca̱x naxüxü̃ rü bai i wüxi.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.